| e-texts navigator |
| Wylie |
218b1 ཅེས་བཀའ་སྩལ་ནས། ། རྒྱལ་པོ་གཟུགས་ཅན་སྙིང་པོ་ལ་སོགས་པ་ཐམས་ཅད་ཡི་རང་སྟེ།། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། རྒྱལ་པོ་གཟུགས་ཅན་སྙིང་པོ་ལ
218b2 གདམས་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སྷོ། ། ། རྒྱ་གར་གྱི་མཁན་པོ་དཱ་ན་ཤཱི་ལ་དང་།། ། བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།
218b3 རྒྱ་གར་སྐད་དུ། རཱ་ཛཱ་དི་ཤ་ནཱ་མ་མ་ཧཱ་ཡཱ་ན་སཱུཏྲ། བོད་སྐད་དུ། རྒྱལ་པོ་ལ་གདམས་པ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད
218b4 བདག་གིས་ཐོས་པ་དུས་གཅིག་ནིན། བཅོམ་ལྡན་འདས་གྲོང་ཁྱེར་ཆེན་པོ་བ་ར་ན་སེན་འཁོར་རྣམས་ལ་ཆོས་སྟོན་པ་ན། བང་ས་ལའི་རྒྱལ་པོ་འཆར་བྱེད་འདུལ་བའི་དུས་ལ་བབ་པར་གཟིགས་ནས་འཁོར་དང་བཅས་པ་བང
218b5 ས་ལའི་ཡུལ་དུ་བཤེགས་པ་དང་། བདས་ལའི་རྒྱལ་པོ་འཆར་བྱེད་གྲོང་ཁྱེར་ཆེན་པོ་གསེར་ཅན་ཞེས་བྱ་བ་གཞོམ་པའི་ཕྱིར་དམག་བཞི་དང་ཆས་པ་དང་ཕྲད་པས་རྒྱལ་པོ་འཆར་བྱེད་ཁྲོས་ཏེ། འདི་འདྲ་བའི་བཀྲ
218b6 མི་ཤིས་པ་དང་ཕྲད་པས་གསད་པར་རིགས་སོ་ཞེས་ནས་མདའ་སྟེའུ་ཁ་ཉ་རྔམ་བླངས་ཏེ། བཅོམ་ལྡན་འདས་ལ་འཕངས་སོ།། དེ་ནས་མདའ་དེ་ནམ་མཁའ་ལ་འཁོར་ཞིང་འདི་སྐད་ཅེས་གྲག་གོ། ཞེ་སྡང
218b7 གིས་ནི་སྡུག་བསྔལ་སྐྱེད། ། འདིར་ཡང་ཤ་ཐང་འཐབ་དང་རྩོད།། ཕྱི་མར་དམྱལ་བའི་སྤྲུལ་བསྔལ་འབྱུང་།། དེས་ན་ཞེ་སྡང་འཐབ་རྩོད་སྣང་། ཞེས་བྱ་བའི་ཚིག་དེ་རྒྱལ་པོ་འཆར་བྱེད་ཀྱིས་ཐོས་པར་གྱུར་པད
218b8 བཅོམ་ལྡན་འདས་ལ་མོས་པར་གྱུར་ཏེ་ཕྱག་འཚལ་ནས་ཕྱོགས་གཅིག་ཏུ་འཁོད་དོ། ། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་འཐབ་རྩོད་ནི་འདིར་ཤ་ཐད་ལ་ཕྱི་མར་ངན་སོང་དུ་སྐྱེན་ཅིའི་ཕྱིར
iiif viewer powered by OpenSeadragon
