| e-texts navigator |
| Wylie |
207b1 ནི་དམ་པའི་ཆོས་ཡོངས་སུ་འཛིན་པ་མ་ཡིན། ། ཁ་ན་མ་ཐོ་བ་ད་ཅས་པ་དང་། ཁ་ན་མ་ཐོ་བ་མེད་པ་དང་། ཟག་པ་དང་བཅས་པ་དང་། ཟག་པ་མེད་པ་དང་། འཇིག་རྟེན་པ་དང་། འཇིག་རྟེན་ལས་འདས་པའི་ཆོས་ཡོངས་སུ
207b2 འཛིན་པ་ནི་དམ་པའི་ཆོས་ཡོངས་སུ་འཛིན་པ་མ་ཡིན། ། སྦྱིན་པའི་མཚན་མ་ཡོངས་སུ་འཛིན་པ་ནི་དམ་པའི་ཆོས་ཡོངས་སུ་འཛིན་པ་མ་ཡིན། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས
207b3 རབ་ཀྱི་མཚན་མ་ཡོངས་སུ་འཛིན་པ་ནི་དམ་པའི་ཆོས་ཡོངས་སུ་འཛིན་པ་མ་ཡིན་ནོ། ། དེ་ཅིའི་ཕྱིར་ཞེ་ན། ཇི་ཙམ་དུ་མཚན་མ་དང་དམིགས་པ་མེད་པ་འབྱུང་བ་དེ་ཙམ་དུ་ཆོས་མ་ཡིན། འདུལ་བ་མ་ཡིན་པའི་ཕྱིར་ཏེ། གང
207b4 འཛིན་པ་ཐམས་ཅད་གཏོང་ཞིང་འཇུག་པ་དང་། མི་འཇུག་པ་དང་། སྨོན་པ་དང་། མཚན་མ་དང་། དམིགས་པ་ཡོངས་སུ་འཛིན་པ་འདི་ནི་དམ་པའི་ཆོས་ཡོངས་སུ་འཛིན་པའོ།། དེ་ཅིའི་ཕྱིར་ཞེ་ན། དེ་བཞིན་གཤེགས་པས
207b5 ཆོས་རྣམས་མཚན་མ་མེད་པ་དང་། དམིགས་པ་མེད་པར་མངོན་པར་རྫོགས་པར་སངས་རྒྱས་པའི་ཕྱིར་ཏེ། དེ་མཚན་མེ་དང་དམིགས་པ་དག་གིས་ཡོངས་སུ་གཟུང་བར་མི་ནུས་སོ།། གང་དེ་ལྟར་བྱང་ཆུབ་སེམས
207b6 དཔའི་ལས་ཤེས་པ་དེ་ནི་ཡེ་ཤེས་སོ། ། ཡེ་ཤེས་དེས་བྱང་ཆུབ་སེམས་དཔའི་བྱ་བ་ཐམས་ཅད་ཀྱང་བྱེད་ལ། གང་ཟད་པར་ཡང་མི་འགྱུར་བ་དེ་ནི་ཤེས་པའི་རྣམ་པར་འཕྲུལ་པ་ཞེས་བྱའོ།། །
207b7 འཕགས་པ་རྣམ་པར་འཕྲུལ་པའི་རྒྱལ་པོས་ཞུས་པ།། བམ་པོ་གསུམ་པ། རྣམ་པར་འཕྲུལ་པའི་རྒྱལ་པོ་དེ་ལ་ཤེས་རབ་ཀྱི་རྣམ་པར་འཕྲུལ་པ་གང་ཞེ་ན། ཆོས་རྣམ་པར་འབྱེད་པ་ཚིག་རབ་ཏུ་དབྱེ་བ
207b8 དང་། སོ་སོ་ཡང་དག་པར་རིག་པ་བཞི་པོ་འདི་ལྟ་སྟེ། དོན་སོ་སོ་ཡང་དག་པར་རིག་པ་དང་། ཆོས་སོ་སོ་ཡང་དག་པར་རིག་པ་དང་། ངེས་པའི་ཚིག་སོ་སོ་ཡང་དག་པར་རིག་པ་དང་། སྤོབས་པ་སོ་སོ་ཡང་དག་པར་རིག་པ་ཉེ་བར
iiif viewer powered by OpenSeadragon
