| e-texts navigator |
| Wylie |
216a1 འདས་ཤིང་འཆི་དང་ཕར་ཕར་ཉེ། ། མི་ཤིར་འདོད་ཀྱང་རང་ལ་རང་དབང་མེད།། སྐྱེ་རྒན་འཆི་རང་ཐག་རི་མོ་འདྲ།། འཆི་བདག་བདུད་ནི་སོ་བྱ་ཉ་སྡོད་འདྲ།། འཆི་བའི་རྐྱེན་ནི་བསམ་གྱིས་མི་ཁྱབ་སྟེ།། འཆི་སྐྱེན་མ་སོང
216a2 དངོས་པོ་གང་ཡང་མེད། ། ལུས་འདི་ཟས་ཀྱིས་འཚོ་ཡང་རྣངས་ནས་འཆི།། འཇིག་རྟེན་འདི་ན་ཆེ་ཆུང་ཕྱུག་དབུལ་ཀུན།། འཆི་བདག་དབང་དུ་མི་འགྱུར་གང་ཡང་མེད།། སྔ་མ་ཤི་བའི་མི་རྣམས་ཀུན་གྱིས་ཀྱང་།། རྟག་ཏུ་ནས་བུ་དང་།
216a3 ནོར་བསགས་ཀྱང་།། བུ་ནོར་ཕྱིར་ལུས་བདག་ལ་ཕན་པ་མེད།། རང་གི་དགེ་སྡིག་གཉིས་དང་འགྲོགས་ཏེ་འཆི།། ད་ལྟར་རང་རེ་གནས་པའི་རིང་འདི་ལའང་།། དགའ་བཤེས་གཉེན་འདུན་མཛའ་དང་མི་མཛའ་དང་།། ན་ཚོང་འཐུན
216a4 དང་རྒན་གཞོན་ཇི་སྙེད་ཅིག། ཤི་བ་མཐོང་ཞིང་ཐོས་པ་མ་ཡིན་ནམ།། ས་སྟེང་གནས་པའི་སེམས་ཅན་འདི་ཀུན་ཡང་།། ལོ་བརྒྱ་ཚུན་ཆད་སྡོད་ཀྱང་མ་ལུས་འཆི།། དེ་བས་རང་རེའང་འཆི་བའི་ཆོས་ཅན་ཡིན།། དེང་འཆི་སར
216a5 འཆི་སུ་ཀྱང་མི་ཤེས་ཏེ། ། ཚོད་འཛིན་པ་ཡང་མི་འཇིགས་སྦྱིན་མེད་པས།། སང་ཕོང་དེང་སང་བདག་ཉིད་ཇི་ལྟར་འགྱུར།། འཆི་བའི་ཚེ་ན་ཕ་མ་བུ་ཚ་དང་།། ཕུ་ནུ་མཛའ་བཤེས་བྲན་ཁོལ་ནོར་ཀུན་གྱིང་། བདག་ཉིད་འཆི་བའི་ཕྱིན
216a6 འོད་མེད་པས། ། སྡུག་བསྔལ་སྐལ་ལེན་། གང་ཡང་ཡོད་མ་ཡིན།། དེ་བས་སྐྱེས་ཀྱང་བདག་ཉིད་གཅིག་བུ་སྐྱེས།། ཐ་མ་འཆི་ཡང་བདག་ཉིད་གཅིག་པུ་འཆི།། སྐད་ཅིག་ཆེ་ལས་འཐུན་པ་ཉེ་གཞི་རྣམས།། འགྲོན་པོ་གནས
216a7 འཐུན་ཙམ་སྟེ་སོ་སོར་འགྲོ། ། སྐད་ཅིག་ཙམ་ཡང་འབྲལ་བར་མི་ནུས་པའི།། གཉེན་དང་ནོར་རྫས་ཡུལ་མཁར་ཀུན་བོར་ནས།། བདག་ཉིད་གཅིག་པུ་འཇིགས་པའི་ལམ་དུ་འགྲོ།། ཇི་ཙམ་སྡིག་དང་བསྔོས་ནས་ནོར
216a8 བསགས་ཀྱང་། ། སྡིག་པའི་རྣམ་སྨིན་རྨོངས་པ་བདག་ཉིད་འཁུར།། བསགས་པའི་ནོར་ནི་ཁོང་དག་པུ་ཚས་འཁྱེར།། དེ་ཕྱིར་བསགས་པའི་ནོར་གྱིས་ཅི་ཞིག་ཕན།། བདག་ལ་ཤིན་དུ་འཕངས་པའི་ལུས་འདི་ཡང་།། །
iiif viewer powered by OpenSeadragon
