| e-texts navigator |
| Wylie |
283a1 དཔལ་ཆོག་ཤེས་ཡུལ་འཁོར་དེ་ན་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། ཉན་ཐོས་ཀྱི་ཐེག་པ་ལ་ཡང་དག་པར་ཞུགས་པ་དང་། རང་སངས་རྒྱས་ཀྱི་ཐེག་པ་ལ་ཡང་དག་པར་ཞུགས་པ་དང་། ཐེག་པ་ཆེན་པོ
283a2 ལ་ཡང་དག་པར་ཞུགས་པའི་རིགས་ཀྱི་བུ་དང་རིགས་ཀྱི་བུ་མོ་དག་བསམ་གཏན་ཡོངས་སུ་སྤྱོང་པས་རྣམ་པར་རྩེ་བ་ཡིད་ལ་བྱེད་པ་དེ་ལྟ་བུ་དག་གིས་གནས་པ་ནས་ཡུལ་འཁོར་དེ་ལྷའི་དབང་པོ་ཐམས་ཅད་ཀྱིས་ལེགས་པར་བསྲུངས་པར་འགྱུར་རོ། །
283a3 ཡུལ་འཁོར་དེ་ཀླུའི་དབང་པོ་དང་། གནོད་སྦྱིན་གྱི་དབང་པོ་དང་། ལྷ་མ་ཡིན་གྱི་དབང་པོ་དང་། ནམ་མཁའ་ལྡིང་གི་དབང་པོ་དང་། མི་འམ་ཅིའི་དབང་པོ་དང་། ལྷོའི་ཕྱེ་ཆེན་པོའི་དབང་པོ་དང་། ཡི་དགས་ཀྱི་དབང་པོ་དང་། ཤ་ཟའི་དབང་པོ་ཐམས
283a4 ཅད་ཀྱིས་ལེགས་པར་བསྲུངས་པར་འགྱུར་རོ། ། དེ་ན་ཏིང་ངེ་འཛིན་དེ་ལྟ་བུ་དང་ལྡན་པའི་སྦྱིན་གནས་དག་འཁོད་པའི་བར་དྲའོ།། ཡུལ་འཁོར་དེའི་རྒྱལ་པོ་ཡང་ཡིད་དང་འཐད་པའི་ཆོས་བཅུ་ཐོབ་པར་འགྱུར་ཏེ།། བཅུ་གང་ཞེ་ན། ནད་མད་པ
283a5 རང་། ནད་ཐམས་ཅད་རབ་ཏུ་ཞི་བ་དང་། ཚེ་རིང་བ་དང་། གཟུགས་བཟང་བ་དང་། མདོག་བཟང་པོ་དང་ལྡན་པ་དང་། ཡན་ལག་དང་ཉིང་ལག་སྡུག་པ་དང་། འཁོར་སྐྱེ་བོ་བཟང་བ་དང་། ལས་ཀྱི་མཐའ་ལེགས་པར་སྤྱད་པ་སྤྱོད་པ་དང་། བྱམས
283a6 པ་དང་། སྙིང་རྗེ་ལ་སྦྱོར་བ་དང་། སྙན་པར་གྲགས་པ་དག་ཏེ། ཏིང་ངེ་འཛིན་དེ་ལྟ་བུ་དག་དང་ལྡན་པའི་སྦྱིན་གནས་སྣོད་དུ་གྱུར་པ། མཐོ་རིས་སུ་འགྲོ་བའི་ཡུལ་འཁོར་དེ་ནི་ཡོན་ཏན་དང་། ཕན་ཡོན་ཆེན་པོ་བཅུ་པོ་དག་གིས་རྒྱས་པར་འགྱུར
283a7 རོ། ། རང་གི་དཔུང་དང་། གཞན་གྱི་དཔུང་དང་། ཆོམ་རྐུན་དང་། མི་རྒོད་དང་། རི་དགས་དང་། སྟག་དང་། སྤང་མ་དང་། ཤ་སྤྲད་དང་། ཕྱེ་མ་ལེབ་དང་ཆར་ཆེས་པ་དང་། ཐན་ཆེས་དང་། དུས་མ་ཡིན་པའི་རླུང་དང་། ལྷགས་པ་དང་། ཉི་མས་གདུངས་པ
283a8 དང་། ཚ་བའི་རེག་པ་དག་གིས་གནོད་པར་མི་འགྱུར་རོ།། ཡུལ་འཁོར་དེས་བཞི་མཉམ་སྟེ། དགོན་པ་དང་གཙང་རོང་མེད་དོ།། ཚ་བ་དང་ཁ་བ་མེད་དོ།། དེ་ན་ས་བོན་སྣ་ཚོགས་དག་འཕེལ་ལོ།། འབྲུ་དང་། སྨན་དང་། རྩཝ་དང་ཤིང་དང་ཤིང
iiif viewer powered by OpenSeadragon