| e-texts navigator |
| Wylie |
302a1 ཕྲེང་བས་བཅིངས་ལགས་སོ། ། བདག་ཅག་གི་སེམས་དང་། ཡེད་དང་། རྣམ་པར་ཤེས་པ་དག་གཟོད་པ་དང་། གཟུངས་དང་། ས་རྣམ་པ་སྣ་ཚོགས་ཀྱིས་ལགས་པར་བ་ཅན་ལགས་སོ།། ཐེག་པ་ཆེན་པོའི་ཤིང་ཏ་དག་གིས་པ
302a2 ལགས་སོ། ། གང་ན་སངས་རྒྱས་ཀྱི་ཞིང་སྙིགས་མ་ལྔ་དང་བྲལ་བ་ཤིན་ཏུ་ཡོངས་སུ་དག་པར་སངས་རྒྱས་བཅོམ་ལྡན་འདས་བྱང་ཆུབ་སེམས་དཔའི་ཚོགས་ཡོངས་སུ་དག་པས་བསྐོར་ནས་ཐེག་པ་ཆེན་པོའི་ཆོས་ཀྱིས་བཏམ་དག་བདག་སྟོན་པ
302a3 དེར་བདག་ཅག་མ་ཆིས་ལགས་སོ། ། དེ་ཅིའི་སླད་དུ་ཞེ་ན། ད་ལྟར་བདག་ཅག་བཅོམ་ལྡན་འདས་ཀྱི་བཀའ་ལ་བཀུར་སྟི་བགྱིད་ཅིང་འཛིན་པར་བགྱིད་ལགས་སོ།། དེ་ལྟ་ལགས་པས་བདག་ཅག་འཁོར་དང་བཅས་པ། བཅོམ་ལྡན་འདས་ཀྱི
302a4 བཀའ་ལ་ཤིན་ཏུ་གནས་པར་བགྱིད་ལགས་སོ། ། གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། རི་བྲགས་ཀྱི་གནས་གང་དང་གངན་སེམས་ཅན་ཉན་ཐོས་ཀྱི་ཐེག་པ་པ་དང་། རང་སངས་རྒྱས་ཀྱི་ཐེག་པ་པ་དང་། ཐེག་པ་ཆེན་པོ་བདག
302a5 ཁྱིམ་ན་གནས་པའམ། རབ་ཏུ་བྱུང་བ་འམ་ཚུལ་ཁྲིམས་དང་ལྡན་པ་འམ།། ཚུལ་ཁྲིམས་འཆལ་པ་འམ། ཐོས་པ་མང་བ་འམ།། ཐོས་པ་ཉུང་བ་འམ། བརྩོན་འགྲུས་བརྩམས་པ་འམ། ལེ་ལོ་ཅན་ནམ་མཉམ་པར་བཞག་པ་འམ། མཉམ་པ
302a6 མ་བཞག་པ་འམ། དྲན་པ་དང་ལྡན་པ་འམ། དྲན་པ་ཉམས་པ་རྣམས་བཅོམ་ལྡན་འདས་དང་། ཆོས་དང་། དགེ་འདུན་དང་། འཕགས་པ་དགྱེས་པའི་ཚུལ་ཁྲིམས་དག་ལ་དགའ་ཞིང་དད་པ་དག་བསྐུར་སྟི་དང་།། བླ་མར་བགྱིད་པ་དང་། རི་མོ
302a7 བགྱིད་པ་དང་། བྱང་ཆུབ་རྣམ་གསུམ་གང་ཡང་རུང་བ་དག་ལ་རབ་ཏུ་ཞུགས་པ། བཅོམ་ལྡན་འདས་ཀྱི་ཉན་ཐོས་སྦྱིན་དང་མ་དེ་ལྟ་བུ་དག་གནས་ཤིང་མཆིས་པ་དེ་དང་དེར་བདག་ཅག་ཡིད་ཀྱིས་དགའ་ཞིང་དད་པ་དང་། བཀུར་སྟི་དང་། བླ་མར
302a8 བབྱི་བ་དང་། རི་མོ་དག་གིས་གནས་པར་བགྱི་དཔགས་སོ།། ཡུལ་འཁོར་དེ་དང་། དེའི་གྲོང་ཁྱེར་དང་། གྲོང་རྡལ་དང་། ལྗོངས་དང་། རི་བྲགས་དེར། བདག་གི་འཁོར་ཀླུ་དང་། ཀླུ་མོ་དང་། ཀླུ་རྒན་པོ་དང་། ཀླུ་རྒན་མོ་དང་། ཀླུའི་བུ་དང་ཀླུའི
iiif viewer powered by OpenSeadragon