| e-texts navigator |
| Wylie |
256a1 བྱིནི་ཁྱོད་ཀྱི་ནི། ། ཡོན་ཏན་རྣམས་ལྟར་བདགེ་སློབ་སྟེ།། སྲིད་པར་སྡུག་བསྔལ་སྤངས་ནས་ནི།། བདག་ཀྱང་འདི་འདྲར་འགྱུར་བར་བ་རྩེ།། ཚེ་རབས་གཞན་ནི་མ་ལུས་པར།། བདག་གིས་སྦྱིན་པ་གང་སྩལ་པ།། མཉམ་མེད་ཡེ་ཤེས
256a2 མཐོང་སླད་དུ། ། དེ་དག་ཐམས་ཅད་ཡོངས་སུ་བསྔོ།། སྲིད་པ་འདིའམ་གཞན་དག་ཏུ།། བདག་གིས་ཚུལ་ཁྲིམས་གང་བསྲུངས་པ།། སངས་རྒྱས་ཡེ་ཤེས་འཐོབ་སླད་དུ།། དེ་དག་ཐམས་ཅད་ཡོངས་སུ་བསྔོ།། བཟོད་དང་བརྩོན་འགྲུས་ཏིང
256a3 འཛིན་དང་། ། ཤེས་རབ་དགེ་བ་གང་བསྟེན་པ།། སངས་རྒྱས་ཆོས་ཀྱི་དོན་གྱི་ཕྱིར།། དེ་དག་ཐམས་ཅད་བདག་གིས་བསྔོ།། ལུས་དང་ངག་དང་ཡིད་རྣམས་ཀྱིས།། ལས་དགེ་བ་གང་བདག་གིས་བསགས།། སངས་རྒྱས་ཡེ་ཤེས་ཡོན་ཏན་ཕྱིར་བྱང
256a4 ཆུབ་ཏུ་ནི་བདག་གིས་བསྔོ། ། བུད་མེད་ལུས་འདི་སྤངས་ནས་ནི།། སྐྱེས་པ་མཆོག་ཏུ་བདག་གྱུར་ཅིག། དེ་ལྟར་སྐྱེས་པའི་ལུས་ཐོབ་ནས།། དམ་པའི་མཆོག་ཏུ་བདག་གྱུར་ཅིག། དེ་ལྟར་གྱུར་ནས་བདེ་གཤེགས་ཀྱི།། འཁོར་ལོ་བླ་མེད་བསྐོར་བར
256a5 བགྱི། ། འཁོར་བའི་བཙོན་རར་བཅིངས་པ་ཡི།། སེམས་ཅན་བྱེ་བ་དགྲོལ་བར་བགྱི།། དེ་ནས་བཅོམ་ལྡན་འདས་ཀྱིས་རྒྱལ་པོའི་བཙུན་མོ་བདེ་ལྡན་མལ་ཚིགས་སུ་བཅད་པ་དག་གིས་ལེགས་སོ་ཞེས་བྱ་བ་བྱིན་ཏེ། ཚིག་འདི་སྨྲས་པ་ལེགས
256a6 བ་ཡིན། ། སེམས་ནི་རབ་ཏུ་སྡོམ་པ་ལེགས།། ཁྱོད་ཀྱིས་བདུད་ནི་ལེགས་པར་མནན།། རྫོགས་སངས་རྒྱས་སུ་ཁྱོད་འགྱུར་རོ།། དེ་ནས་རྒྱལ་པོའི་བཙུན་མོ་བདེ་ལྡན་མ་དགའ་ཞིང་མགུ་ལ་རབ་ཏུ་དགའ་བ་དང་། དགའ་ཞིང་ཡིད་བདེ་བ་སྐྱེས་ནས་བཅོམ
256a7 ལྡན་འདས་དང་། བྱང་ཆུབ་སེམས་དཔའ་བྱམས་པ་བཟའ་བ་དང་བཅའ་བ་མང་པོས་ཚིམ་པར་བྱས་སོ།། དེ་ནས་བཅོམ་ལྡན་འདས་སུར་སྡེར་ནི་གྲུ། ཕྱག་ནི་བཅབས་ནས་རྒྱལ་པོའི་བཙུན་མོ་བདེ་ལྡན་མ་ལ་ཆོས་ཀྱི་གཏམ་རྒྱས་པར་ཡང
256a8 དག་པར་བསྟན། ། ཡང་དག་པར་འཛིན་དུ་བཅུག། ཡང་དག་པར་གཟེང་བསྟོད།། ཡང་དག་པར་རབ་ཏུ་དགའ་བར་མཛད་ནས་ལུང་བསྟན་ཏེ། བདེ་ལྡན་མ་ཁྱོད་མ་འོངས་པའི་དུས་བསྐལ་པ་དུ་མ་ཞིག་ན་དེ་བཞིན་གཤེགས་པ་དགྲ་བཅོམ་པ་ཡང
iiif viewer powered by OpenSeadragon
