| e-texts navigator |
| Wylie |
285a1 མི་བྱེད་དོ།། འདི་ལྟར་སྲིད་པའི་རྒྱ་མཚོའི་སྒོ་དག་གི་དབུགས་རྔུབ་པ་དང་། དབུགས་འབྱུང་བ་འཇུག་པ་དང་། ངེས་པར་འབྱུང་བར་ཡང་བྱེད་དོ།། དེ་བཞིན་ཏུ་བ་སྤུའི་ཁུང་བུའི་སྒོ་འབུམ་ཕྲག་ཁྲག་ཁྲིག་དགུ་བཅུ་རྩ་དགུ་སྙེད་ཐམས་ཅད
285a2 ཀྱི་དབུགས་རྔུབ་པ་དང་། དབུགས་འབྱུང་བ་འཇུག་པ་དང་། ངེས་པར་འབྱུང་བར་བྱེད་ཀྱང་བ་སྤུའི་ཁུང་བུའི་སྒོ་འབུམ་ཕྲག་ཁྲག་ཁྲིག་དགུ་བཅུ་རྩ་དགུ་དེ་དག་ཉམས་པར་ཡང་མི་མངོན་ནོ།། རྒྱས་པར་ཡང་མི་མངོན་ནོ།། སྔོན་གྱི་མཐའ་དང་། ཕྱི་མའི
285a3 མཐའ་དང་། ཐོག་མ་དང་། བར་མ་དང་། ཐ་མ་ཡང་མི་མངོན་ནོ།། འཇུག་པ་དང་འབྱུང་བ་ཡང་མི་མངོན་ནོ།། དེ་འདི་སྙམ་དུ་བདག་གིས་ཅི་ནས་ཀྱང་བ་སྤུའི་ཁུང་བུ་ཐམས་ཅད་ཀྱི་དབུགས་རྔུབ་པ་དང་། དབུགས་འབྱུང་བ་དེ་ལ་སྐྱེ་བ་དང་། འཇིག་པའི་ཚུལ་གྱིས
285a4 སྐྱེ་འཇིག་གི་མཚན་ཉིད་ལ་བརྩོན་པ་དང་ལྡན་པར་གནས་པར་བྱའོ་སྙམ་དུ་སེམས་ཏེ། ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྨའི་སྒོ་དགུའི་དབུགས་རྔུབ་པ་དང་། དབུགས་འབྱུང་བའི་སྐྱེ་བ་དང་། འཇིག་པ་ལ་སྦྱོར་ཞིང་སོ་སོར་རྟོག་པར་བྱེད་དོ།།
285a5 དེ་བཞིན་དུ་བ་སྤུའི་ཁུང་བུའི་སྒོ་འབུམ་ཕྲག་ཁྲག་ཁྲིག་དགུ་བཅུ་རྩ་དགུ་སྙེད་རེ་རེའི་བ་སྤུའི་ཁུང་བུའི་དབུགས་རྔུབ་པ་དང་། དབུགས་འབྱུང་བའི་སྐྱེ་བ་དང་། འཇིག་པའི་མཚན་ཉིད་ལ་བརྩོན་པ་དང་ལྡན་པར་གནས་པར་བྱེད་དོ།། ཡང་ན་དེ་བ
285a6 སྤུའི་ཁུང་བུའི་སྒོ་སྐྲའི་ཉག་མ་ཙམ་དུ་ཆུད་པར་རྟོག་ན་ཡང་དེར་དབུགས་རྔུབ་པ་དང་། དབུགས་འབྱུང་བ་རྒྱུ་བ་དེ་དག་ཆུང་བར་ཡང་མཐོང་ངོ་།། ཡང་ན་ཆེ་བར་རྟོག་ན་ཡང་ཡུངས་འབྲུ་ཆེན་པོ་ཙམ་དུ་ཡང་དག་པར་རྗེས་སུ་མཐོང་ངོ་།། ཡང་ན་སྐྱུ་རུ་ར་ཙམ
285a7 དུ་རྟོག་ན་ཡང་སྐཱ་རུ་རེར་ཙམ་དུ་མཐོང་ངོ་། ། ཡང་ན་བ་སྤུའི་ཁུང་བུ་རེ་རེ་ལ་བིལ་བའི་འབྲས་བུ་ཙམ་དུ་རྟོག་ན་ཡང་བིལ་བའི་འབྲས་བུ་ཙམ་དུ་མཐོང་ངོ་།། ཡང་ན་དཔག་ཚད་སྟོང་ཙམ་དུ་རྟོག་ན་ཡང་དཔག་ཚད་སྟོང་ཙམ་དུ་མཐོང་ངོ་།། ཡང་ན་གླིང་བཞི་པ་གཅིག་ཙམ
285a8 དུ་རྟོག་ན་ཡང་གླིང་བཞི་པ་གཅིག་ཙམ་དུ་མཐོང་ངོ་། ། ཡང་ན་བ་སྤུའི་ཁུང་བུ་རེ་རེ་ལ་རྒྱ་ཆེ་བར་རྟོག་ན་ཡང་རྒྱ་ཆེ་བར་ཡང་དག་པར་རྗེས་སུ་མཐོང་ངོ་།། དེ་བཞིན་དུ་མིག་གི་ཚད་ལ་ཡང་སྦྱར་བར་བྱའོ།། གང་དུ་རྒ་ཤི་དང་འབྲེང་བའི་སེམས་ཅན་དག་པར་ཚད་མེད
iiif viewer powered by OpenSeadragon