| e-texts navigator |
| Wylie |
110a1 འགྲོ་བ་རྣམས་ཀྱི་གཙོ་བོ་དེ་ནི་འདིར་གཤེགས་ཏེ།། ཡོང་གིས་འཇིགས་པ་མེད་པར་སེང་གེའི་སྒྲ་སྐད་ཀྱིས།། གཉིས་སུ་མེད་ཅིང་སྤྲས་པ་མེད་པའི་ཆོས་ཀྱང་སྟོན།། དེ་ནས་ཁྱེའུ་རིན་ཆེན
110a2 བྱིན་གྱིས་བདག་གི་མ་མ་ལ་འདི་སྐད་ཅེས་སྨྲས་སོ། ། མ་མ་བདག་སྐར་ཁུད་འདིར་ཞོག་ཤིག་དང་། དེ་བཞིན་གཤེགས་པ་བལྟའོ།། དེ་ནས་མ་མ་དེས་ཁྱེའུ་རིན་ཆེན་བྱིན་སྐར་ཁུང་དུ་བཞག་གོ། དེ་ནས་བཅོམ་ལྡན
110a3 འདས་ཀྱིས་ཁྱེའུ་རིན་ཆེན་བྱིན་གྱི་སེམས་ཀྱི་ཡོངས་སུ་རྟོག་པ་ཐུགས་ཀྱིས་མཁྱེན་ནས་སྲད་དེ་ཁོ་ནར་གཤེགས་སོ། ། ཁྱེའུ་རིན་ཆེན་བྱིན་གྱིས་ཀྱང་བཅོམ་ལྡན་འདས་གཤེགས་པ་མཐོང་ངོ་།། མཐོང་ནས་ཀྱང་དེ་འདི་སྙམ
110a4 སེམས་ཏེ། གང་དག་དེ་བཞིན་གཤེགས་པ་ཡོན་ཏན་ཐམས་ཅད་དང་ལྡན་པ་འདི་ལྟ་བུ་མཐོང་ནས་བྱང་ཆུབ་ཀྱི་སེམས་སྐྱེད་པར་མི་བྱེད་པ་དེ་དག་ནི་རྙེད་པ་ཉེས་པར་རྙེད་པའོ་སྙམ་མོ།། དེ་ནས་བཅོམ་ལྡན་འདས་ཁྱེའུ
110a5 རིན་ཆེན་བྱིན་གྱི་སྒོ་དྲུང་དུ་གཤེགས་སོ། ། དེ་ནས་ཁྱེའུ་རིན་ཆེན་བྱིན་འདི་སྙམ་དུ་སེམས་ཏེ།། སེམས་ཅན་ཁྱད་པར་ཅན་འདི་ལྟ་བུ་ནི་བསྐལ་པ་བྱེ་བ་ཕྲག་འབུམ་དུ་ཡང་རྙེད་པར་དཀས།། ཁང་བཟངས་འདི་ལས
110a6 བདག་གིས་མཆོད་པར་བྱའོ་སྙམ་མོ། ། དེ་ནས་དེའི་ཚེ་ཁྱེའུ་རིན་ཆེན་བྱིན་གྱིས་རིལ་གྱིས་གསེར་ལས་བྱས་པའི་པད་མ་མདབ་མ་འབུམ་དང་ལྡན་པ་བརྩོན་པ་ལག་མཐིལ་དུ་ཁྱེར་རོ།། དེ་ནས་ཁྱེའུ་རིན་ཆེན་བྱིན་གྱིས
110a7 ཁང་བཟངས་དེ་ལས་བདག་ཉིད་ཀྱིས་མཆོངས་སོ། ། དེ་སངས་རྒྱས་ཀྱི་མཐུས་ནམ་མཁའི་བར་སྣང་ལ་འདུག་གོ། དེ་ནས་ཁྱེའུ་རིན་ཆེན་བྱིན་གྱིས་རིལ་གྱིས་གསེར་ལས་བྱས་པའི་པད་མ་འདབ་མ་འབུམ་དང་ལྡན་པ་དེ
110a8 བཅོམ་ལྡན་འདས་ལ་ཕུལ་ལོ། ། དེ་ཁྱེའུ་རིན་ཆེན་བྱིན་གྱི་ལག་ནས་བཏང་ནས་བཅོམ་ལྡན་འདས་ཀྱི་དབུའི་དྲང་ཐད་ཀྱི་སྟེང་གི་ནམ་མཁའ་བར་སྣང་ལ་པད་མའི་གདུགས་སུ་བྱས་ཏེ་རིན་པོ་ཆེའི་དྲ་བ་ཡང་བྲེས་སོ།། དེ་ནས
iiif viewer powered by OpenSeadragon
