| e-texts navigator |
| Wylie |
308a1 སངས་རྒྱས་ཆོས་ཉིད་གང་ཡིན་དང་།། སངས་རྒྱས་རིག་པར་སུ་འདོད་པ།། དེ་ནི་ཆོས་དབྱིངས་ཞུགས་ཤིག་པ།། འདི་ནི་འཇིག་རྟེན་འཐུན་འཇུག་ཡིན།། སྐྱེ་བ་མེད་པ་བཟོད་སྟོན་པ།། རྟག་ཏུ་ཡང་དག་རབ་ཏུ་མཁྱེན།། མཁྱེན།
308a2 ནས་རབ་ཏུ་སྟོན་མཛད་པ།། འདི་ནི་འཇིག་རྟེན་འཐུན་འཇུག་ཡིན།། རྟག་ཏུ་ཆོས་ཀྱི་དབྱིངས་མཚུངས་ཏེ།། འཇུག་པ་མེད་ཅིང་འབྱུང་མེད་ཀྱང་།། འགྲོ་དང་གནས་པ་སྟོན་མཛད་པ།། འདི་ནི་འཇིག་རྟེན་འཐུན་འཇུག་ཡིན།། མི་སྐྱེ་བ
308a3 ལ་གཅིག་པ་འམ། ། མང་པོ་ཡོད་པ་མ་ཡིན་ཡང་།། སྣ་ཚོགས་རིམ་པ་སྟོན་མཛད་པ།། འདི་ནི་འཇིག་རྟེན་འཐུན་འཇུག་ཡིན།། དེ་དག་ཐ་དད་སྐུ་མེད་ཀྱང་།། སངས་རྒྱས་ཞིང་རྣམས་དཔག་མེད་དེ།། སྐུ་ལུས་དག་ནི་སྤྲུལ
308a4 མཛད་པ། ། འདི་ནི་འཇིག་རྟེན་འཐུན་འཇུག་ཡིན།། སྟོང་གསུམ་བྱེ་བ་བརྒྱ་བ་གྲངས་པ།། སངས་རྒྱས་ཞིང་དུ་བརྗོད་བྱ་བ།། དེར་ནི་སྐྱེ་བ་སྟོན་མཛད་པ།། འདི་ནི་འཇིག་རྟེན་འཐུན་འཇུག་ཡིན།། དེ་བཞིན་གཤེགས་པས་དུས་ཀུན་ཏུ།།
308a5 ཆོས་ནི་གནས་པར་རབ་མཁྱེན་ཀྱང་།། ཆོས་ཀྱི་འཁོར་ལོ་རབ་བསྐོར་བ།། འདི་ནི་འཇིག་རྟེན་འཐུན་འཇུག་ཡིན།། སངས་རྒྱས་འོད་ནི་དཔག་མེད་ཅིང་།། སྐུ་ལུས་དཔག་ཏུ་མེད་མིན་ཡང་།། དཔག་ཏུ་ཡོད་པ་སྟོན་མཛད་པ།། འདི
308a6 ནིའཇིག་རྟེན་འཐུན་འཇུག་ཡིན། ། ཆོས་ཀྱི་དབྱིངས་ལ་མཆོག་མེད་དེ།། དུས་གསུམ་དག་ཏུ་སྟོང་ཉིད་ཀྱང་།། མཆོག་གི་ཆོས་རྣམས་སྟོན་མཛད་པ།། འདི་ནི་འཇིག་རྟེན་འཐུན་འཇུག་ཡིན།། ཞིག་པ་མེད་ཅིང་སྐྱེ་མེད་ལ།། ཆོས
308a7 ཀྱི་དབྱིངས་དང་མཉམ་གྱུར་ཀྱང་། ། སྲེག་པའི་བསྐལ་པ་སྟོན་མཛད་པ།། འདི་ནི་འཇིག་རྟེན་འཐུན་འཇུག་ཡིན།། ཆོས་ཀྱི་དབྱིངས་ནི་གྲུབ་མེད་དེ།། དེ་ལ་ངོ་བོ་ཉིད་མེད་ཀྱང་།། འོན་ཀྱང་ངེས་པར་འབྱུང་སྟོན་པ།། འདི་ནི་འཇིག
308a8 རྟེན་འཐུན་འཇུག་ཡིན། ། གཟིགས་པ་ཅི་ཡང་མི་མདའ་ཡང་།། ལྷག་མཐོང་གིས་ནི་གཟིགས་གྱུར་ཅིང་།། ལྟ་བ་ཐམས་ཅད་སྟོན་མཛད་པ།། འདི་ནི་འཇིག་རྟེན་འཐུན་འཇུག་ཡིན།། ཆོས་རྣམས་ཀུན་ལ་བྱེད་པ་པོ།།
iiif viewer powered by OpenSeadragon
