| e-texts navigator |
| Wylie |
208b1 ཚངས་པ་དང་། འཇིག་རྟེན་སྐྱོང་བའི་གདགས་པ་ཤེས་པ་དང་། ཚིག་ཅིག་དང་། གཉིས་དང་། ཚིག་མང་པོ་རྣམས་དང་། མདོར་བསྡུས་པའི་ཚིག་བླ་དགས་དང་། སྤྲོས་པའི་ཚིག་བླ་དགས་དང་། སྐྱེས་པ་དང་། བུད་མེད་དང་།
208b2 མ་ནིང་གི་ཚིག་བླ་དགས་དང་། འདས་པ་དང་། མ་འོངས་པ་དང་། ད་ལྟར་བྱུང་བའི་ཚིག་བླ་དགས་ཤེས་པ་དང་། ཆོས་རྣམས་ཇི་ལྟར་གདགས་པར་བྱ་བ་དང་། གདགས་པ་གང་གིས་སེམས་ཅན་གཞན་གྱི་སེམས་ཀྱི་རྒྱུད
208b3 ལ་གདགས་པ་དེ་བཞིན་དུ་རྟོགས་ཤིང་འདོགས་སོ། ། རང་གི་ངེས་པའི་ཚིག་གིས་གཞན་གྱི་ངེས་པའི་ཚིག་འཁྲུག་པར་ཡང་མི་བྱེད་ཅིང་རློམ་སེམས་སུ་ཡང་མི་བྱེད་དོ།། དེ་ཅིའི་ཕྱིར་ཞེ་ན། དེས་ཆོས་ཐམས་ཅད་ངེས་པའི་ཕྱིར་རོ།།
208b4 དེ་འདི་སྙམ་དུ་གདགས་པ་གང་གིས་ཆོས་གང་གདགས་པའི་ཆོས་དེ་གདགས་པ་དེ་ལ་ཡོད་པ་མ་ཡིན། གད་གིས་གདགས་པའི་གདགས་པ་དེ་ཡང་ཆོས་དེ་ལ་ཡོད་པ་མ་ཡིན་ནོ།། སྙམ་དུ་སེམས་དཔའ་འདི་ནི་ངེས་པའི་ཚིག་ཅེས་བྱའོ།།
208b5 ངེས་པའི་ཚིག་གི་སྒྲ་འདི་གལ་ཏེ་ཡང་དག་པའི་ངེས་པའི་ཚིག་ཡིན་དུ་ཟིན་ན། དགེ་བའི་ཆོས་ཀྱི་ངེས་པའི་ཚིག་ལ་མི་དགེ་བའི་ཆོས་ཀྱི་ངེས་པའི་ཚིག་ཏུ་མི་འགྱུར་རོ།། དེ་བས་ན་ངེས་པའི་ཚིག་འདི་ངེས་པར་འབྱུང་བ
208b6 ཡིན་པར་ཤེས་པར་བྱའོ། ། ངེས་པའི་ཚིག་སོ་སོ་ཡང་དག་པར་རིག་པ་ཞེས་བྱ་བ་ནི་གང་གདགས་པའི་ཚིག་ཐམས་ཅད་ལ་ཆོས་རྟོགས་པའོ།། དེ་ཅིའི་ཕྱིར་ཞེ་ན། ཆོས་ཐམས་ཅད་ཤིན་ཏུ་རྟོགས་པའི་ཕྱིར་ཆོས་རྣམས
208b7 མི་རྟོགས་སོ། ། གང་དེ་ལྟར་རྟོགས་པའི་རྟོགས་པ་དེའི་གདགས་པ་དང་བཤད་པ་དེ་ནི་ངེས་པའི་ཚིག་སོ་སོ་ཡང་དག་པར་རིག་པ་ཞེས་བྱའོ།། དེ་ལ་སྤོབས་པ་སོ་སོ་ཡང་དག་པར་རིག་པ་གང་ཞེ་ན། གང་གི་ཕྱིར་དེ་ལ་ཡི
208b8 གེ་ཐམས་ཅད་སོ་སོར་སྣང་བ་དང་། སྐྲ་ཐམས་ཅད་སོ་སོར་སྣང་བ་དང་། མིང་བསྟན་པ་ཐམས་ཅད་སོ་སོར་སྣང་བའོ།། ཇི་ལྟར་སོ་སོར་སྣང་ཞེ་ན། གསལ་བ་ཉིད་དུ་སོ་སོར་སྣང་། ཆོས་སུ་སོ་སོར་སྣང་། འདུལ་བར་སོ་སོར་སྣང
iiif viewer powered by OpenSeadragon
