| e-texts navigator |
| Wylie |
305b1 གཏན་མཛད་བསྟན་དང་། དྲུག་པར་དུ་དཀ། བསྤྱོད་པ།། འདི་ནི་འཇིག་རྟེན་འཐུན་འཇུག་ཡིན།། གཉིས་སུ་མདཔར་ཞིང་འདི་ན།། བྱང་ཆུབ་སྙིང་པོར་ཞུགས་ནས་ནི།། བདུད་འདུལ་རྣམ་པར་སྟོན་མཛད་པ།། འདི་ནི་འཇིག་རྟེན་འཐུན་འཇུག་ཡིན་བྱ
305b2 ཆུབ་མཚུངས་མེད་སངས་རྒྱས་ཏེ། ། ལྷར་བཅས་འཇིག་རྟེན་སྟོན་ཡིན་ཡང་།། ཐུགས་ལས་ཆུང་ངུ་ཉིད་སྟོན་པ།། འདི་ནི་འཇིག་རྟེན་འཐུན་འཇུག་ཡིན།། དཔའ་བོ་ཐུགས་རྗེ་ཆེ་ལྡན་པ།། བསྟན་པའི་ཕྱིར་ནི་འདིར་གཤེགས་ལ།། གསོལ་བ་འདེབས
305b3 ལ་གཞེས་མཛད་པ། ། འདི་ནི་འཇིག་རྟེན་འཐུན་འཇུག་ཡིན།། རང་བྱུང་རྣམས་ཀྱི་མཁྱེན་པ་ནི།། ཕྱིར་ཞིང་འཇུག་པ་མི་མངའ་ཡང་།། དེ་དག་དྲན་པ་སྟོན་མཛད་པ།། འདི་ནི་འཇིག་རྟེན་འཐུན་འཇུག་ཡིན།། རྫོགས་པའི་སངས་རྒྱས་རྣམས་པ་ནི།། །
305b4 བྱོན་དང་བཞུད་པ་མི་མངའ་ཡང་།། འོན་ཀྱང་བཞུད་པར་རྣམ་སྣང་བ།། འདི་ནི་འཇིག་རྟེན་འཐུན་འཇུག་ཡིན།། རྒྱལ་བ་རྣམས་ནི་མཁའ་འདྲ་སྟེ།། ཆོས་རྣམས་ཀུན་ལ་མི་གནས་ཀྱང་།། ལྡང་བ་ལྟར་ཡང་སྣང་བ་ནི།། འདི་ནི་འཇིག་རྟེན་འཐུན
305b5 འཇུག་ཡིན། ། ཞབས་ནི་པད་མའི་མདབ་འདྲ་སྟེ།། དེ་དག་རྡུལ་གྱིས་མི་གོས་ལ།། ཞབས་ཀྱང་འཁྲུ་བ་མཛད་པ་ནི།། འདི་ནི་འཇིག་རྟེན་འཐུན་འཇུག་ཡིན།། དེ་དག་དྲི་མ་མི་མངའ་སྟེ།། སྐུ་ནི་གསེར་གྱི་མདོག་འདྲ་ཡང་།། རྫོགས་པའི་སངས་རྒྱས
305b6 ཁྲུས་མཛད་པ། ། འདི་ནི་འཇིག་རྟེན་འཐུན་འཇུག་ཡིན།། ཞལ་ནི་པད་མའི་དྲི་ལྡན་ཞིང་།། ཚེམས་ནི་དྲི་མེད་མུ་ཏིག་འདྲ།། འོན་ཀྱང་ཚེམས་ཤིང་གསོལ་མཛད་པ།། འདི་ནི་འཇིག་རྟེན་འཐུན་འཇུག་ཡིན།། དེ་དག་བསྒྲིབ་པ་མི་མངའ་ཡང།
305b7 དགཞལ་ཟས་གསོལ་མཛད་ཅིང་།། སྦྱིན་པ་པོ་ལ་འབྲས་བུ་ཆེ།། འདི་ནི་འཇིག་རྟེན་འཐུན་འཇུག་ཡིན།། སྐུ་མཁྲེགས་རྡོ་རྗེ་འདྲ་བའི་ཕྱིར།། ཟག་པ་དག་ནི་མི་མངའ་ཡང་།། གཤད་པའི་སར་ནི་གཤེགས་མཛད་པ།། འདི་ནི་འཇིག་རྟེན
305b8 འཐུན་འཇུག་ཡིན། ། དེ་དག་སྤུན་ནི་མི་མངའ་ཡང་།། དགེ་འདུན་བསྡུ་བ་མཛད་པའི་ཕྱིར།། སྨན་ཀྱང་བསྟན་པར་མཛད་པ་ནི།། འདི་ནི་འཇིག་རྟེན་འཐུན་འཇུག་ཡིན།། སངས་རྒྱས་ཡོན་ཏན་ཀུན་ལྡན་ཏེ།། སྐ་ལ་འགྱུར་བ་མི་མདའ་ཡང་།། །
iiif viewer powered by OpenSeadragon
