| e-texts navigator |
| Wylie |
284b1 མངལ་གྱི་ཉེས་པས་གོས་པར་ཡང་མི་བྱེད་དོ།། སེམས་ཅན་རྣམས་ཀྱི་ཉོན་མོངས་པའི་དྲ་བ་གཅོད་པར་ཡང་བྱེད་ལ། སེམས་ཅན་རྣམས་དམིགས་པར་ཡང་མི་བྱེད་དོ།། དཔལ་ཆོག་ཤེས་འདི་ལ་བྱང་ཆུབ་སེམས་དཔའ་སེམས་དཔའ
284b2 ཆེན་པོ་དག་དབུགས་རྔུབ་པ་དང་། དབུགས་འབྱུང་བ་ཕན་ཚུན་མི་འདྲ་བ་ལ་ཇི་ལྟར་བ་བཞིན་རྟོག་པར་ཡང་བྱེད་ལ། འཕྲལ་འཕྲལ་ཏུ་དེ་ཤེས་པར་ཡང་མི་བྱེད་དོ།། དབུགས་རྔུབ་པ་དང་། དབུགས་འབྱུང་བའི་གཟུགས་ཉེ་བར་ལེན་པའི་ཕུང་པོ
284b3 དང་། དེ་བཞིན་དུ་ཚར་བ་དང་། འདུ་ཤེས་དང་། འདུ་བྱེད་རྣམས་དང་། དེ་བཞིན་དུ་དབུགས་རྔུབ་པ་དང་། དབུགས་འབྱུང་བའི་རྣམ་པར་ཤེས་བ་ཉེ་བར་ལེན་པའི་ཕུང་པོ་དག་ལ་ཇི་ལྟ་བ་བཞིན་དུ་ཡང་རབ་དུ་ཤེས་ཤིང་དབུགས་རྔུབ་པ་ཡང་གཞན་ལ།
284b4 དབུགས་འབྱུང་བ་ཡང་གཞན་ནོ།། དབུགས་རྔུབ་པ་སོ་སོ་ཡང་དག་པར་རིག་པ་ཡང་གཞན་ལ། དབུགས་འབྱུང་བ་སོ་སོ་ཡང་དག་པར་རིག་པ་ཡང་གཞན་ནོ།། དབུགས་རྔུབ་པའི་ཚོར་བ་དང་། འདུ་ཤེས་དང་། འདུ་བྱེད་དང་། སེམས་པ་ཡིད་ལ
284b5 བྱེད་པ་ཡང་། གཞན་ལ་དབུགས་འབྱུང་བའི་ཚེར་བ་དང་། འདུ་ཤེས་དང་། སེམས་པ་ཡིད་ལ་བྱེད་པ་ཡང་གཞན་ནོ།། དབུགས་རྔུབ་པའི་སེམས་དཔའ་ཡང་གཞན་ལ་དབུགས་འབྱུང་བ་ཡང་གཞན་ནོ།། གང་གི་ཚེ་དབུགས་རྔུབ་པ་སོ་སོ་ཡང
284b6 དག་པར་རིག་པ་དེའི་ཚེ་དབུགས་འབྱུང་བ་སོ་སོ་ཡང་དག་པར་རིག་པ་མ་ཡིན་ནོ། ། གང་གི་ཚེ་དབུགས་འབྱུང་བ་སོ་སོ་ཡང་དག་པར་རིག་པ་དེའི་ཚེ་དབུགས་རྔུབ་པ་སོ་སོ་ཡང་དག་པར་རིག་པ་མ་ཡིན་ནོ།། འཁོར་བའི་འཁོར་ལོ་དུམ་བུ་གསུམ་པར
284b7 ཚེ་བ་དང་། འདུ་ཤེས་དང་། སེམས་པ་ཡིད་ལ་བྱེད་པ་ཡང་དེལྟ་བུ་ཡིན་ཏེ། འཇུག་པའི་ནུས་ན་པར་ཚད་མེད་པར་སྐྱེ་བའི་རྒྱ་མཚར་འདས་ཤིང་ཐར་པར་ཡང་མི་བྱེད་དོ།། ཡང་དང་ཡང་བྱེ་བར་བྱེད་དོ།། ན་བར་བྱེད་དོ།། ཆི་བར་བྱེད་དོ།། ང་སྐྱེ་བར།
284b8 ཡང་བྱེད་དོ།། ཆོས་གང་འདི་དག་མངོན་པར་རྫོགས་པར་སངས་རྒྱས་པ་དེས་ན་རྒ་ཤི་ལས་ངེས་པར་འབྱུང་བ་དག་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ།། དེ་དག་དབུགས་རྔུབ་པ་དང་། དབུགས་འབྱུང་བ་ཡང་དག་པ་ཇི་ལྟ་བ་བཞིན་ཉེ་བར་རྟོག་པར།
iiif viewer powered by OpenSeadragon