| e-texts navigator |
| Wylie |
220b1 པ་ཇི་ལྟར་མོས་པ་བཞིན་དུ་ཆོས་སྟོན་པ་རྣམས་དང་། རྒྱལ་པོ་ཆེན་པོ་བཞི་དང་། བརྒྱ་བྱིན་ལྷའི་དབང་པོ་དང་། ཚངས་པ་མི་མཇེད་ཀྱི་བདག་པོ་དང་། དེ་མ་ཡིན་པའི་གཞན་ལྷ་དང་། གླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན
220b2 དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་བརྒྱ་སྟོང་མང་པོ་དང་ཐབས་གཅིག་ཏུ་བཞུགས་སོ།། ཡང་དེའི་ཚེ་དེའི་དུས་ན་འཇམ་དཔལ་གཞོན་ནུར་གྱུར་པ་རི་ཞིག་གི་བང་རིམ་གྱིས་རོས་ལ་སྐྱེས་ཟུ་མ
220b3 པ་ཉི་ཤུ་རྩ་ལྔ་དང་ལྷན་ཅིག་ཏུ་གནས་པ་འདི་ལྟ་སྟེ། བྱང་ཆུབ་སེམས་དཔའ་ཀླུ་དཔལ་དང་། ཀླུས་བྱིན་དང་། དཔལ་འབྱུང་དང་། དཔལ་གྱི་སྙིང་པོ་དང་།། བ་དམ་བླ་མའི་དཔལ་དང་། པད་མ་དཔལ་འབྱུང་དང་སྐྱེ་བོ
220b4 འཛིན་དང་། ས་འཛིན་དང་། ལག་ན་རིན་ཆེན་དང་། ལ་ག་ན་རིན་ཆེན་ཕྱག་རྒྱ་དང་། སེང་གེ་བློ་གྲོས་དང་། སེང་གེའི་འགྲོས་བསྒྲགས་དབྱངས་དང་། ནམ་མཁའི་མཛོད་དང་། སེམས་བསྐྱེད་མ་ཐག་ཏུ་ཆོས་ཀྱི
220b5 འཁོར་ལོ་སྒྱུར་བ་དང་། ཚིག་གི་རབ་ཏུ་ཐ་དད་པ་ཐམས་ཅད་ལ་སྤོབས་པ་དང་། སྤོབས་པའི་ཕུང་པོ་དང་། བློ་གྲོས་རྒྱ་མཚོ་དང་། ལྷུན་པོ་ཆེན་པོ་དང་། མཐོང་ན་དགའ་བ་དང་། རབ་ཏུ་དགའ་བའི་རྒྱལ་པོ་དང་།
220b6 མཐའ་ཡས་མཐོང་བ་དང་། མཐའ་ཡས་དམིགས་པར་གནས་པ་དང་བདུད་ཀྱི་ལྟ་བ་ཡང་དག་པར་འཇོམས་པ་དང་། མྱ་ངན་མེད་སྦྱིན་དང་། དོན་ཐམས་ཅད་གྲུབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དང་།
220b7 སྐྱེས་བུ་དམ་པ་ཉི་ཤུ་རྩ་ལྔ་པོ་དེ་དག་དང་ལྷན་ཅིག་ཏུ་གནས་སོ།། དགའ་ལྡན་གྱི་རིས་ཀྱི་ལྷའི་བུ་བཞི་ཡང་ཆོས་མཉན་པའི་ཕྱིར་འཇམ་དཔལ་གཞོན་ནུར་གྱུར་པའི་ཕྱི་བཞིན་དུ་འབྲང་བར་གྱུར་ཏེ། ལྷའི
220b8 བུ་ཀུན་ནས་མེ་ཏོག་ཅེས་བྱ་བ་དང་། ལྷའི་བུ་མེ་ཏོག་འོད་ཟེར་ཅན་ཞེས་བྱ་བ་དང་། ལྷའི་བུ་མ་ཏོག་སན་དཱ་ར་བའི་དྲི་ཞེས་བྱ་བ་དང་། ལྷའི་བུ་ཆོས་ལ་གནས་པར་རྟག་ཏུ་བརྩོན་པ་ཞེས་བྱ་བ་དེ་དག་དང་། ལྷའི་བུ་མང་པོ
iiif viewer powered by OpenSeadragon
