| e-texts navigator |
| Wylie |
280a1 ཉམ་ཐག་པ་དག་མཆིས་ཏེ། སེམས་ཅན་དེ་དག་རབ་ཏུ་འབྱུང་བའི་ཚུལ་ཁྲིམས་དང་། སྡོམ་པ་མ་མཆིས་པར་ཡོངས་སུ་སྨིན་པར་བགྱིད་པར་རྔོ་མི་ཐོག་པས་སེམས་ཅན་ཕྲ་མ་དང་། ཚིག་ནུབ་པོ་དང་ཆགས་སེམས
280a2 དང་། གནོད་སེམས་ཀུན་ཏུ་སྤྱོད་ཅིང་། འཇིག་ཚོགས་ལ་ལྟ་བ་དང་ལྡན་པ་སྤྱོད་པ་དེ་དག་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་སྙིང་རྗེ་ཆེན་པོ་དག་སྐྱེད་པར་བགྱིད་དེ། བཅོམ་ལྡན་འདས་སེམས་ཅན་དེ་དག་མི་རྟག
280a3 པའི་ཚུལ་གྱིས་བསྟན་པ་ལ་འཇུག་པར་བགྱིད་པ་དང་། རབ་ཏུ་འབྱུང་བའི་སྡོམ་པས་སེམས་ཅན་རྣམས་ཡོངས་སུ་སྨིན་པར་བགྱིད་པ་ཡང་བདག་ཅག་གིས་བཟོད་པ་དང་། བརྩོན་འགྲུས་བརྩམས་ནས་བདག་ཅག་གིས་རབ་ཏུ་འབྱུང
280a4 པ་ཨའི་སྡོམ་པའི་གཟངས་ཀྱིས་སྐྱེ་བའི་རྒྱ་མཚོ་ལས་བསྒྲལ་བར་བགྱིའོ་ཞེས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཚུལ་ཁྲིམས་ལས་བྱུང་བའི་བསོད་ནམས་བགྱི་བའི་དངོས་པོ་རྟག་པའི་ཚུལ་གྱིས་སེམས་ཅན་རྣམས
280a5 རབ་དུ་འབྱུང་བའི་ཚུལ་ཁྲིམས་དང་སྡོམ་པས་ཡོངས་སུ་སྨིན་པར་བགྱིད་དེ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་སངས་རྒྱས་ཀྱི་ཡེ་ཤེས་ཀྱི་རྒྱ་མཚོ་བླ་ན་མ་མཆིས་པར་འཇུག་པར་བགྱིད་པ་ནས་ཆོས་ཀྱི
280a6 རྒྱལ་པོ་བླ་ན་མ་མཆིས་པར་དབང་བསྐུར་བ་ཐོབ་པར་བགྱིད་པའི་བར་དུའོ། ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་དག་བསམ་གཏན་དང་པོའི་ཕ་རོལ་ཏུ་ཕྱིན་པ་ཡོངས་སུ་སྦྱོང་ཞིང་སློབ་པ་ན་བསམ་གཏན
280a7 ཀྱི་ཡན་ལག་རྣམས་འཚལ་བ་དང་། འདོད་པའི་ཁམས་ལས་ཡང་དག་པར་འདའ་བ་དང་། ཡན་ལག་ལྔ་དང་ལྡན་ཞིང་ཡན་ལག་ལྔ་སྤངས་པ་དང་། རྫུ་འཕྲུལ་གྱི་རྐང་པ་བཞིས་རྣམ་པར་རྩེ་བ་མངོན་པར་འཚལ་བ་དང་། སངས་རྒྱས
280a8 བཅོམ་ལྡན་འདས་དེ་དག་ཐམས་ཅད་ལ་མཆོད་པ་དང་། བཀུར་སྟི་བགྱི་བ་དང་། དམ་པའི་ཆོས་མཉན་པའི་སླད་དུ་སངས་རྒྱས་ཀྱི་ཞིང་ཐམས་ཅད་དུ་གློག་ལྟ་བུའི་ཤུགས་ཀྱིས་མཆི་བ་ལ་མཁས་པ་དང་། སེམས་ཅན་རྣམས་ཀྱི་ལམ
iiif viewer powered by OpenSeadragon