| e-texts navigator |
| Wylie |
218a1 མགོན་སྐྱབས་བྱེད་པ་སུ་ཡང་མ་མཐོང་ནས།། ཤིན་དུ་རིགས་བཞིན་ཀུན་དུ་ཡི་མུག་སྟེ།། བདག་ཉིད་གར་འགྲོ་ཏལ་མེད་པར་དུ་འབྱུང་།། མི་རྟག་སྡུག་བསྔལ་མི་ཟད་ཡུན་རིང་འདི།། ཐོག་པ་མེད་ནས
218a2 ལྷའི་བར་དུ་ཡང་། ། འཕགས་ལམ་མ་ཐོབ་པར་དུ་རྟག་ཏུ་གདུང་།། རྒྱལ་པོས་གསོལ་པ། བཅོམ་ལྡན་འདས་འཁོར་བ་འདི་ཤིན་དུ་སྡུག་བསྔལ་བ་ལགས་ནི་བདེ་ལེགས་དང་ལྡན་པ་གང་ལགས། བཅོམ་ལྡན་འདས་ཀྱིས
218a3 བཀའ་སྩལ་པ། མྱ་ངན་ལས་འདས་པ་ནི་བདེ་ལེགས་ཕུན་སུམ་ཆགས་པ་ཡིན་ནོ།། རྒྱལ་པོས་གསོལ་པ། ཇི་ལྟར་བདེ་ལེགས་ཕྲིན་སུམ་ཚོགས་པ་ལགས།། བཅོམ་ལྡན་འདས་ཀྱིས་བཀའ་སྩལ་པ། མྱ་ངན་འདས
218a4 པ་ཞི་པ་བདེ་བའི་མཆོག། རྣམ་རྟོག་བདག་ཏུ་འཛིན་དང་ཉོན་མོངས་མེད།། ངན་སོང་གསུམ་སོགས་བཀྲེས་སྐོམ་གྲང་དྲོ་དང་།། སྐྱེ་རྒན་འཆི་ལ་སོགས་སྡུག་བསྔལ་མེད།། འཁོར་བ་མི་རྟག་སྡུག་བསྔལ་གཏན་ཟད
218a5 ནས། ལུས་སུ་གཞན་དོན་འབའ་ཞིག་སྤྱོད་བྱེད་ཅིང་།། མཐུ་དང་རྫུ་འཕྲུལ་བསམ་གྱིས་མི་ཁྱབ་པོ།། དེ་སྐད་ཅེས་བཀའ་སྩལ་པ་དང་། རྒྱལ་པོས་གཟུགས་ཅན་སྙིང་པོ་འཁོར་བ་ལས་ཡིད་བྱུང་ནས་རྒྱལ་སྲིད་མཆིལ་མའི
218a6 བྲལ་བ་ལྟར་བོར་ཏེ། མྱ་ངན་ལས་འདས་པ་བསྒྲུབ་པ་ལ་གཞོལ་བར་འགྱུར་ཏོ།། དེ་ལྟར་གྱུར་པ་ལ་བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་ལེགས་སོ་ལེགས་སོ།། རྗེས་ཐམས་ཅད་ཀྱི་ནང་ན་གླང
218a7 པོ་ཆེའི་རྗེས་མཆོག་གོ། མེ་ཏོག་རྣམས་ཀྱི་ནང་ན་པད་མ་དཀར་པོ་མཆོག་གོ།། འདུ་ཤེས་ཐམས་ཅད་ཀྱི་ནང་ན་མི་རྟག་པའི་འདུ་ཤེས་མཆོག་གོ། བསམ་པ་རྣམས་ཀྱི་ནང་ན་འཁོར་བ་ལས་ཡིད་བྱུང་བ་མཆོག།
218a8 གོ།། རྒྱལ་པོ་ཆེན་པོ་འཁོར་བ་ལས་ཡིད་བྱུང་བ་ལེགས་སོ།། སྐྱོ་བ་སྐྱེས་པ་ལེགས་སོ།། ཆགས་ན་འཁོར་བ་ཡིན་ནོ།། མ་ཆགས་ན་མྱ་ངན་ལས་འདས་པ་ཡིན་ནོ།། བཅོམ་ལྡན་འདས་ཀྱིས་དེ་སྐད
iiif viewer powered by OpenSeadragon
