| e-texts navigator |
| Wylie |
281a1 རྫོགས་པར་བྱེད་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་དང་། དེའི་ཕ་རོལ་ཏུ་ཕྱིན་པ་དྲུག་པོ་ཡོངས་སུ་རྫོགས་པར་འགྱུར་བ་དང་། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ
281a2 མངོན་པར་རྫོགས་པར་འཚང་རྒྱ་བར་འགྱུར་བ་དག་ཇི་ལྟ་བུ་ཡིན་ཞེ་ན། དཔལ་ཆོག་ཤེས་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དང་། ཐམས་ཅད་ཀྱི་དང་པོར་དབུགས་རྔུབ་པ་དང་། དབུགས་འབྱུང་བའི་མཚན་མའི
281a3 དམིགས་པ་ཐམས་ཅད་ལ་སེམས་གཏོང་བར་བྱེད་དེ། དྲི་གཡེང་བ་མེད་པའི་སེམས་ཀྱིས་དབུགས་རྔུབ་པར་བྱེད་དོ།། དབུགས་འབྱུང་བར་བྱེད་དོ།། དེ་དང་པོར་དབུགས་རྔུབ་པའི་སེམས་ཀྱིས་སེལ་བར་བྱེད་པ་དེ་དག་ནི་དེའི་རྣམ་པར་རྟོག
281a4 པ་ཡིན་ནོ། ། དེ་ངེས་པར་འབྱུང་བ་ན་དབུགས་འབྱུང་བའི་སེམས་ཀྱིས་སེལ་བ་དེ་དག་ནི་དེའི་རྣམ་པར་དཔྱོད་པ་ཡིན་ནོ།། དེ་ལ་དགའ་ཞིང་ཚིམ་པ་གང་ཡིན་པ་དང་། སེམས་རྩེ་གཅིག་པ་ཉིད་གང་ཡིན་པ་དང་། གཡེང་བ་མེད་པ
281a5 གང་ཡིན་པ་དེས་ན་དེ་ངེས་པར་འབྱུང་བ་ལ་གནས་ཤིང་རྣམ་པར་རྟོག་པ་དང་། རྣམ་པར་སྤྱོད་པ་སྤོང་བའི་སེམས་དང་ལྡན་པ་ཡིན་ནོ།། དེ་ལྟར་ན་དེར་ངེས་རྣམ་པར་རྟོག་པ་དང་། རྣམ་པར་དཔྱོད་པ་དང་བཅས་པའི་བསམ་གཏན་དང
281a6 པོ་ཐོབ་པ་ཡིན་ནོ། ། དེ་ལ་མཚན་མ་འདི་དག་འབྱུང་སྟེ། དེའི་ལུས་ཐམས་ཅད་གཡོ་བར་འགྱུར་རོ།། དྲོ་བར་འགྱུར་རོ།། དེར་དེ་འདོད་པའི་འདུན་པའི་སྒྲིབ་པ་སྤོང་བ་ཡིན་ནོ།། དེ་མི་དགེ་བའི་ཆོས་ཐམས་ཅད་གནོན་པར་བྱེད་དོ།། དེ་གང
281a7 གི་ཚེ་བརྩོན་པ་དྲག་པོ་ཡིད་ལ་བྱེད་ཅིང་གནས་པ་དེས་ན་དེ་རྣམ་པར་རྟོག་པ་དང་། ། རྣམ་པར་དཔྱོད་པ་ཉེ་བར་ཞི་བ་ཡིན་ཏེ། དེས་ན་རྣམ་པར་རྟོག་པ་དང་། རྣམ་པར་དཔྱོད་པ་མེད་པའི་བསམ་གཏན་གཉིས་པ་ཐོབ་པ་ཡིན་ནོ།།
281a8 དེལྟར་དེའི་ལུས་ཐམས་ཅད་ཤིན་ཏུ་སིམ་པ་དང་། བདེ་བ་དང་། ཚིམ་པར་འགྱུར་བ་ནི་དཔེར་ན་འོ་མ་འཇམ་ཙམ་གྱིས་ལུས་ལ་གཅིག་ཅར་བླུགས་ན་བདེ་བ་མྱོང་བ་བཞིན་ནོ།། དེས་བདག་ནི་འདི་ལྟར་འགྱུར་བར་ཤེས་ཏེ།
iiif viewer powered by OpenSeadragon