| e-texts navigator |
| Wylie |
299a1 བརྩོན་པ་ལགས་སོ། ། སྙིང་པོ་བླངས་པ་ལགས་སོ།། ལག་བརྐྱང་ནས་ལྷག་པར་གཏོང་བ་ལགས་ཏེ། རྒྱལ་རིགས་དགེ་བ་དེ་ཡུལ་འཁོར་དང་བཅས་པར་སྲུང་བར་བགྱི་ལགས་སོ།། ཡོངས་སུ་བསྐྱང་བར་བགྱི་ལགས་སོ།། དེའི་ཡུལ
299a2 ཕྱོགས་ན་རྩོད་པའི་རྙོག་པ་ཐམས་ཅད་དང་། སོ་སོའི་འཁོར་དག་སྔར་ཇི་སྐད་བསྟན་པ་བཞིན་བསྐྲད་པར་བགྱི་ལགས་སོ།། དེ་ཅིའི་སླད་དུ་ཞེ་ན། ཆོས་གོས་ངུར་སྨྲིག་ཁ་བསྐུར་བ་འདི་ནི་སྔོན་གྱི་སངས་རྒྱས་བཅོམ་ལྡན་འདས་ཐམས་ཅད་ཀྱིས
299a3 བྱིན་གྱིས་བརླབས་པ་ལགས་སོ། ། བྱང་ཆུབ་སེམས་དཔའ་རྣམས་ཀྱི་རྒྱལ་མཚན་ལགས་སོ།། མྱ་ངན་ལས་འདས་པར་མཆི་བ་རྣམས་ཀྱི་ལམ་ལགས་སོ།། ཉོན་མོངས་པ་རྣམས་ཀྱི་རལ་གྲི་ལགས་སོ།། མྱ་ངན་ལས་འདས་པའི་ས་བོན་ལགས་སོ།།
299a4 ལམ་ལས་རབ་ཏུ་ཉམས་པ་རྣམས་ཀྱི་སྒྲོན་མ་ལགས་སོ།། ཕུང་པོ་རྣམས་ཀྱི་སྨན་ལགས་སོ།། མ་རིག་པའི་མུན་པའི་རླུང་ལགས་སོ།། ངན་འགྲོ་རྣམས་ཀྱི་སྒྲོགས་ཤིང་ལགས་སོ།། ཉོན་མོངས་པའི་སྐྱོན་གྱིས་ཉམས་པར་གྱུར་པ་རྣམས་ཀྱི
299a5 སྐྱུག་སྨན་ལགས་སོ། ། ངགྲ་རྣམས་ཀྱི་རྡོ་རྗེ་ལགས་སོ།། དགེ་བའི་རྩ་བ་ཐམས་ཅད་ཀྱི་གཏེར་ལགས་སོ།། སྡིག་པས་གོས་པ་རྣམས་ཀྱི་ཆ་བ་ལགས་སོ།། ནོངས་པ་བགྱིད་པ་རྣམས་ཀྱི་མེ་ལོང་ལགས་སོ།། སེམས་གཡེངས་པ་རྣམས་ཀྱི་ཏིང
299a6 ངེ་འཛིན་ལགས་སོ། ། ཏིང་ངེ་འཛིན་རྣམས་ཀྱི་ཟ་མ་ཏོག་ལགས་སོ།། ཕ་རོལ་ཏུ་ཕྱིན་པ་རྣམས་ཀྱི་ས་གཞི་ལགས་སོ།། གཟུངས་རྣམས་ཀྱི་ནོར་བུ་ལགས་སོ།། བཟོད་པ་རྣམས་ཀྱི་ཁྱིམ་ལགས་སོ།། ས་རྣམས་ཀྱི་སྣོད་ལགས་སོ།། ཕས་ཀྱིས
299a7 རྒོལ་བ་རྣམས་ཀྱི་མཁར་ལགས་སོ། ། ནད་པ་རྣམས་ཀྱི་སྨན་པ་ལགས་སོ།། བསླབ་པ་རྣམས་ཀྱི་རི་ལེགས་སོ།། ཉོན་མོངས་པས་ཀུན་ནས་གདུངས་པ་རྣམས་ཀྱི་ཟླ་བ་ལགས་སོ།། ལྟ་བ་ངན་པར་ལྷུང་བ་རྣམས་ཀྱི་ཉི་མ་ལགས་སོ།། ཡེ་ཤེས
299a8 ཀྱི་རྒྱ་མཚོ་ལགས་སོ། ། བྱང་ཆུབ་ཀྱི་ཕྱོགས་པ་རྣམས་ཀྱི་ཕྲེང་བར་གྱུར་པ་ལགས་སོ།། ཐམས་ཅད་མཁྱེན་པའི་ཡེ་ཤེས་ཀྱི་བུམ་པ་བཟང་པོ་ལགས་སོ།། ཆོས་གོས་ངུར་སྨྲིག་འདི་ནི་ཡིད་བཞིན་གྱི་ནོར་བུ་རིན་པོ་ཆེ་དང་འདྲ་བ་ལགས་སོ།། ཆོས
iiif viewer powered by OpenSeadragon