| e-texts navigator |
| Wylie |
208a1 ལེན་ཅིང་སྟོན་པའོ། ། དེ་ལ་དོན་སོ་སོ་ཡང་དག་པར་རིག་པ་གང་ཞེ་ན། ཚིག་འབྲུ་བཤད་པ་ཐམས་ཅད་དོན་ཉིད་ལ་རྟོན་པ་ཡིན་གྱི། ཚིག་འབྲུ་ལ་རྟོན་པ་མ་ཡིན་པ་ཏེ། དོན་ཅེས་བྱ་བ་ནི་ཆོས་ཐམས་ཅད་ཡང་དག་པ
208a2 དུའདུ་ཤེས་པའོ། ། དོན་ཅེས་བྱ་བ་ནི་འདི་ལྟ་སྟེ། བརྗོད་དུ་མེད་པའི་དོན་དང་། བརྗོད་ངེས་པ་མེད་ཅིང་ཚིག་འབྲུ་ཐ་དད་པ་མེད་པ་ཉིད་དང་། སྔོན་གྱི་མཐའ་དང་། ཕྱི་མའི་མཐའི་སྒྲ་ལས་དབེན་པ་ཉིད་དང་། ད་ནི་དོན་ཅེས་བྱའོ།། ཚིག་འབྲུ་སྩལ
208a3 བའི་དོན་ལ་ནི་རྟེན་པར་མི་བྱའོ། ། གང་ཚིག་འབྲུ་མཉམ་པ་དེ་ནི་དོན་ཡིན་ཏེ། དེ་ནི་དོན་སོ་སོ་ཡང་དག་པར་རིག་པ་ཞེས་བྱའོ།། དོན་ཐམས་ཅད་ཡང་དག་པར་རིག་པ་ནི་དོན་སོ་སོ་ཡང་དག་པར་རིག་པ་ཞེས་བྱའོ།། དེ་ལ་ཆོས
208a4 སོ་སོ་ཡང་དག་པར་རིག་པ་གང་ཞེ་ན། དེ་ལ་ཆོས་ལ་རྟོན་པ་ཡིན་གྱི། ཆོས་མ་ཡིན་པ་ལ་མི་རྟོན་ཏེ། ཆོས་ལ་རྟོན་པ་ལ་ཆོས་མ་ཡིན་པ་སྣང་བར་ཡང་མི་འགྱུར་རོ།། དེ་ཅིའི་ཕྱིར་ཞེ་ན། དེས་ནི་ཆོས་ཐམས་ཅད་མིང་དུ་བརྗོད་པ
208a5 ལས་དབེན་པར་ཤེས་པའི་ཕྱིར་རོ། ། ཆོས་སོ་སོ་ཡང་དག་པར་རིག་པ་ཞེས་བྱ་བ་ནི་ཐེག་པ་ཐ་དད་པ་དང་། ཆོས་ཐ་དད་པར་ཡང་འཚལ་ལ། ཆོས་ཀྱི་དབྱིངས་ཀྱི་མཚན་ཉིད་ཐ་དད་པར་ཡང་མི་བྱེད་པ་གང་ཡིན་པའོ།། དེ་ཅིའི
208a6 ཕྱིར་ཞེ་ན། འདི་ལྟ་སྟེ། ཆོས་ཀྱི་དབྱིངས་ནི་མཚན་ཉིད་མེད་པར་མཚན་ཉིད་གཅིག་པའི་ཕྱིར་རོ།། དེ་བརྗོད་པ་གང་གིས་ཆོས་རྣམས་བརྗོད་པ་དེ་བྲག་ཅའི་སྒྲ་དང་མཚུངས་པ་ཉིད་དུ་འཇུག་གོ།། ཆོས་གང་དག་ཡོངས་སུ
208a7 བརྗོད་པ་དེ་དག་ཀྱང་ཆོས་ཀྱི་དབྱིངས་དང་མཉམ་པར་ཤེས་ལ་ཤེས་པ་དང་ཐ་སྙད་ལ་ཐོགས་པ་མེད་པ་དེ་ནི་ཆོས་སོ་སོ་ཡང་དག་པར་རིག་པ་ཞེས་བྱའོ། ། དེ་ལ་ངེས་པའི་ཚིག་སོ་སོ་ཡང་དག་པར་རིག་པ་གང་ཞེ
208a8 ན། གང་ལྷའི་གདགས་པ་ཤེས་པ་དང་། ཀླུ་དང་། གནོད་སྦྱིན་དང་དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པའི་གདགས་པ་ཤེས་པ་དང་། བརྒྱ་བྱིན་དང་།
iiif viewer powered by OpenSeadragon
