| e-texts navigator |
| Wylie |
287a1 པའི་བདེན་པ་ལ་རྣམ་པར་གནས་པའི་སེམས་དང་ལྡན་པར་གྱུར་ཅིག། བྱང་ཆུབ་སེམས་དཔའ་སེམས་དཔའ་ཆེན་པོ་དེ་སེམས་ཅན་ཡོངས་སུ་སྨིན་པར་བྱ་བའི་ཕྱིར་གང་གི་ཚེ་ཏིང་ངེ་འཛིན་ལ་འཇུག་པར་འདོད་པ་དེའི་ཚེ། འདི
287a2 ལྟར་ཤེས་རབ་དང་། བསོད་ནམས་ཀྱི་སྟོབས་དང་། ཐབས་ཀྱི་སྟོབས་ཀྱིས་འདི་ལྟ་བུར་བྱིན་གྱིས་རློབ་པར་བྱེད་དེ། བདག་ཡུན་ཇི་སྲིད་དུ་ཏིང་ངེ་འཛིན་ལས་མ་ལངས་པ་དེ་སྲིད་ཀྱི་བར་དུ་ཡུལ་འདི་ཉིད་དང་། གླིང་བཞི་པ་འདི་ཉིད་ཅེས་བྱ་བ་ནས
287a3 སངས་རྒྱས་ཀྱི་ཞིང་འདི་ཉིད་ཀྱི་སེམས་ཅན་ཞེས་བྱ་བའི་བར་དག་ཇི་ལྟར་ཚད་བཟུང་བ་རྣམས་ལ་འདི་ལྟར་བདེ་བར་སྦྱར་བར་བྱིན་གྱིས་རློབ་པར་བྱེད་དོ། ། དེའི་རྗེས་ལ་ཆོས་ཐམས་ཅད་སྟོང་པ་ཉིད་བརྗོད་དུ་མེད་པའི་ཏིང་ངེ་འཛིན་དེ་ལྟ་བུ་ལ་འཇུག
287a4 པར་བྱེད་དོ། ། བྱང་ཆུབ་སེམས་དཔའ་སེམས་དཔའ་ཆེན་པོ་སྙོམས་པར་ཞུགས་མ་ཐག་པ་དེས་ཇི་ལྟར་སེམས་ཅན་རྣམས་ཚད་བཟུང་བ་དེ་བཞིན་དུ། བྱང་ཆུབ་སེམས་དཔའ་ཏིང་ངེ་འཛིན་གྱི་སྟོབས་ཀྱི་བདེ་བར་སྦྱར་བ་ཡོན་ཏན་སྣ་ཚོགས་དེ་ལྟ་བུ
287a5 དག་ཀྱིས་སེམས་ཅན་རྣམས་ཡོངས་སུ་སྨིན་པར་བྱེད་དེ། བྱང་ཆུབ་སེམས་དཔའ་སེམས་དཔའ་ཆེན་པོ་དག་ཆོས་ཐམས་ཅད་སྟོང་པ་ཉིད་བརྗོད་དུ་མེད་པའི་ཏིང་ངེ་འཛིན་ལས་དེ་སྲིད་དུ་ལྡང་བར་མི་བྱེད་དོ།། དེ་ལྟར་བྱང་ཆུབ་སེམས་དཔའ་སེམས
287a6 དཔའ་ཆེན་པོ་སྙོམས་པར་ཞུགས་པ་དེའི་ལུས་ལ་གནོད་པ་དང་འགྱུར་བ་མི་འབྱུང་ངོ་། ། བཀྲེས་པ་དང་སྐོམ་པའི་གནོད་པ་མི་འབྱུང་ངོ་།། མིའི་གནོད་པ་མི་འབྱུང་ངོ་།། བསྐལ་པའི་མེས་ཚིག་པར་མི་གྱུར་པ་ནས་མེ་ཕལ་པས་ཚིག་པར་མི་འགྱུར།
287a7 རོ།། ཆུས་ཁྱེར་བར་མི་འགྱུར་རོ།། ནད་ཀྱི་སྐལ་བས་ཟད་པར་མི་འགྱུར་རོ།། མུ་གེའི་དགོན་པར་གྱུར་པའི་བསྐལ་པས་ཟད་པར་མི་འགྱུར་རོ།། བསམས་བཞིན་དུ་ཚེའི་འདུ་བྱེད་འདོར་བ་ལས་མ་གཏོགས་པར་ཆེའི་འདུ་བྱེད་དང་། སྲོག་གི་དབང
287a8 པོ་ཡོངས་སུ་ཟད་པར་མི་འགྱུར་རོ། ། ལུས་དང་། སྲོག་ལ་མི་དང་མི་མ་ཡིན་པ་དང་དྲུང་དང་ཉི་མས་གདུངས་བདག་གིས་གནོད་པར་མི་འགྱུར་ཏེ། དེ་ལྟ་བུ་ནི་སྙོམས་པར་ཞུགས་པ་ཡིན་ནོ།། ཏིང་ངེ་འཛིན་དེ་ལས་ལངས་ནས་ཀྱང་འདོད་ན་སྐྲའི་རྩེ་མེ་ཅིག།
iiif viewer powered by OpenSeadragon