| e-texts navigator |
| Wylie |
279b1 ཐག་པ་དང་། དོན་མ་མཆིས་པར་འབད་པ་དེ་དག་ནི་སྦྱིན་པ་རྣམ་པར་བཀོད་པ་མ་མཆིས་པར་ཡོངས་སུ་སྨིན་པར་བགྱིད་པའི་རྔོ་མི་ཐོག་སྟེ། དེ་ལྟ་བས་ན་བདག་ཅག་གིས་སྦྱིན་པའི་གོ་བགོས་ཏེ།། བརྩོན་འགྲུས་བརྩམ་པར་བགྱི་ཞིང་།།
279b2 འདི་ལྟར་བདག་ཅག་གིས་སྦྱིན་པའི་གཟིངས་ཀྱིས་སྐྱེ་བའི་རྒྱ་མཚོ་ལས་བསྒྲལ་པར་བགྱིའོ་ཞེས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་སྦྱིན་པ་ལས་བྱུང་བའི་བསོད་ནམས་ཀུན་དུ་སྤྱོད་པར་བགྱི་བའི་དངོས་པོས། སངས
279b3 རྒྱས་ཀྱི་ཡེ་ཤེས་ཀྱི་རྒྱ་མཚོ་བླ་ན་མ་མཆིས་པ་ལ་འཇུག་པར་བགྱིད་པ་ནས་ཆོས་ཀྱི་རྒྱལ་པོ་བླ་ན་མ་མཆིས་པར་དབང་བསྐུར་བ་རབ་ཏུ་ཐོབ་པར་བགྱིད་པའི་བར་དུའོ། ། བཙུན་པ་བཅོམ་ལྡན་འདས་འདི་ན་སེམས་ཅན་རྟག་པར་སྨྲ
279b4 པ་འདི་དག་ལོངས་སྤྱོད་དང་། ཉེ་བར་སྤྱོད་པ་རྒྱ་ཆེན་པོ་དང་བྲལ་ལ་ཚོལ་ཁྲོས་སྡུག་བསྔལ་ཞིང་ཉམས་ཐག་པ་དག་མཆིས་ཏེ། དེ་དག་ཚུལ་ཁྲིམས་རྣམ་པར་བགོད་པ་མ་མཆིས་པར་ཡོངས་སུ་སྨིན་པར་བགྱིད་པར་རྔོ་མི་ཐོག་པས
279b5 འདིར་སེམས་ཅན་རྟག་པར་སྨྲ་བ་རྣམས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་སྙིང་རྗེ་ཆེན་པོ་དག་སྐྱེད་པར་བགྱིད་ཅིང་། ཚུལ་ཁྲིམས་ཀྱིས་གོ་གས་པའི་གཟིངས་ཀྱིས་སེམས་ཅན་རྟག་པར་སྨྲ་བ་འདི་དག་སྐྱེ་བའི་རྒྱ་མཚོ་འདི
279b6 ལས་སྤྲུལ་བར་བགྱིའོ། ། ཞེས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཚུལ་ཁྲིམས་ལས་བྱུང་བའི་བསོད་ནམས་ཀུན་ཏུ་སྤྱོད་པར་བགྱིད་པའི་དངོས་པོ་སེམས་ཅན་རྣམས་དགེ་བ་བཅུའི་ལས་ཀྱི་ལམ་གྱིས་ཡོངས་སུ་སྨིན
279b7 པར་བགྱིད་པ་དང་། སངས་རྒྱས་ཀྱི་ཡེ་ཤེས་ཀྱི་རྒྱ་མཚོ་བླ་ན་མ་མཆིས་པ་ལ་འཇུག་པར་བགྱིད་པ་ནས་ཆོས་ཀྱི་རྒྱལ་པོ་བླ་ན་མ་མཆིས་པར་དབང་བསྐུར་བ་རབ་ཏུ་ཐོབ་པར་བགྱིད་པའི་བར་དུའོ།། བཙུན་པ་བཅོམ་ལྡན་འདས་འདིན
279b8 སེམས་ཅན་གང་དག་ཕྲ་མ་དང་། ཚིག་རྩུབ་པོ་དང་། ཆགས་སེམས་དང་། གནོད་སེམས་ཀུན་དུ་སྤྱོད་པའི་ཡིད་ཀྱིས་དེ་དག་འཇིག་ཚོགས་ལ་ལྟ་བ་དང་ལྡན་ཞིང་ལོངས་སྤྱོད་དང་། ཉེ་བར་སྤྱོད་པ་དང་བྲལ་ལ་ཚོལ་ཁྲོས་སྡུག་བསྔལ་ཞིང་།
iiif viewer powered by OpenSeadragon