| e-texts navigator |
| Wylie |
36a1 འཇིག་རྟེན་གྱི་ཁམས་སུ་ཀུན་ཏུ་སྣང་ངོ་། ། དེ་བཞིན་གཤེགས་པ་ཐམས་ཅད་ཀྱིས་ཀྱང་བཅོམ་ལྡན་འདས་ཤཱཀྱ་ཐུབ་པས་ཇི་ལྟར་བྱུང་བ་དེ་འདྲ་བའི་རྫུ་འཕྲུལ་གྱི་ཆོ་འཕྲུལ་ཕྱུང་སྟེ། དེ་བཞིན་གཤེགས་པ་རྣམས་ཀྱི
36a2 སྤྲུལ་པ་ཕྱུང་བ་ཇི་སྙེད་པ་དེ་དག་ཐམས་ཅད་ཀྱང་བཅོམ་ལྡན་འདས་ག་ལ་བ་དེར་ལོགས་སུ་དོང་སྟེ་ཕྱིན་ནས་བཅོམ་ལྡན་འདས་ཀྱི་འཁོར་གྱི་ནང་དུ་འདུས་པར་གྱུར་ཏོ། ། བྱང་ཆུབ་སེམས་དཔའ་དཔག་ཏུ་མེད་པ་དག་ཀྱང་དགེ་སློང་དང་། དགེ་སློང
36a3 མ་དང་། དགེ་བསྙེན་དང་། དགེ་བསྙེན་མ་གང་གཱའི་བྱེ་མ་སྙེད་དག་དང་ལྷན་ཅིག་ཏུ་དེ་བཞིན་གཤེགས་པ་ལ་མཆོད་པ་ཆེན་པོ་དཔེ་མེད་པ་ཐོགས་ཏེ་འདིར་ལྷགས་སོ།། དེ་བཞིན་དུ་ལྷ་དང་། ཀླུ་དང་། གནོད་སྲིན་དང་། དྲི་ཟ་དང་། ལྷ་མ་ཡིན་དང་།
36a4 ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དུ་མ་དེ་དག་ཀྱང་བཅོམ་ལྡན་འདས་ཀྱི་རྫུ་འཕྲུལ་གྱི་ཆོ་འཕྲུལ་དེ་མཐོང་ནས་བཅོམ་ལྡན་འདས་ག་ལ་བ་དེར་དོང་ངོ་དོ།། དེ་ནས་གང་དག་ཕྱོགས་བཅུ་ནས་ལྷགས
36a5 པའི་བྱང་ཆུབ་སེམས་དཔའ་དེ་དག་གིས་མཆོད་པ་བླ་ན་མེད་པས། བཅོམ་ལྡན་འདས་ལ་བསྙེན་བཀུར་བྱས་ཏེ། ཕ་རོལ་ཏུ་ཕྱིན་པ་དྲུག་གིས་ཡོངས་སུ་བསྒྲུབས་པའི་བསྟན་དག་ལ་འཁོད་དོ།། མི་དང་མེ་མ་ཡིན་པའི་བར་དུ་ཡང
36a6 ཅི་རིགས་པའི་སྟན་དག་ལ་འཁོད་དོ། ། གང་དག་བཅོམ་ལྡན་འདས་ཀྱིས་སྤྲུལ་པ་ཕྱུང་བ་དེ་དག་ཀྱང་མནར་མེད་པ་ཡན་ཆད་འོག་མིན་གྱི་གནས་མན་ཆད་དུ་མངོན་པར་ཕྱུང་སྟེ། སླར་ཡང་ལོག་གོ།། ཕྱོགས་བཅུའི་སངས་རྒྱས་རྣམས
36a7 ཀྱིས་སྤྲུལ་པ་ཕྱུང་བ་ཇི་སྙེད་པ་དེ་དག་ཐམས་ཅད་ནི་བཅོམ་ལྡན་འདས་ཤཱཀྱ་ཐུབ་པའི་སྤུའི་ཁུང་བུ་ཐམས་ཅད་དུ་ནུབ་པོ། ། གང་དག་བཅོམ་ལྡན་འདས་ཀྱི་སྤྲུལ་པ་བྱུང་བ་དེ་དག་ནི་སངས་རྒྱས་ཐམས་ཅད་ཀྱི་སྐུ་རྣམས་སུ་ནུབ་པོ།། དེ་ནས
36a8 བྱང་ཆུབ་སེམས་དཔའ་སེམས་དཔའ་ཆེན་པོ་རྒྱལ་བའི་ཕུང་པོ་ཞེས་བྱ་བ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་གཙུགས་ཏེ། བཅོམ་ལྡན་འདས་གལ་བ་དེར་ལེགས་སུ་ཐལ
iiif viewer powered by OpenSeadragon
