| e-texts navigator |
| Wylie |
204a1 འཕྲུལ་བའི་རྒྱལ་པོ་བྱང་ཆུབ་སེམས་དཔའ་གང་ཆོས་རྣམས་ལ་དེ་ལྟར་མཐོང་བ་དེས་དེ་བཞིན་གཤེགས་པ་མཐོང་སྟེ། གཟུགས་སུ་མཐོང་བ་མ་ཡིན། ཚོར་བ་མ་ཡིན་འདུ་ཤེས་སུམ་ཡིན། འདྲ་བྱེད་རྣམས་སུ
204a2 མ་ཡིན། རྣམ་པར་ཤེས་པར་མཐོང་བ་མ་ཡིན། མཚན་དང་དཔེ་བྱད་བཟང་པོར་མ་ཡིན། ཆོས་ཀྱི་དབྱིངས་སུ་མ་ཡིན།། ཚུལ་ཁྲིམས་སུ་མཐོང་བ་མ་ཡིན། ཏིང་ངེ་འཛིན་དུ་མ་ཡིན།། ཤེས་རབ་ཏུ་མ་ཡིན། རྣམ་པར་གྲོལ་བ་མ
204a3 ཡིན། རྣམ་པར་གྲོལ་བའི་ཡེ་ཤེས་མཐོང་བ་མ་ཡིན། འདས་པར་ཡང་མ་ཡིན། མ་འོངས་པར་ཡང་མ་ཡིན། ད་ལྟར་ཟུང་བར་མཐོང་བ་མ་ཡིན་ཏེ། གང་དེ་ལྟར་མཐོང་བ་དེ་ནི་དེ་བཞིན་གཤེགས་པ་མཐོང་བའོ།། དེ་ནས་བཅོམ་ལྡན
204a4 འདས་ལ་བྱང་ཆུབ་སེམས་དཔའ་རྣམ་པར་འཕྲུལ་པའི་རྒྱལ་པོ་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་གང་ཆོས་འདི་རྣམས་མཐོང་བས་དེས་དེ་བཞིན་གཤེགས་པ་མཐོང་བར་འགྱུར་བའི་རྣམ་གྲངས་མཆིས་ལགས་སམ།
204a5 བཅོམ་ལྡན་འདས་ཀྱིས་བཀའ་སྩལ་པ། རྣམ་པར་འཕྲུལ་པའི་རྒྱལ་པོ་ཡོད་དོ།། དེ་ཅིའི་ཕྱིར་ཞེ་ན། གཟུགས་ནི་ཟད་པའི་མཚན་ཉིད། སྐྱེ་བ་མེད་པའི་རང་བཞིན་ཅན་ཏེ། གང་གཟུགས་དེ་ལྟར་མཐོང་བ་དེ་ནི་དེ་བཞིན་གཤེགས་པ་མཐོང་།
204a6 བའོ།། ཚོར་བ་དང་འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་ཟད་པའི་མཚན་ཉིད། སྐྱེ་བ་མེད་པའི་རང་བཞིན་ཅན་ཏེ། གང་རྣམ་པར་ཤེས་པ་དེ་ལྟར་མཐོང་བ་དེ་ལྟར་མཐོང་བ་ནི་དེ་བཞིན་གཤེགས་པ་མཐོང་བའོ།།
204a7 ཚུལ་ཁྲིམས་ནི་མངོན་པར་འདུ་མི་བྱེད་པའི་མཚན་ཉིད་འདུས་མ་བྱས་པ་སྟེ། གང་ཚུལ་ཁྲིམས་དེ་ལྟར་མཐོང་བ་དེ་ནི་དེ་བཞིན་གཤེགས་པ་མཐོང་བའོ།། ང་ངེ་འཛིན་དེ་ནི་མཉམ་པ་མཐོང་བ་རྣམ་པར་དག་པའོ།། དེ་ལྟར་ངས་དེ་བཞིན
204a8 གཤེགས་པ་མང་མེ་མཛད་ཀྱི་ཚ་མཐོང་བ་རྣམ་པར་དག་གོ། ། དེ་རངས་རྟེན་ཅིང་འབྲེལ་བར་འབྱུང་བ་མཐོང་བས་ཆོས་མཐོང་ཆོས་མཐོང་བས་ཀྱང་དེ་བཞིན་གཤེགས་པ་མཐོང་བར་གྱུར་ཏོ།། དེ་ནས་བྱང་ཆུབ་སེམས་དཔའ་རྣམ་པར
iiif viewer powered by OpenSeadragon
