| e-texts navigator |
| Wylie |
203b1 བར་འབྱུང་བ་ཤེས་པའོ། ། གང་རྟེན་པ་དེ་ནི་མི་གནས་པའོ།། གང་རྟེན་པ་དེ་ནི་སྙིང་པོ་མེད་པ། གང་རྟེན་པ་དེ་ནི་མི་རྟག་པ། གང་རྟེན་པ་དེ་ནི་སྟོང་པ། གང་རྟེན་པ་དེ་ནི་སོང་བ་མེད་པ་འོང་བ་མེད་པ། གང་རྟེན་པ་དེ་ནི་མ་བྱུང་བ། གང
203b2 རྟེན་པ་དེ་ནི་རིལ་པོར་འཛིན་པ་མེད་པ། གང་རྟེན་པ་དེ་ནི་འཇུག་པ་མེད་པ་སྟེ། གང་དེ་ཤེས་པ་དེ་ནི་རྟེན་ཅིང་འབྲེལ་བར་འབྱུང་བ་ཤེས་པའོ།། གང་རྟེན་ཅིང་འབྲེལ་བར་འབྱུང་བ་མཐོང་བ་དེ་ནི་མ་རིག་པ་མི་མཐོང་། འདུ་བྱེད་རྣམས
203b3 མི་མཐོང་། ། རྣམ་པར་ཤེས་པ་མི་མཐོང་། མིང་དང་གཟུགས་མི་མཐོང་། སྐྱེ་མཆེད་དྲུག་མི་མཐོང་། རེག་པ་མ་མཐོང་། ཚ་བ་མི་མཐོང་། སྲེད་པ་མི་མཐོང་ལེན་པ་མི་མཐོང་། སྲད་པ་མི་མཐོང་། སྐྱེ་བ་མི་མཐོང་། རྒ་ཤི་མི་མཐོང་སྟེ། དེ་ལྟར་གང
203b4 ཆོས་རྣམས་ལ་ཚུལ་བཞིན་དུ་མཐོང་བ་དེས་ནི་རྟེན་ཅིང་འབྲེལ་བར་འབྱུང་བ་མཐོང་ངོ་། ། གང་རྟེན་ཅིང་འབྲེལ་བར་འབྱུང་བ་མཐོང་བ་དེས་ནི་ཆོས་མཐོང་ངོ་།། ཆོས་གང་མཐོང་ཞེ་ན། འདོད་ཆགས་དང་བྲལ་བའི་ཆོས་མཐོང་ངོ་།། ཅིའི་ཕྱིར་འདོད་ཆགས
203b5 དང་བྲལ་བ་ཞེ་ན། འདི་ལྟར་དེ་ལས་ཆོས་ཐམས་ཅད་ལ་ཆགས་པའི་ལྟ་བ་དང་བྲལ་བས་དེའི་ཕྱིར་འདོད་ཆགས་དང་བྲལ་བའི་ཆོས་མཐོང་ཞེས་བྱའོ།། ཅི་ནས་ཀྱང་ལྷག་པར་ཡང་མི་བྱེདཁྲི་བར་ཡང་མི་བྱེད་པ་དེ་ལྟར་མཐོང་། ཅི་ནས་ཀྱང་དེ
203b6 ཁོ་ནས་མི་གཡོ་ཞིང་མི་ཆགས་པ་དེ་ལྟར་མཐོང་། ཅི་ནས་ཀྱང་ཆོས་ཀྱི་དབྱིངས་ཐ་དད་པར་མི་འགྱུར་བ་དེ་ལྟར་མཐོང་། ཅི་ནས་ཀྱང་ཡང་དག་པའི་མཐའ་སྐྱོན་མེད་པ་དེ་ལྟར་མཐོང་། ཅི་ནས་ཀྱང་མཐོང་བས་མཐོང་བ་ཡང་མི་མཐོང་བ་དེ
203b7 ལྟར་མཐོང་། ཅི་ནས་ཀྱང་ཤའི་མིག་གིས་མཐོང་བ་ཡང་མ་ཡིན་པ་དང་། ལྷའི་མིག་གིས་མཐོང་བ་ཡང་མ་ཡིན་པ་དང་། ཤེས་རབ་ཀྱི་མིག་གིས་མཐོང་བ་མ་ཡིན་པ་དེ་ལྟར་མཐོང་ངོ་།། དེ་ཅིའི་ཕྱིར་ཞེ་ན། ཤའི་མིག་ནི་བྱེད་པ་མེད་པ་སྟེ།
203b8 བྱེད་པ་མེད་པའི་ཕྱིར་མི་མཐོང་ལྷའི་མིག་ནི་མངོན་པར་འདུས་བྱས་པ་ཡིན་པས་དེས་འདུས་མ་བྱས་པ་མཐོང་བར་སླབ་མ་ཡིན། ཤེས་རབ་ཀྱི་མིག་ནི་རྣམ་པར་མི་རྟོག་པ་སྟེ། རྣམ་པར་མི་རྟོག་པས་མི་མཐོང་བའི་ཕྱིར་རོ།། རྣམ་པར
iiif viewer powered by OpenSeadragon
