| e-texts navigator |
| Wylie |
296b1 འདིར་ད་ལྟར་གླིང་བཞི་པའི་འཇིག་རྟེན་གྱི་ཁམས་འདི་ན་ཀླུ་དང་། ཀླུ་ཆེན་པོ་དང་། ཀླུའི་འཁོར་དང་། སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དང་། གླིང་བཞི་པ་འདི་ན་གང་ཁ་ཅིག་ཀླུའི་སྐྱེ་གནས་པ་དེ་དག་ཐམས་ཅད་དང་ལྟར་འདིར
296b2 མཆིས་པ་རྣམས་དང་། ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ད་ལྟར་འདུས་པ་ཆེན་པོ་འདིར་མཆིས་པ་རྣམས་དང་། ད་ལྟར་འདིར་ལྷ་དང་། ཀླུ་དང་། གནོད་སྦྱིན་དང་། སྲིན་པོ
296b3 དང་། དྲི་ཟ་དང་། མི་འམ་ཅི་དང་། ལྷ་མ་ཡིན་དང་། ལྟོ་འཕྱེ་ཆེན་པོ་དང་། ཡི་དགས་དང་། ཤ་ཟ་དང་། སྲུལ་པོ་དང་། ལུས་སྲུལ་པོ་འདུས་པ་ཐམས་ཅད་དང་། བཅོམ་ལྡན་འདས་ཀྱི་ཉན་ཐོས་མི་དང་མི་མ་ཡིན་པ་དེ་དག་ད་ལྟར་འདྲས་པ་ཆེན་པོ
296b4 འདིར་ཆོས་ཉན་པའི་སླད་དུ། བཅོམ་ལྡན་འདས་ཀྱི་སྤྱན་སྔར་མཆིས་པའི་སེམས་ཅན་དེ་དག་ཐམས་ཅད་ཟས་བཞི་ལ་རྟེན་ཅིང་འཚོ་བར་བགྱིད་ལགས་སོ།། བཙུན་པ་བཅོམ་ལྡན་འདས་ད་ལྟའི་དུས་སུ་ཀླུ་ཁྲོ་བོ་ཕུད་པར་བགྱིད་པ་དག
296b5 ཞིབར་མཛད་ངུ་གསོལ། ། གང་དག་ཀླུ་ཁྲོ་བོ་རྣམས་ནི་བཅོམ་ལྡན་འདས་ཀྱི་བཀའ་ལ་མངོན་པར་མ་དད་པས་རྟག་པར་ཡང་སྒྲུབ་པར་བགྱིད་པ། སེམས་ཅན་རྣམས་ལ་ཐོ་འཚམ་པ།། སེམམ་ཅན་ནམས་ཀྱི་འོས་སྤྱོད་པ་དང་། ཉེ་བར་ལོངས
296b6 སྤྱོད་པ་དགས་རུང་བར་བགྱིད་པ། ། འཇིག་རྟེན་ཕ་རོལ་ལ་མི་ལྟ་བ།། སེམས་ཅན་རྣམས་ལ་སྙིང་བརྩེ་བ་མ་མཆིས་ཤིང་སྙིང་རྗེ་མ་མཆིས་པར་ཞུགས་པ། སྡང་བ། རྩུབ་པ་ལགས་ཏེ།། བདག་སེམས་ཅན་ཡོངས་སུ་སྨིན་པ་བགྱི་དཔལ
296b7 བར་ཆད་བགྱིད་པ་ལགས་པ་ས། དེ་དག་གི་དོན་དུ་བཅོམ་ལྡན་འདས་ཀྱིས་ཐུགས་རྗེ་ཆེན་པོ་བསྐྱེད་དུ་གསོལ།། བཅོམ་ལྡན་འདས་ཀྱིས་དེ་དག་གི་སྡིག་པ་དེ་ཐམས་ཅད་ཞི་བར་མཛད་དུ་གསོལ།། དེ་ནས་བཅོམ་ལྡན་འདས་ཀྱིས་ཀླུའི
296b8 གནས་ན་གནས་པ། བྱང་ཆུབ་སེམས་དཔའ་སེམས་དཔའ་ཆེན་པོ་རིའི་སྙིང་པོ་ལ་བཀའ་སྩལ་པ།། རིགས་ཀྱི་བུ་ཁྱེད་ཀྱིས་དེ་བཞིན་གཤེགས་པ་མར་མེ་མཛད་ཀྱི་སྤྱན་སྔར་ཀླུ་ཡོངས་སུ་སྨིན་པར་བརྩོན་པས་སྨོན་ལམ་བཏབ་པ་ཅི་འདྲ་ཞེ་ན
iiif viewer powered by OpenSeadragon