| e-texts navigator |
| Wylie |
281b1 དེས་ཟང་ཟིང་མེད་པའི་དགའ་བ་དང་། བདེ་བ་དེ་ལྟ་བུ་དང་ལྡན་ན་སྙམ་དུ་ཤེས་སོ།། བྱང་ཆུབ་སེམས་དཔའ་དེས་དཀོན་མཆོག་གསུམ་ལ་དད་པ་ཐོབ་ནས། དེ་འདི་སྙམ་དུ་བདག་གིས་ནི་སེམས་ཅན་ཐམས་ཅད་ཀྱི་དོན་དུ་གོ་ཆ་ཆེན་པོ་བགོས
281b2 ནས་བསམ་གཏན་ལ་ཡང་མངོན་པར་བརྩོན་པར་བྱ་ཞིང་། བདག་གིས་ཅི་ནས་ཀྱང་ལུས་དང་སེམས་ཀྱི་བདེ་བ་ཡང་དོར་བར་བྱའོ། སྙམ་དུ་སེམས་སོ།། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དབུགས་རྔུབ་པ་དང་། དབུགས།
281b3 འབྱུང་བ་གོམས་པར་བྱ་བ་སེམས་ཀྱི་དམིགས་པ་དག་འདོར་བར་བྱེད་དོ།། དེ་སྣའི་རྩེ་མོར་སེམས་གཏོང་བར་བྱེད་དེ་གང་གིས་འཇུག་པ་དང་། ངེས་པར་འབྱུང་བ་དབུགས་རྔུབ་པ་དང་། དབུགས་འབྱུང་བ་ལ་གནས་པའི་སེམས་ཀྱིས
281b4 ཉེ་བར་རྟོག་པར་བྱེད་དོ། ། དེ་སེམས་དེའི་སྐད་ཅིག་མ་ལ་ཞིག་པ་དང་། སྐྱེ་བ་དང་། འཇིག་པ་ཉེ་བར་རྟོག་པར་བྱེད་དོ།། སེམས་དང་། ཡིད་དང་། རྣམ་པར་ཤེས་པ་དང་། ཕུང་པོ་དང་། ཁམས་དང་། སྐྱེ་མཆེད་ཐམས་ཅད་ལ་ཆུ་ཟླ་དང་།
281b5 མིག་ཡོར་དང་། སྨིག་རྒྱུ་ལྟ་བུ་དང་། གློག་ལྟ་བུ་དང་། བདག་པོ་མེད་པ་དང་། ཐམས་ཅད་སྐད་ཅིག་མ་འཇིག་པ་དང་ལྡན་པར་རྟོགས་ཏེ། ད་དེ་ལྟར་དགའ་བ་དང་བདེ་བ་རབ་ཏུ་གཏོང་བར་བྱེད་དེ། དེས་དེར་བསམ་གཏན་གསུམ་པ་ཡང
281b6 ཐོབ་པ་ཡིན་ནོ། ། གང་དུ་ཆོས་དེ་དག་འཕེལ་བཞིན་དུ་འགོག་པ་ཡིད་ལ་བྱེད་པའི་སེམས་ཀྱིས་བསམ་གཏན་བཞི་པ་རྫོགས་པར་བྱས་ཏེ་གནས་པ་དེ་ལ་མཚན་མ་འདི་དག་འབྱུང་སྟེ། དེས་མིག་གཉི་ག་བརྩུམས་ཀྱང་ཉི་མའི་སྣང
281b7 བ་ཆེན་པོ་ལྟ་བུར་སྣང་བ་དག་ཡང་དག་པར་ལྟ་བར་བྱེད་པ་ན། དེ་འདི་སྙམ་དུ་མཚན་མའི་སྟོབས་སྣང་བའི་རྐྱེན་ལས་སེམས་ཅན་ཐམས་ཅད་ཀྱི་ཕུང་པོ་དང་། ཁམས་དང་། སྐྱེ་མཆེད་དང་། ཉོན་མོངས་པ་དང་། ཉེ་བའི་ཉོན་མོངས་པ
281b8 རྣམ་པར་འཕེལ་ཞིང་འབར་བས་བདག་གིས་ཅི་ནས་ཀྱང་ཡིད་ལ་བྱེད་པའི་སེམས་ཀྱི་དམིགས་པའི་སྣང་བ་དག་དོར་བར་བྱའོ་སྙམ་དུ་སེམས་སོ། ། དེ་དེར་དེའི་ཚོར་བ་དང་། འདུ་ཤེས་དང་། སེམས་བ་དང་། རེག་པ་གང་ཡིན
iiif viewer powered by OpenSeadragon