| e-texts navigator |
| Wylie |
274b1 བསམ་པ་ཇི་བཞིན་དེ་དག་དགའ་བ་སྐྱེད།། སེམས་ཅན་རྣམས་ལ་མི་ལྷོད་ཞི་ཚིག་སྟོན།། དེ་ལ་སུ་ཡང་དབང་ཕྱུག་མེད་མ་བྱེད།། སྐྱེ་བོ་ཚིགས་ཆེན་དག་གིས་བལྟ་འོས་འགྱུར།། དེ་ཡི་གཡོག་ཀྱང་སྒྲ་དབྱངས་ཡན་ལག་དག། སངས་རྒྱས
274b2 མཆོད་རྟེན་ཐལ་སྦྱང་ཕྱག་འཚལ་བ། ། སྦྱིན་དང་སྙན་པར་སྨྲ་དང་དོན་སྤྱོད་དང་།། དོན་འཐུན་པ་དག་སྐྱེ་བོ་མང་ལ་བྱེད།། སྤྲོས་ཤིང་བརྒྱད་ཀྱང་ཁྲོ་བའི་དངོས་མི་སྐྱེད།། སངས་རྒྱས་མཆོད་རྟེན་ཐལ་སྤྱང་ཕྱག་འཚལ་བ།། མཐོ་ངས་འཇིག་རྟེན
274b3 གནས་ཤིང་ལྷ་དབང་འགྱུར། ། མིར་གྱུར་ན་ཡང་མིའི་རྒྱལ་པོར་འོང་།། དེ་ནི་གཞར་ཡང་ཡོངས་སུ་ཉམས་མི་འགྱུར།། སངས་རྒྱས་མཆོད་རྟེན་ཐལ་སྦྱར་ཕྱག་འཚལ་བ།། དེ་ནི་གཞར་ཡང་ངན་སོང་ཕྱིས་མི་ལྷུང་།། འཇིག་རྟེན་འདིར་དེ་རྟག་ཏུ
274b4 འདོད་པ་སྤོང་། ནོར་ཅན་ནང་ན་ཕྱུག་ཅིང་མཛོད་མང་འགྱུར།། ཡོན་ཏན་ལྡན་ལ་ཚིག་གཅིག་སུ་སྨྲ་བ།། དེ་ནི་མི་རིགས་སྔགས་ལ་གཞང་མི་སྤྱོད།། མི་ཡི་འཇིག་རྟེན་གནས་མིན་སྤྱོད་མི་འགྱུར།། དེ་ལ་སེམས་ཅན་མི་ངོམས་དགའ་བར་འགྱུར།
274b5 ཡིད་འོད་དབྱངས་ལྡན་པོ་བྲང་འཁོར་གཤེགས་ཤིང་།། འཇིག་རྟེན་མགོན་པོ་སྒོ་གཏན་བཞུགས་པའི་ཆེ།། སུ་ཞིག་ཤུགས་བསྐྱེད་མེ་ཏོ་གོ་བླངས་ཏེ་གཏོར།། དེ་ནི་བརྒྱན་ནས་རྒྱལ་བ་དམ་པ་མཐོང་།། རང་གི་ཁྱིམ་དུ་སྟོབས་བཅུ་བསྙེན་བཀུར
274b6 བྱེད། ། དེ་ཡི་བཤོས་གསོལ་ཆོས་བཟང་སྟོན་པ་མཛད།། དང་པ་སྐྱེས་ནས་མི་མཆོག་བསྙེན་བཀུར་བྱེད།། གོས་ཀྱང་ཐོགས་ཏེ་རྣམ་པར་འདྲེན་ལ་འབུལ།། སངས་རྒྱས་བྱང་ཆུབ་མཚུངས་མེད་མཆོག་ཐོབ་ནས།། སྟོབས་བཅུ་ལྡན་ཞིང་གཡོ
274b7 བ་མེད་གྱུར་ལ། ། བྱང་ཆུབ་སངས་རྒྱས་སྡུག་བསྔལ་སྐྱེ་བོ་འགྲེལ།། འཇིག་རྟེན་ཀུན་ཏུ་མཚུངས་མེད་སངས་རྒྱས་ཤོག། དེ་ཡི་སྨོན་ལམ་འདི་འདྲ་འདི་དང་ནི།། སངས་རྒྱས་ཡེ་ཤེས་དེ་སེམས་དགའ་མཁྱེན་ནས།། སྟོབས་བཅུ་འཛུམ
274b8 མཛད་འཇིག་རྟེན་ཐམས་ཅད་དུ། ། མཚུངས་མེད་སངས་རྒྱས་འགྱུར་ཞེས་ལུང་སྟོན་ཏོ།། སྐྱེས་བུ་དམ་པ་མཆོག་གི་གསུང་ཐོས་ནས།། བདེ་གཤེགས་མཆོག་གསུང་གཞན་དུ་མི་འགྱུར་ཏེ།། བདག་ནི་རྒྱལ་བ་མཆོག་འགྱུར་དོགས
iiif viewer powered by OpenSeadragon
