| e-texts navigator |
| Wylie |
273a1 ལྡན་པ་དང་། རིན་ཆེན་ཁང་བཟངས་ཆེ་འོས་དག་པ་འཐོག་རྒྱལ་པོ་པོ་བྲང་ཁྱད་པར་འཕགས་གྱུར་པ།། སྐྱེས་པ་བུད་མེད་དག་གིས་གང་བ་དང་།། མཉམ་ཞིང་ལེགས་བྱས་རབ་མཛེས་བལྟ་སྡུག་པ།། དྲ་བ་སྣ་ཚོགས་བདེ་བྱེད་བདེ་འཇུག་འཐོབ།། རྒྱལ་མཚན
273a2 བ་དན་གསལ་བར་མཛེས་བྱས་ཤིང་། ། གདུགས་བྲེས་ཤིན་ཏུ་མཛེས་ལ་བལྟ་སྡུག་དང་།། མུ་ཏིག་དྲ་བ་ཕྲེང་བ་དེ་འདྲ་བའི།། རྒྱལ་སྲེད་ཡོན་ཏན་ཁྱད་འཕགས་གཞན་ཡང་འཐོག།། དེ་ཡི་ཡུལ་ན་གཞན་ནོར་འཇིག་བྱེད་པ།། ཆོམ་རྐུན་གཡོ་ལྡན་གཡོ་ཅན་གནས
273a3 མི་འགྱུར། ། སེམས་ཅན་རྒྱ་ཆེན་བློ་མཆོག་ལྡན་པ་དང་།། ཕན་བྱེད་བྱམས་སེམས་ལྡན་པ་དེ་ན་གནས།། ཤི་འཕོས་བག་ཡོད་དེ་ནི་ལྟར་འགྲོ་སྟེ།། དཀར་གནག་གང་ཡིན་བདག་ཅག་ཇི་ལྟར་གནས།། འདི་ནས་ཤི་འཕོས་ཇི་ལྟར་མིར་སྐྱེ་ཞིང་།། བློ་ལྡན་ད
273a4 ནི་མཐོ་རིས་འདྲི་གནས་འགྱུར། ། སངས་རྒྱས་སྦྱིན་གནས་མྱུར་དུ་མཐོང་འགྱུར་ཏེ།། མཐོང་ནས་མཆོད་ཅིང་མཚུངས་མེད་སྟི་སྟང་བྱེད།། སངས་རྒྱས་མཐོང་ནས་བྱང་ཆུབ་མོས་སྐྱེད་ཅིང་།། རྡུལ་བྲལ་རྣམས་ལ་ཕྱིར་ཞིང་སྟི་སྟང་བྱེ།། ཡེ་ཤེས་མཐའ་ཡས་ལྡན
273a5 དང་མཐུ་ཆེན་འགྱུར། ། ཁྱད་པར་ས་གནས་འཕགས་པའི་སེམས་ཅན་འགྱུར།། བཅོམ་ལྡན་འདས་ལ་དད་པའི་སེམས་བསྐྱེད་ནས།། འདི་འདྲའི་དཔལ་འདི་ཕྱིར་ཞིང་མྱོང་བར་འགྱུར།། དེ་ཡི་བྱ་བ་འདི་ནི་བརྗོད་པར་བྱ།། ངས་བརྗོད་འདི་ལ་ཐེ་ཙོམ་མ་སྐྱེད་ཅིག།
273a6 སངས་རྒྱས་བཀའ་སྤངས་མནར་མེད་འགྲོ་འགྱུར་ཞིང་།། ཕྱིན་ཆད་སྡུག་བསྔལ་ཉོན་མོངས་གྱུར་ཏ་རེ།། འཇིག་རྟེན་སྒྲོན་མ་མཚུངས་མེད་བསོད་ནམས་ཞིང་།། དེ་ཡི་མཆོད་རྟེན་བརྒྱ་སུ་སེལ་བ།། བག་ཡོད་གྱུར་ནས་དེ་ནི་བདུད་རྒྱ་འདྲལ།། དུས་རྣམས།
273a7 ཀུན་ཏུ་ངན་སོངས་ཡང་སྤོང་།། རྟག་ཏུ་སངས་རྒྱས་རྡུལ་བྲལ་སྟི་སྟང་བྱེད།། རྟག་ཏུ་སྟོབས་ལྡན་འཁོར་ལོས་སྒྱུར་བར་འགྱུར།། མི་ཡི་འཇིག་རྟེན་སྐྱེས་ནས་བསོད་ནམས་ལྡན།། རྒྱལ་པོ་ཀུན་གྱི་མཆོད་པའི་གནས་སུ་འགྱུར།། ལྷ་ནང་ལྷ་ཡི་དབང་པོ
273a8 མཆོད་གནས་འགྱུར། དར་ནི་མྱུར་དུ་ལྷ་ཡི་ཚེ་ཡང་འཐོབ།། དཔལ་ལྡན་གསེར་གྱི་གཞལ་མེད་ཁང་པ་རྙེད།། ལྷ་ཡི་བདེ་བ་མཚུངས་མེད་དབང་ཕྱུག་ཉིད།། གཟུགས་དང་སྒྲ་དང་དྲི་དང་རོ་མཆོག་དང་།། རེག་བྱ་དཔལ་ལྡནས་ཡི་འཇིག་རྟེན་འཐོབ།། མཐུ་ཆེན
iiif viewer powered by OpenSeadragon
