| e-texts navigator |
| Wylie |
254b1 བོའི་ལ་ཀྱི་གོང་བྱར་དུ་མཐར་ཆགས་ཀྱིས་བསོད་སྙོམས་རྒྱུ་ཞིང་རྒྱལ་པོ་གཟུགས་ཅན་སྙིང་པོའི་ཕོ་བྲང་ག་ལ་བ་དེར་གཤེགས་སོ། ། དེ་ནས་རྒྱལ་པོ་གཟུགས་ཅན་སྙིང་པོའི་བཙུན་མོ་བདེ་ལྡན་མ་ཞེས་བྱ་བ་ཁང་བཟངས་མཆོག་གི་སྟེང་ན
254b2 འདུག་པས་བཅོམ་ལྡན་འདས་ཐག་རིང་པོ་ནས་གཤེགས་པ་མཐོང་ངོ་། ། མཐོང་ནས་ཀྱང་སེམས་དགའ་བར་གྱུར་ཏེ། ཁང་བཟངས་ཀྱི་སྟེང་ནས་བབས་ནས་བཅོམ་ལྡན་འདས་དང་། བྱང་ཆུབ་སེམས་དཔའ་སེམས་དཔའ་ཆེན་པ་བྱམས
254b3 གདན་དར་དཀར་རིན་པོ་ཆེ་བ་བཏིང་ངོ་། ། དེ་ནས་བཅོམ་ལྡན་འདས་དང་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་གདན་བཤམས་ལ་བཞུགས་སོ།། དེ་ནས་རྒྱལ་པོའི་བཙུན་མོ་བདེ་ལྡན་མ་ལུས་རྒྱན་ཐམས་ཅད་ཀྱི་བརྒྱན།
254b4 པ་བཅོམ་ལྡན་འདས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པའི་ཞབས་ལ་མགོ་བོས་ཕྱག་འཚལ་ནས་ཆོས་མཉན་པའི་ཕྱིར་ཞེ་ས་དང་བཅས། གུས་པ་དང་བཅས་པས་བཅོམ་ལྡན་འདས་ཀྱི་སྤྱན་པ་འདུགག།
254b5 དེ་ནས་བཅོམ་ལྡན་འདས་ཀྱིས་རྒྱལ་པོའི་བཙུན་མོ་བདེ་ལྡན་མ་ལུས་རྒྱན་ཐམས་ཅད་ཀྱིས་བརྒྱན་པ་ལ་གཟིགས་ནས་སེམས་ཅན་ཐམས་ཅད་ལ་ཕན་པའི་ཕྱིར་མཁྱེན་བཞིན་དུ་རྒྱལ་པོའི་བཙུན་མོ་བདེ་ལྡན་མ་ལ་བཀའ
254b6 སྩལ་པ། བདེ་ལྡན་མ་གང་ལུས་ལ་ཐོགས་པའི་འབྲས་བུ་འདི་ལྟ་བུ་ཤིན་ཏུ་ལྷམ་མེ་ལྷན་ནེ་ལྷང་ངེར་འདུག་པའི་ཤིང་དེའི་མིང་ཅི་ཞེས་བྱ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་རྒྱལ་པོའི་བཙུན་མོ་བདེ་ལྡན་མས
254b7 ཚིགས་སུ་བཅད་དེ་གསོལ་པ། གང་གི་འབྲས་བུ་ཁྱོད་ཐོགས་པ།། ཤིང་དེའི་མིང་ནི་ཅི་ཡིན་ཞེས།། དཔའ་བ་ཆེན་པོ་མཁྱེན་བཞིན་དུ།། གང་ཟག་མཆོག་གིས་སྨྲས་པ་ནི།། བདག་གིས་སྔོན་ནི་གང་བསྐྱེད་པ།། བསོད་ནམས་ལས
254b8 བྱུང་ཤིང་ཞེས་བགྱི། ། འདྲེན་པ་བདག་གིས་མྱོང་བ་ཡི།། འབྲས་བུ་འདི་དག་དེ་ཡི་ལགས།། ལྗོན་ཤིང་བཤད་པ་དེ་ཉིད་ཀྱང་།། སངས་རྒྱས་ཉན་ཐོས་རྣམས་ལ་ཡོད།། སངས་རྒྱས་ཡེ་ཤེས་འཐེབ་འདང་རྣམས།། བྱང
iiif viewer powered by OpenSeadragon
