| e-texts navigator |
| Wylie |
289b1 ཇི་ལྟར་སེམས་ཅན་རེ་རེ་དེ་དག་ཐར་བྱའི་ཕྱིར།། སྡུག་བསྔལ་བཟོད་རླག་བཟོད་དཀའ་བདག་གིས་དང་དུ་བླང་།། བུ་ཅིག་ང་ཡིས་བྱང་ཆུབ་སྤྱོད་མཆོག་སྤྱད་པར་བྱ།། ཉན་ཐོས་དག་གི་ཤེས་པ་བཙལ་བར་མི་བྱ་ཞིང་།། རང་སངས་རྒྱས་ཀྱི
289b2 ཤེས་པའང་བཙལ་བར་མི་བྱ་སྟེ། ། བླ་ན་མེད་པའི་ཡེ་ཤེས་དག་ནི་བཙལ་བར་བྱ།། ཇི་སྲིད་གང་གིའི་བྱེ་སྙེད་སེམས་ཅན་དུ་མ་དག། སྡུག་བསྔལ་དག་ལས་ཐར་པར་བྱས་པར་མ་གྱུར་པར།། དེ་སྲིད་བྱང་ཆུབ་མཆོག་རབ་འདིར་ནི་འཚང་མི
289b3 རྒྱ། ། ཕྱི་ནས་བྱང་ཆུབ་མཆོག་རབ་དེ་ལ་རེག་པར་བྱ།། བུ་ཅིག་ཁྱོད་ཀྱིས་སེམས་ཅན་རྣམས་ལ་མཚུངས་པར་ནི།། སྙིང་རྗེ་འདི་ལྟ་བུ་དག་བསྐྱེད་པར་བྱས་ནས་ཀྱང་།། ཁྱོད་ཀྱིས་དགེ་དང་རྟག་ཏུ་ལྡན་པར་བྱས་པ་རྣམས།། བྱང་ཆུབ་མཆོག་རབ
289b4 འཕགས་པ་དག་ཏུ་བསྔོ་བར་གྱིས། ། སེམས་ཅན་ཉོན་མོངས་མེ།། ལས་རབ་ཏུ་ཐར་བྱའི་ཕྱིར།། སྡུག་བསྔལ་བཟོད་རླག་བཟོད་དཀའ་བ་དག་དང་དུ་ལོང་།། སྦྱིན་དང་དུལ་དང་སྡོམ་པདག་ལ་ལེགས་སྤྱོད་ཅིང་།། རྫོགས་སངས་རྒྱས་པར་འགྱུར་བ་འདི་ནི
289b5 ཐེ་ཚོམ་མེད། ། གང་ཚེ་ང་ནི་བྱང་ཆུབ་མཆོག་མ་ཐོབ་པ་ན།། དེ་ཚེ་ཁྱོད་ནི་སེམས་ཅན་རྣམས་ཀྱི་སྦྱིན་པོར་འགྱུར།། ང་ཡིས་ཁྱོད་ནི་བྱང་ཆུབ་མཆོག་ཏུ་ལུང་བསྟན་ནས།། འདི་ལ་དམ་བཅས་བརྟན་པོར་ལེགས་པར་གནས་པ་ཡིན།། རིགས་ཀྱི་བུ་དེའི
289b6 ཚ་བདག་གས་དེའི་ཚེ་ན་དེ་བཞིན་གཤེགས་པ་དབང་པོའི་ཏིག་གི་རྒྱལ་མཚན་གྱི་རྒྱལ་པོའི་སྤྱན་སྔར་འདི་ལྟེ་བུར་དམ་བཅས་ཏེ། ། བདག་ཡུན་ཇི་སྲིད་དུ་འཁོར་བ་ན་འཁོར་བ་དེ་སྲིད་ཀྱི་བར་དུ་བརྟུལ་ཞུགས་དང་། དཀའ་ཐུབ་དང་། དཀའ་བ་སྤྱད་པ
289b7 དང་། སྦྱིན་པ་དང་། དྲལ་བ་དང་། སྡོམ་པ་དང་། བསམ་གཏན་དང་། ཐོས་པ་དང་། གཏོང་བ་དང་། ཞལ་ཏ་སྣ་ཚོགས་དག་ལ་གོམས་པར་བགྱིའོ།། དཀའ་བ་སྤྱད་པ་དང་། ཡོངས་སུ་གཏོང་བ་རྣམ་པ་སྣ་ཚོགས་དག་ལ་གོམས་པར་བགྱིའོ།། གང་གི་ཆ
289b8 རྐྱེ་དགུའི་ཚེ་ལོ་བཅ་བའི་ཚེ་ཉོན་མོངས་པ་དང་། ཉོན་མོངས་པའི་རྙོག་པ་དག་གིས་ཀུན་ཏུ་རྨོངས་པར་གྱུར་པའི་ཞིང་དག་དུ་བདག་གི་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བའི་ཞིང་དེར
iiif viewer powered by OpenSeadragon