| e-texts navigator |
| Wylie |
221a1 གཞན་དག་ཀྱང་འདི་ལྟ་སྟེ། ཆོས་མཉན་པའི་ཕྱིར་འཇམ་དཔལ་གཞོན་ནུར་གྱུར་པའི་ཕྱི་བཞིན་དུ་འབྲང་བར་གྱུར་ཏོ།། འདི་ལྟ་སྟེ། སྐྱེས་བུ་དམ་པ་དེ་དག་དང་། ལྷའི་བུ་དེ་དག་ཚོགས་ཤིང་འཁོད་པ་ལས་བར
221a2 སྐབས་སུ་ཀྱེ་གྲོགས་པོ་དྲུག་སངས་རྒྱས་ཀྱི་ཡེ་ཤེས་ནི་རྒྱ་ཆེ་བའོ། ། དཔག་ཏུ་མེད་པ། ཚད་མེད་པ། བསམ་གྱིས་མི་ཁྱབ་པ།། མཉམ་པ་མེད་པ། གཞལ་དུ་མེད་པ། མི་རྟོགས་པ། མི་མཉམ་པ་དང་མཉམ་པ་དང་།
221a3 བླ་ན་མེད་པ་ཡིན་ཏེ། དེ་ནི་ག་ཆ་དམ་པ་ཡིན་པས་རྟོགས་པར་མ་ནུས་ནགོ་ཅི་ཇི་ཙམ་ཞིག་བགོས་ན་ཐམས་ཅད་མཁྱེན་པའི་ཡེ་ཤེས་ཡེ་ཤེས་ཆེན་པ་དགས་པར་ནུས་ཤེས་དེ་ལྟ་བུའི་གཏམ་རྗོད་པར་གྱུར་པ་དང་བྱུང
221a4 ཆུབ་སེམས་དཔའ་ཀླུ་དཔལ་གྱིས་སྨྲས་པ། དགེ་བའི་རྩ་བའི་ཚོགས་བསགས་པ་བསྔོ་བ་ལ་ཆོག་མི་ཤེས་པའི་དགེ་བའི་རྩ་བ་ལ་གཞོག་པར་གནས་ཤིང་མི་བརྗོད་པའི་གོ་ཆ་བགོས་པས་ཡེ་ཤེས་ཆེན་པོ་དེ་རྟོགས
221a5 པར་ནུས་སོ། ། བྱང་ཆུབ་སེམས་དཔའ་ཀླུས་བྱིན་གྱིས་སྨྲས་པ། སེམས་སྙོམས་པ་དང་། སེམས་དུལ་བ་དང་། སེམས་འཇམ་པ་དང་། སེམས་དྲང་བ་དང་། སེམས་མཉེན་པ་དང་། སེམས་ཅད་ཤེས་པའི་ཕྱིར་ཐམས
221a6 ཅད་མཁྱེན་པའི་ཡེ་ཤེས་ཀྱི་ཡི་དམ་བརྟན་པོ་སྙིང་པོ་ལ་གནས་པའི་གོ་ཆ་བགོས་པས་ཐམས་ཅད་མཁྱེན་པའི་ཡེ་ཤེས་ཡེ་ཤེས་ཆེན་པོ་དེ་རྟོགས་པར་ནུས་སོ། ། བྱང་ཆུབ་སེམས་དཔའ་དཔལ་འབྱུང་གིས
221a7 སྨྲས་པ། ཀྱེ་གྲོགས་པོ་དགྲ་བསྐུལ་པའི་གྲངས་ཀྱིས་ཡེ་ཤེས་ཆེན་པོ་དེ་རྟོགས་པར་མི་ནུས་ཀྱི། བསྐལ་པ་དཔག་ཏུ་མེད་པར་གོ་ཆ་བགོས་པས་ཐམས་ཅད་མཁྱེན་པའི་ཡེ་ཤེས་དེ་རྟོགས་པར་ནུས་སོ།། བྱང
221a8 ཆུབ་སེམས་དཔའ་དཔལ་གྱི་སྙིང་པོས་སྨྲས་པ། རིགས་ཀྱི་བུ་བྱང་ཆུབ་སེམས་དཔའ་བདག་གི་བདེ་བ་ལ་ཆགས་ཤིང་གནས་པས་ཡེ་ཤེས་ཆེན་པོ་དེ་རྟོགས་པར་མི་ནུས་ཀྱི། བདག་གི་བདེ་བ་ལ་མ་ཆགས
iiif viewer powered by OpenSeadragon
