| e-texts navigator |
| Wylie |
282a1 པ་ཡིད་ལ་མེད་པ་ཀུན་འབྱུང་བ་དག་སྐྱེ་ཞིང་འཇིག་པ་དང་། འགོག་པའི་ཚུལ་གྱིས་རབ་ཏུ་ཞི་བར་བྱེད་ལ། འགོག་པའི་གྲོང་ཁྱེར་ཤིན་ཏུ་ཡོངས་སུ་དག་པར་འཇུག་པར་ཡང་བྱེད་དོ།། དེ་ལུས་དང་། ངག་དང་ཡིད་ལ་བྱེད
282a2 པ་ཤིན་ཏུ་སྦྱངས་པ་ལ་གནས་སོ། ། ཡང་དེ་ལས་ཀྱང་ལྡང་ངོ་།། ཡང་ན་དབུགས་རྔུབ་པ་དང་། དབུགས་འབྱུང་བའི་མཚན་མ་དག་འཛིན་པར་བྱེད་ལ།། རེག་པ་དག་ཡིད་ལ་བྱེད་པས་མཚན་མ་ལ་ཉེ་བར་རྟོག་པར་ཡང་བྱེད་དོ།། ཡང་སྟོང
282a3 པ་ཉིད་ཀྱི་ཏིང་ངེ་འཛིན་ལ་འཇུག་པར་ཡང་བྱེད་ལ། ། ཡང་ན་དབུགས་རྔུབ་པ་དང་། དབུགས་འབྱུང་བའི་སྐྱེ་བ་དང་། འཇིག་པ་མཚན་མའི་དམིགས་པ་ཡང་དག་པར་ལྟ་བར་ཡང་བྱེད་དོ།། སྨོན་པའི་ཏིང་ངེ་འཛིན་དེ་ལ་ཡང་གནས་ལ
282a4 ཡང་ན་དབུགས་རྔུབ་པ་དང་། དབུགས་འབྱུང་བའི་ཞི་བ་དང་། འགོག་པ་ལ་ཡང་དག་པར་ལྟ་བར་ཡང་བྱེད་དོ།། མཚན་མ་མེད་པའི་ཏིང་ངེ་འཛིན་ལ་གནས་པ་དེ་བཞིན་དུ་དྲན་པ་ཉེ་བར་བཞག་པ་བཞི་བསྒོམ་པ་ཡང་ཡོངས་སུ་རྫོགས་པར
282a5 འགྱུར་རོ། ། དེ་ལ་རྣམ་པར་ཐར་པ་གསུམ་བསྒོམ་པ་ཡོངས་སུ་རྫོགས་པར་ཡང་འགྱུར་ལ། ཡང་ན་དབུགས་རྔུབ་པ་དང་། དབུགས་འབྱུང་བར་མི་སྨོན་ཅིང་འཇིག་པའི་ཚུལ་གྱི་དམིགས་པས་ཉེ་བར་རྟོག་པར་ཡང་བྱེད་དོ།། དེ་ལ
282a6 ཡང་དག་པའི་སྤོང་བ་བཞི་བསྒོམ་པ་ཡོངས་སུ་རྫོགས་པར་ཡང་འགྱུར་ལ། ཡང་ན་དབུགས་རྔུབ་པ་དང་། དབུགས་འབྱུང་བའི་སྐྱེ་བ་དང་། ནུབ་པའི་མཚན་མ་ལ་ཉེ་བར་རྟོག་པར་ཡང་བྱེད་དོ།། དེ་རྫུ་འཕྲུལ་གྱི་རྐང་པ་བཞི་བསྒོམ
282a7 བ་ཡོངས་སུ་རྫོགས་པར་ཡང་འགྱུར་ལ། ཡང་ན་དབུགས་རྔུབ་པ་དང་། དབུགས་འབྱུང་བའི་མཚན་མ་ལ་དམིགས་པས་ཉི་ཟེར་གྱི་རྡུལ་དང་འདྲ་བར་ཕྱེ་མར་བླགས་པ་བཞིན་ཏུ་རང་གི་ལུས་ལ་ཉེ་བར་རྟོག་པར་ཡང་བྱེད་དོ།། དེ་དབང
282a8 པོལྔ་བསྒོམ་པ་ཡོངས་སུ་རྫོགས་པར་ཡང་འགྱུར་ལ། ཡང་ན་དབུགས་རྔུབ་པ་དང་། དབུགས་འབྲང་བསྐྱེ་བ་དང་། ནུབ་པའི་ཚུལ་གྱིས་འདུ་བྱེད་གསུམ་ལ་ཉེ་བར་རྟོག་པར་ཡང་བྱེད་དོ།། དེ་སྟོབས་ལྔ་བསྒོམ་པ་ཡོངས་སུ་རྫོགས
iiif viewer powered by OpenSeadragon