| e-texts navigator |
| Wylie |
292b1 དཔའ་བར་འགྲོ་བའི་ཏིང་ངེ་འཛིན་ལ་དབང་ཐོབ་པ་དག་ལོངས་སྤྱད་པར་སྤྱོད་པ་ནི་མ་གཏོགས་སོ།། བདག་གིས་སེམས་ཅན་གྱི་ཁམས་མ་ལུས་པ་དག་བསམ་གཏན་བཞི་ལ་སྙོམས་པར་ཞུགས་པར་གཞག་པར་ནུས་ན། འདིར་ཀླ་ཁྲོ་བོ་ཞེས
292b2 བྱ་བ་ནས་ལུས་སྲུལ་པོ་ཁྲོ་བོ་ཞེས་བྱ་བའི་བར་དག་ཞི་བར་བྱ་བ་ལྟ་སྨོས་ཀྱང་ཅི་དགོས། ། འདི་ལྟར་བདག་ནི་དེ་བཞིན་གཤེགས་པས་མ་གནང་བར་བདག་གིས་རྫུ་འཕྲུལ་གྱི་ཡུལ་དག་བསྟན་པ་ནི་ཚུལ་དང་མཐུན་པ་མ་ཡིན་ཏེ། དཔེར་ན་འཁོར
292b3 ལོས་སྦྱར་བའི་རྒྱལ་པོས་མ་གནང་བར་བློན་པོ་རིན་པ་ཆེ་དང་། ཁྱིམ་བདག་རིན་པོ་ཆེ་དག་གིས་དཔུང་གི་ཚོགས་ཡན་ལག་བཞི་པ་ཤོམ་པ་དེ་ནི་གནས་མེད་དེ།། དེ་ཅིའི་ཕྱིརརོ་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་མ་ལུས་པ་དེ་དག
292b4 ཐམས་ཅད་ནི་དེ་བཞིན་གཤེགས་པའི་སྲས་ཐུགས་ལས་སྐྱེས་པ་གསུང་ལས་སྐྱེས་པ། ཆོས་ལས་བྱུང་ཞིང་ཆོས་ཀྱི་སྤྲུལ་པ་སྟེ། དེའི་ཕྱིར་དེ་བཞིན་གཤེགས་པས་མ་གནང་བར་རྫུ་འཕྲུལ་གྱི་ཡུལ་བསྟན་པར་ནི་སུས་ཀྱང་མི་ནུས་སོ།།
292b5 དཔལ་ཆོག་ཤེས་འོན་ཀྱང་ཆུ་ཀླུང་ནོར་བུའི་གཞལ་མེད་ཁང་ཞེས་བྱ་བའི་གཟུངས་ཀྱི་ཚོགས་ཀྱི་རིག་སྔགས་དང་། གསང་སྔགས་ཀྱི་ཚིག་མདོར་བསྡུས་པ་དང་། དུས་གསུམ་གྱི་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱི་དཀོན
292b6 མཆོག་གསུམ་གྱི་གདུང་གི་བྱིན་གྱིས་རླབས་ཀྱིས་རྣམ་པར་འཕྲུལ་པ་དག་ཡོད་ཀྱིས་དཔལ་ཆོ་ག་ཤེས། དེ་བཞིན་གཤེགས་པ་དེ་ལ་ཚིག་དག་ཞུས་ཤིག་དང་། ད་དེ་བཞིན་གཤེགས་པས་ཁྱོད་ལ་ཆུ་ཀླུང་ནོར་བུའི་གཞལ་མེད་ཁང་ཞེས་བྱ་བའི
292b7 གཟུངས་ཀྱི་ཚོགས་ཀྱི་རིག་སྔགས་དང་། གསང་སྔགས་ཀྱི་ཚིག་མདོར་བསྡུས་པ་དག་སྟོན་པར་འགྱུར་ཏེ། བདག་ཀྱང་རྗེས་སུ་ཡི་རང་ངོ་།། ཁྱོད་ཀྱིས་ཀྱང་བསམ་པ་ཐམས་ཅད་རྫོགས་པར་གྱིས་ཤིག། དེ་ནས་དཔལ་ལྷ་མོ་ཆེན་མོ་དང་། ལྷ་མོ
292b8 ཆེན་མོ་དབྱངས་ཅན་དང་། ལྷ་མོ་ཆེན་མོ་བརྟན་མ་དང་། ལྷ་མོ་ཆེན་མོ་འོད་བྱེད་དང་། ལྷ་མ་ཆེན་མོ་གཟི་བརྗིད་ཅན་དང་། ལྷ་མོ་ཆེན་མོ་དགེ་ལྡན་དང་། ལྷ་མོ་ཆེན་མོ་ཏ་མ་ལའི་སྙིང་པོ་དང་། ལྷ་མོ་ཆེན་མོ་ཉི་མ་བདག་དང་། ལྷ་མོ་ཆེན་མོ་ཤེལ་ཅན
iiif viewer powered by OpenSeadragon