| e-texts navigator |
| Wylie |
283b1 ལྡན་པ་དང་། ཆུ་དག་ཕུན་སུམ་ཚོགས་ཤིང་ཆུད་མ་ཟ་བ་འབྱུང་ངོ་།། དེ་ན་མེ་ཏོག་དང་། སྨན་དང་། འབྲུ་དང་། རོ་རྣམས་ཆུད་མི་ཟ་བར་ཕུན་སུམ་ཚོགས་པར་འགྱུར་རོ།། ཡུལ་འཁོར་དེར་ཡིད་དུ་མི་འོང་བའི་སྒྲ་དང་། ཕྱི་སྨ་དང་། ནང་འཁྲུག་གི་དཔུང
283b2 དག་དང་། ལོ་ཉེས་དང་། ནད་དང་། དུས་མ་ཡིན་པའི་ནད་དང་། འཆི་བདག་མི་འབྱུང་ངོ་།། དེ་ན་སེམས་ཅན་རྣམས་ཚེ་རིང་ཞིང་ཁ་དོག་དང་ལྡན་ནོ།། བདེ་བ་མང་ཞིང་སེམས་ལ་རྙོག་མ་མེད་དོ།། དགའ་དང་མཚུངས་པར་ལྡན་ཞིང་ཆོས་སྤྱོད་ལ་མཐོང
283b3 རིས་དག་ལ་གཞོལ་ལོ། ། ཡུལ་འཁོར་དེ་ན་སྦྱིན་གནས་སྣོད་དུ་གྱུར་པ་དག་ནལ་འབྱོར་ཡིད་ལ་བྱེད་པ་དང་། འཐུན་པར་མངོན་པར་དགའ་བ་དང་བཅས་པས་གནས་སོ།། དེ་ན་བཟའ་བཏུང་གི་འོངས་སྤྱོད་མཚང་བ་མེད་དོ།། འབྱུང་བ་ཆེན་པོ་ཡིད་དུ
283b4 འོང་བདག་གིས་བརྟན་ཏོ། ། དབང་པོ་དང་། ཁམས་དག་རྒྱས་ཤིང་མི་མཐུན་པ་མེད་དོ།། ཡུལ་འཁོར་དེ་ན་མི་རྣམས་དཔའ་ཞིང་དྲན་པ་དང་ལྡན་ལ། བྱམས་པ་དང་སྙིང་རྗེ་དང་ལྡན་ཞིང་མཐོ་རིས་དག་ལ་གཞོལ་ལོ།། དཔལ་ཚིག་ཤེས་ཡུལ
283b5 འཁོར་དེ་མོས་བཅུ་པོ་དེ་དག་གིས་ལེགས་པར་བསྟན་པ་ཡིན་ནོ། ། དཔལ་ཚིག་ཤེས་བྱང་ཆུབ་སེམས་དཔའ་རྣམས་ཀྱི་ལས་ཀྱི་སྒྲིབ་པ་ནི་འདི་ཡིན་ཏེ། ཐེག་པ་ཆེན་པོ་གཏོང་བ་དང་། སྐུ་ནིང་ཉན་ཐོས་ཀྱི་ས་ལ་འཇོག་པར་བྱེད་པའོ།། སེམས
283b6 ཅན་ཐམས་ཅད་ཡོངས་སུ་སྨིན་པར་བྱའི་ཕྱིར་ཉན་ཐོས་ཀྱི་བསམ་གཏན་དང་། ཏིང་ངེ་འཛིན་གྱིས་རྣམ་པར་རྩེ་བའི་ཕ་རོལ་ཏུ་ཕྱིན་པ་ནི་དེ་ལྟ་བུ་ཡིན་ནོ།། ཉན་ཐོས་གང་དག་གི་བསམ་གཏན་གྱི་ཡན་ལག་ཡོངས་སུ་རྫོགས་པར་མི་ཤེས་པ་དེ་དག
283b7 ནི་ཁམས་གསུམ་གྱི་བརྩོན་རའི་གནས་ཀྱི་ཡན་ལག་ལྔ་མ་སྤངས་ཤིང་ཡན་ལག་ལྔ་དང་ལྡན་པ་ཡིན་ནོ། ། གང་དག་ཁམས་གསུམ་ལས་ཡང་དག་པར་འདས་པ། མི་སློབ་པའི་ས་ལ་རབ་ཏུ་གནས་པ། རྣམ་པར་ཐར་པ་བརྒྱད་ལ་བསམ་གཏན
283b8 པས་རྣམ་པར་རྩེ་བ། མངོན་པར་ཤེས་པ། ཕ་རོལ་ཏུ་ཕྱིན་པ་ཐོབ་པ། བསྐལ་པས་ངེས་པར་འབྱུང་བ། སངས་རྒྱས་བཅོམ་ལྡན་འདས་ཐམས་ཅད་ཀྱི་ཞལ་ནས་སྐྱེས་པ། ཆོས་དང་ལྡན་ཞིང་ཆོས་ཀྱི་སྤྲུལ་པ་དེ་དག་གིས་ནི་སངས་རྒྱས
iiif viewer powered by OpenSeadragon