| e-texts navigator |
| Wylie |
205a1 པར་རྟོགས་པ་གང་གིས་རང་སངས་རྒྱས་ཀྱི་རྣམ་པར་གྲོལ་བ་ལ་རག་པར་བྱེད་ཅིང་། བདེན་པ་མངོན་པར་རྟོག་པ་དེ་ཉིད་བྱང་ཆུབ་སེམས་དཔའ་མངོན་པར་རྟོགས་པར་བྱས་ནས། རྣམ་པར་གྲོལ་བ་ལ་རེག་པར་ཡང་མི་བྱེད་པ་འདུན།
205a2 དེའི་སྐྱེ་བ་མེད་པའི་རྣམ་པར་འཕྲུལ་པ་ཡིན་མོད་ཀྱི། བདེན་པ་ཤེས་པ་ཞེས་བྱ་བ་ནི་གང་ཡང་དག་པ་མ་ཡིན་པ་མེད་པ་སྡུག་བསྔལ་ཡོངས་སུ་ཤེས་པའོ།། དེའི་ཡོངས་སུ་ཤེས་པ་གང་ཞེ་ན། ཕྱིན་ཅི་ལོག་ཏུ་སྐྱེ་བའི་ཕྱིར་དེ་ཡོད་པ
205a3 མ་ཡིན་ཞིང་མེད་ལ། དེ་ལ་དངོས་པོ་ཡོད་པ་མ་ཡིན་གྱི། དངོས་པོ་མེད་པར་ཤེས་པ་སྟེ། གང་གི་ཚེ་སྡུག་བསྔལ་སྐྱེ་བ་མེད་ཅིང་འབྱུང་བ་མེད་པར་ཤེས་པ་དེ་ནི་སྡུག་བསྔལ་ཡོངས་སུ་ཤེས་པའོ།། དེ་ལ་ཀུན་འབྱུང་བ་ཡོངསུ་ཤེས
205a4 པ་གང་ཞེ་ན། ཆོས་རྣམས་ཇི་ལྟར་ཀུན་དུ་འབྱུང་བ་དེ་བཞིན་དུ་སྤོང་བའོ།། ཇི་ལྟར་ཀུན་ཏུ་འབྱུང་ཞེ་ན། ཀུན་ཏུ་འབྱུང་བ་ཞེས་བྱ་བ་ནི་ཀུན་ཏུ་བྱུང་མ་ཐག་ཏུ་འོང་བ་མེད་པར་སྤོང་བ་དང་ཀུན་ཏུ་འབྱུང་བ་ལ་འགྲོ་བ་མེད་པར་སྤོང་བ
205a5 འདི་ནི་ཆོས་རྣམས་ཀྱི་ཚུལ་ཏེ། འདི་ལ་སྤོང་བར་འགྱུར་བའི་ཆོས་གང་ཡང་བྱུང་བ་མེད་དེ། སྲེད་པ་བག་ལ་ཉལ་གང་གིས་སྲིད་པར་བྱུང་བའི་སྲེད་པ་བག་ལ་ཉལ་དེ་སྤངས་པ་ཞེས་བྱའོ།། དེ་ལ་སྡུག་བསྔལ་འགོག་པ་གང་ཞེ
205a6 ན། གང་སྡུག་བསྔལ་དང་། ཀུན་འབྱུང་བ་གཉིས་ཤིན་ཏུ་འགག་ཅིང་ཆོས་གང་ཡང་འཇིག་པ་མེད་པ་དེ་ནི་འགོག་པ་ཞེས་བྱའོ།། འགོག་པ་ཞེས་བྱ་བའི་གང་མཚན་མར་དམིགས་པ་ཐམས་ཅད་འགོག་པ་སྟེ། དེ་ལྟར
205a7 ཆོས་རྣམས་ཀྱི་ངོ་བོ་ཉིད་འགག་པས་སྐྱེ་བར་ཡང་མི་བྱེད། འགོག་པར་ཡང་མི་བྱེད་པ་དེ་ནི་འགོག་པ་ཞེས་བྱའོ།། དེ་ལ་ལམ་གང་ཞེ་ན། ལམ་གང་གིས་ཆོས་ཐམས་ཅད་བཙལ་ན་དགེ་བ་དང་། མི་དགེ་བ་དང་། ཟག་པ
205a8 དང་། བཅས་པ་འམ། ཟག་པ་མེད་པ་འམ། ཁ་ན་མ་ཐོ་བ་དང་བཅས་པ་དང་། ཁ་ན་མ་ཐོ་བ་མེད་པ་འམ། འདུས་བྱས་དང་། འདུས་མ་བྱས་སམ། འཇིག་རྟེན་པ་དང་། འཇིག་རྟེན་ལས་འདས་པ་དག་མི་དམིགས་པ་དེ་ནི
iiif viewer powered by OpenSeadragon
