| e-texts navigator |
| Wylie |
202a1 ནི། ཆགས་པ་ཡང་མ་ཡིན་ཆགས་པ་མེད་པ་ཡང་མ་ཡིན་ནོ།། དེ་ཅིའི་ཕྱིར་ཞེ་ན། མིག་ནི་རང་བཞིན་གྱིས་ཆགས་པ་མེད་པའི་ཕྱིར་རོ།། རྣམ་པར་འཕྲུལ་པའི་རྒྱལ་པོ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ནི་ཆགས་པ་ཡང་མ
202a2 ཡིན་ཆགས་པ་མེད་པ་ཡང་མ་ཡིནོ། ། དེ་ཅིའི་ཕྱིར་ཞེ་ན། ཡིད་ནི་རང་བཞིན་གྱིས་ཆགས་པ་མེད་པའི་ཕྱིརོ།། རྣམ་པར་འཕྲུལ་པའི་རྒྱལ་པོ་སྐྱེ་མཆེད་ཐམས་ཅད་ལ་གང་དེ་ལྟར་རབ་ཏུ་ཤེས་ཤིང་ཤེས་ནས་ཀྱང་ཆགས་པ་མེད་པ་དེ་ནི་སྐྱེ་མཆེད
202a3 ཤེས་པ་ཞེས་བྱའོ། ། གང་ཕུང་པོ་དང་ཁམས་དང་། སྐྱེ་མཆེད་རྣམས་ལ་དེ་ལྟར་ཤེས་ནས་སྐྱེ་བ་མེད་པ་དང་། འབྱུང་བ་མེད་པ་དང་། ཤིན་དུ་མྱ་ངན་ལས་འདའ་བར་གྱུར་ཀྱང་སྐྱེ་ཞིང་འབྱུང་ལ་ཕུང་པོ་དང་ཁམས་དང་། སྐྱེ་མཆེད་རྣམས་ཀྱང་ཡོངས
202a4 འཛིན་ཅིང་ཕུང་པོ་དང་། ཁམས་དང་། སྐྱེ་མཆེད་རྣམས་ཀྱང་མི་སྤོང་བ་དེ་ནི་དེའི་ཤེས་པའི་རྣམ་པར་འཕྲུལ་པའོ།། གང་ཕུང་པོ་དང་། ཁམས་དང་། སྐྱེད་མཆེད་དག་གི་མཚན་ཉིད་གང་ཡིན་པ་དང་། ངོ་བོ་ཉིད་གང་ཡིན་པ་དེ་དག་རབ་ཏུ་ཤེས་ལ
202a5 དེ་རྣམས་སྤོང་བར་མི་བྱེད་ཅིང་། ཁམས་གསུམ་ན་ཡང་སྣང་ལ། ཉོན་མོངས་པ་དང་ཡང་ལྷན་ཅིག་མི་གནས་ཤིང་སྐྱེ་བ་དང་འབྱུང་བ་དག་ཀྱང་སྟོན་ལ། སྐྱེ་བར་ཡང་མི་འགྱུར། འཆི་འཕོ་བར་ཡང་མི་འགྱུར་བ་དེ་ནི་དེའི་ཤེས་པའི་རྣམས།
202a6 འཕྲུལ་པའོ།། དེ་ལ་བརྟེན་ཅིང་འབྲེལ་བར་འབྱུང་བ་ཤེས་པ་གང་ཞེ་ན། མ་རིག་པ་ནི་འདུ་བྱེད་རྣམས་ཀྱི་རྐྱེན་ཡིན་མོད་ཀྱི་མ་རིག་པ་ཡང་འདི་སྙམ་དུ་བདག་ནི་འདུ་བྱེད་རྣམས་སྐྱེད་དོ་སྙམ་དུ་མི་སེམས། འདུ་བྱེད་རྣམས་ནི་རྣམ་པ
202a7 ཤེས་པའི་རྐྱེན་ཡིན་མོད་ཀྱི། འདུ་བྱེད་རྣམས་ཀྱང་འདི་སྙམ་དུ་བདག་ཅག་ནི་རྣམ་པར་ཤེས་པ་སྐྱེད་དོ་སྙམ་དུ་མི་སེམས། རྣམ་པར་ཤེས་པ་ནི་མིང་དང་གཟུགས་ཀྱིས་རྐྱེན་ཡིན་མོད་ཀྱི། རྣམ་པར་ཤེས་པ་ཡང་འདི་སྙམ་དུ་བདག
202a8 ནིམིང་དང་གཟུགས་སྐྱེད་དོ་སྙམ་དུ་མི་སེམས། མིང་དང་གཟུགས་ནི་སྐྱེ་མཆེད་དྲུག་གི་རྐྱེན་ཡིན་མོད་ཀྱི།། མིང་དང་གཟུགས་ཀྱང་འདི་སྙམ་དུ་བདག་ནི་སྐྱེ་མཆེད་དྲུག་སྐྱེད་དོ་སྙམ་དུ་མི་སེ་མས།། སྐྱེ་མཆེད་དྲུག་ནི་རག་པའི་རྒྱན
iiif viewer powered by OpenSeadragon
