| e-texts navigator |
| Wylie |
207a1 ཐར་བར་བྱས་ནས་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་བཟླའོ་སྙམ་དུ་གང་རློམ་སེམས་སུ་བྱེད་ཅིང་རྣམ་པར་རྟོག་པ་དེ་དག་ཐམས་ཅད་ནི་ང་རྒྱལ་གྱི་། རྣམ་པབ་སུལ
207a2 པའི་རྒྱལ་པོ་ཇི་ཙམ་དུ་ཡིད་ཉེ་བར་སྤྱོད་པ་དང་། སེམས་མཐོ་བ་དང་དམའ་བ་དང་། རྣམ་པར་ཤེས་པར་བརྟགས་པ་དེ་ཙམ་དུ་ང་རྒྱལ་གྱི་ལས་སོ།། རྣམ་པར་འཕྲུལ་པའི་རྒྱལ་པོ་དེ་ལ་ཡེ་ཤེས་ཀྱི་ལས་གང་ཞེ་ན། གང་ལ་ཡིད་ཀྱི་ཉེ་བར
207a3 སྤྱོད་པ་མེད། སེམས་ཀྱི་མེད། རྣམ་པར་ཤེས་པའི་མེད་པ་དེ་ནི་ཡེ་ཤེས་ཀྱི་ལས་ཏེ། དེ་ཡེ་ཤེས་ཀྱིས་བྱས་པའི་ལས་རྣམས་ཀྱང་བྱེད་དོ།། བྱང་ཆུབ་སེམས་དཔའི་ལས་གང་ཞེ་ན། གང་བྱང་ཆུབ་སེམས་དཔས་བྱ་བ་སྟེ། བྱང་ཆུབ
207a4 སེམས་དཔའི་ལས་ནི་རྣམ་པ་གཉིས་སོ། ། གཉིས་གང་ཞེ་ན། འདི་ལྟ་སྟེ། སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་། དམ་པའི་ཆོས་ཡོངས་སུ་གཟུང་བའོ།། དེ་བདག་ཇི་ལྟར་ཤེས་པ་དེ་བཞིན་དུ་སེམས་ཅན་ཡོངས་སུ
207a5 སྨིན་པར་བྱེད་དེ། བདག་ཀྱང་ཇི་ལྟར་ཤེས་ཤེ་ན། བདག་ནི་གནས་མེད་པར་ཤེས་ཏེ། གང་བདག་གནས་མེད་པར་ཤེས་པ་དེ་ལ་ཡང་ཡིད་མེད།། རྣམ་པར་ཤེས་པ་མེད། སེམས་མེད། དེ་དེ་ལྟར་སེམས་ཅན་རྣམས
207a6 ཡོངས་སུ་སྨིན་པར་བྱེད་དོ། ། དམ་པའི་ཆོས་ཀྱང་ཇི་ལྟར་ཡོངས་སུ་འཛིན་ཅེ་ན། གང་ཆོས་ཐམས་ཅད་ཡོངས་སུ་འཛིན་པ་མེད་པ་སྟེ། འདི་ནི་དམ་པའི་ཆོས་ཡོངས་སུ་འཛིན་པའོ།། གཟུགས་ཡོངས་སུ་འཛིན་པ་ནི།
207a7 དམ་པའི་ཆོས་ཡོངས་སུ་འཛིན་པ་མ་ཡིན།། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཡོངས་སུ་འཛིན་པ་ནི་དམ་པའི་ཆོས་ཡོངས་སུ་འཛིན་པ་མ་ཡིན།། དེ་བཞིན་དུ་ཁམས་ཡོངས་སུ་འཛིན
207a8 པ་དང་། སྐྱེ་མཆེད་ཡོངས་སུ་འཛིན་པ་དང་། མིང་དང་གཟུགས་ཡོངས་སུ་འཛིན་པ་ནི་དམ་པའི་ཆོས་ཡོངས་སུ་འཛིན་པ་མ་ཡིན། དགེ་བ་དང་། མི་དགེ་བའི་ཆོས་ཡོངས་སུ་འཛིན་པ་ནི་དམ་པའི་ཆོས་ཡོངས་སུ་འཛིན་པ
iiif viewer powered by OpenSeadragon
