| e-texts navigator |
| Wylie |
209a1 ཡང་དག་པར་སོ་སར་སྣང་ངོ་། ། མདོའི་སྒྲ་དབྱངས་ལ་མོས་པ་རྣམས་ལ་མདོའི་སྒྲ་དབྱངས་སོ་སོར་སྣང་ངོ་།། དེ་བཞིན་དུ་དབྱངས་ཀྱིས་བསྙད་པ་དང་། ལུང་བསྟན་པ་དང་། ཚིགས་སུ་བཅད་པ་དང་། ཆེད་དུ་བརྗོད་པ་དང་།
209a2 རྟོགས་པ་བརྗོད་པ་དང་། དེ་ལ་བུ་བྱུང་བ་དང་། སྐྱེས་པའི་རབས་དང་། ཤིན་ཏུ་རྒྱས་པ་དང་། རྨད་དུ་བྱུང་བ་དང་། ཆོས་གཏན་ལ་བབ་པར་བསྟན་པ་ལ་མོས་པ་རྣམས་ལ་དེ་བཞིན་དུ་སོ་སོར་སྣང་།། སྔོན་གྱི་སྦྱོར་བ་ལ་མོས་པ
209a3 རྣམས་ལ་སྔོན་གྱི་སྦྱོར་བ་རྣམས་སོ་སོར་སྣང་ངོ་། ། སེམས་ཅན་ཐམས་ཅད་ཀྱི་དབང་པོ་རྣམས་སོ་སོར་སྣང་སྟེ། དད་པ་དང་ལྡན་པ་རྣམས་ལ་དད་པའི་དབང་པོ། བརྩོན་འགྲུས་བརྩམས་པ་རྣམས་ལ་བརྩོན་འགྲུས་ཀྱི
209a4 དབང་པོ། ། དྲན་པ་དང་ལྡན་པ་རྣམས་ལ་དྲན་པའི་དབང་པོ། ཏིང་ངེ་འཛིན་དང་ལྡན་པ་རྣམས་ལ་ཏིང་ངེ་འཛིན་གྱི་དབང་པོ། ཤེས་རབ་ཅན་རྣམས་ལ་ཤེས་རབ་ཀྱི་དབང་པོ་སོ་སོར་སྣང་ངོ་།། འདོད་ཆགས་སྤྱོད་པ་ཉི་ཁྲི་ཆེག
209a5 སྟང་ཡོད་པ་དེ་དག་གི་དབང་པོ་བརྒྱད་ཁྲི་བཞི་སྟོང་དེ་བཞིན་གཤེགས་པའི་ཡེ་ཤེས་ཀྱིས་མཁྱེན་ཏེ། དེ་ལ་དེ་བཞིན་གཤེགས་པ་ལ་ནི་དབང་པོ་ཐམས་ཅད་སོ་སོར་སྣང་ངོ་།། དེའི་རྗེས་སུ་འབྲེལ་བ་ནི་བྱང་ཆུབ་སེམས་དཔའ
209a6 ལ་སོ་སོར་སྣང་ངོ་། ། ཞེ་སྡང་སྤྱོད་པ་ཉི་ཁྲི་ཚིག་སྟོང་ཡོད་པ་དེ་དག་གི་དབང་པོ་བརྒྱད་ཁྲི་བཞི་སྟོང་དེ་བཞིན་གཤེགས་པའི་ཡེ་ཤེས་ཀྱིས་མཁྱེན་ཏེ། དེ་ལ་དེ་བཞིན་གཤེགས་པ་ལ་ནི་དབང་པོ་ཐམས་ཅད་སོ་སོར་སྣང་ངོ་།།
209a7 དེའི་རྗེས་སུ་འབྲེལ་བ་ནི་བྱང་ཆུབ་སེམས་དཔའ་ལ་སོ་སོར་སྣང་ངོ་།། གཏི་མུག་སྤྱོད་པ་ཉི་ཁྲི་ཚིག་སྟོང་ཡོད་པ་དེ་དག་གི་དབང་པོ་བརྒྱད་ཁྲི་བཞི་སྟོང་དེ་བཞིན་གཤེགས་པའི་ཡེ་ཤེས་ཀྱིས་མཁྱེན་ཏེ། དེ་ལ་དེ་བཞིན
209a8 གཤེགས་པ་ལ་ནི་དབང་པོ་ཐམས་ཅད་སོ་སོར་སྣང་ངོ་། ། དེའི་རྗེས་སུ་འབྲེལ་བ་ནི་བྱང་ཆུབ་སེམས་དཔའ་ལ་སོ་སོར་སྣང་ངོ་།། ཆ་མཉམ་པ་ལ་སྤྱོད་པ་ཉི་ཁྲི་ཆིག་སྟོང་ཡོད་པ་དེ་དག་གི་དབང་པོ་བརྒྱད་ཁྲི་བཞི་སྟོང་དེ་བཞིན
iiif viewer powered by OpenSeadragon
