| e-texts navigator |
| Wylie |
209b1 གཤེགས་པའི་ཡེ་ཤེས་ཀྱིས་མཁྱེན་ཏེ། དེ་ལ་དེ་བཞིན་གཤེགས་པ་ལ་ནི་དབང་པོ་ཐམས་ཅད་སོ་སོར་སྣང་ངོ་།། དེའི་རྗེས་སུ་འབྲེལ་བ་ནི་བྱང་ཆུབ་སེམས་དཔའ་ལ་སོ་སོར་སྣང་སྟེ། དེ་ནི་སྤོབས་པོས་སོ་ཡང་དག་པར
209b2 རིག་པ་ཞེས་བྱའོ། ། རྣམ་པར་འཕྲུལ་པའི་རྒྱལ་པོ་དེ་ལ་དོན་སོ་སོ་ཡང་དག་པར་རིག་པ་གང་ཡིན་པ་དང་། ཆོས་སོ་སོ་ཡང་དག་པར་རིག་པ་གང་ཡིན་པ་དང་། ངེས་པའི་ཚིག་སོ་སོ་ཡང་དག་པར་རིག་པ་གང་ཡིན་པ
209b3 དང་། སྤོབས་པ་སོ་སོ་ཡང་དག་པར་རིག་པ་གང་ཡིན་པ་དང་། བྱང་ཆུབ་སེམས་དཔའི་སོ་སོ་ཡང་དག་པར་རིག་པ་དེ་དག་ཐམས་ཅད་ཀྱི་རྩ་བ་ནི་ཤེས་རབ་ཡིན། གཞི་ཤེས་རབ་ཡིན།། ཤེས་རབ་ཏུ་ཡང་དག་པར་འདུ་བ་ཡིན
209b4 ཏེ། བྱང་ཆུབ་སེམས་དཔའ་ཤེས་རབ་ཅན་ནི་རྣམ་པར་འཕྲུལ་པ་འདི་དག་དང་། གཞན་དག་ཀྱང་རྣམ་པར་བྱེད་དོ།། བཅོམ་ལྡན་འདས་ཤེས་རབ་ཀྱི་རྩ་བ་གང་ལགས། གཞི་གང་ལགས། ཡང་དག་པར་འདྲ་བ་གང་ལགས།
209b5 རྣམ་པར་འཕྲུལ་པའི་རྒྱལ་པོ་ཤེས་རབ་ཀྱིས་རྩ་བ་ཐོས་པ། གཞི་ཐོས་པ། ཐོས་པར་ཡང་དག་པར་འདྲ་བའོ།། ཐོས་པའི་རྩ་བ་གང་ལགས། གཞི་གང་ལགས། ཡང་དག་པར་འདུ་བ་གང་ལགས། རྣམ་པར་འཕྲུལ་པའི་རྒྱལ་པོ
209b6 ཐོས་པའི་རྩ་བ་ནི་དགེ་བའི་བཤེས་གཉེན་ཡིན། གཞི་དགེ་བའི་བཤེས་གཉེན་ཡིན། ཡང་དག་པར་འདུ་བ་དགེ་བའི་བཤེས་གཉེན་ཡིན་ནོ།། དགེ་བའི་བཤེས་གཉེན་གྱི་རྩ་བ་གང་ལགས། གཞི་གང་ལགས། ཡང་དག་པར
209b7 འདྲ་བ་གང་ལགས། རྣམ་པར་འཕྲུལ་པའི་རྒྱལ་པོ་དགེ་བའི་བཤེས་གཉེན་གྱི་རྩ་བ་ནི་གུས་པ་ཡིན། གཞི་ནི་གུས་པ་ཡིན། ཡང་དག་པར་འདྲ་བ་ཡང་གུས་པ་ཡིན་ནོ།། གུས་པའི་རྩ་བ་གང་ལགས། གཞི་གང་ལགས།
209b8 ཡང་དག་པར་འདུ་བ་གང་ལགས། རྣམ་པར་འཕྲུལ་པའི་རྒྱལ་པོ་གུས་པའི་རྩ་བ་ནི་ལྷག་པའི་བསམ་པ་ཡིན། གཞི་ནི་ལྷག་པའི་བསམ་པ་ཡིན། ཡང་དག་པར་འདུ་བ་ཡང་ལྷག་པའི་བསམ་པ་ཡིན་ནོ།། ལྷག་པའི
iiif viewer powered by OpenSeadragon
