| e-texts navigator |
| Wylie |
201a1 དཔའ་སྔོན་དམ་བཅས་པ་ལས་ཀྱང་མི་འགྱུར་ལ་བྱ་བ་ཐམས་ཅད་ཀྱང་སྟོན་ཏོ། ། རྣམ་པར་འཕྲུལ་པ་ཁྲི་པོ་མ་ང་ཤེས་པའི་རྣམ་པར་འཕྲུལ་པ་གང་ཞེ་ན། འདི་ལྟ་སྟེ། ཕུང་པོ་ཤེས་པ་དང་། ཁམས་ཤེས།
201a2 བ་དང་། སྐྱེ་མཆེད་ཤེས་པ་དང་། རྟེན་ཅིང་འབྲེལ་བར་འབྱུང་བ་དེ་ཤེས་པ་དང་། བདེན་པ་ཤེས་པའོ།། རྣམ་པར་འཕྲུལ་བའི་རྒྱལ་པོ་དེ་ལ་ཕུང་པོ་ཤེས་པ་གང་ཞེ་ན། གཟུགས་སྟོང་པ་དང་། གཟུགས་ཀྱི་སྔོན་གྱི་མཐའ་སྟོང་པ
201a3 དང་། གཟུགས་ཀྱི་ཕྱི་མའི་མཐའ་སྟོང་པ་དང་། གཟུགས་ཀྱི་དབུས་སྟོང་པ་དང་། རྣམ་པར་འཕྲུལ་པའི་རྒྱལ་པོ་དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྟོང་པ་དང་། རྣམ་པར་ཤེས་པའི་སྔོན
201a4 གྱི་མཐའ་སྟོང་པ་དང་། རྣམ་པར་ཤེས་པའི་ཕྱི་མའི་མཐའ་སྟོང་པ་དང་། རྣམ་པར་ཤེས་པའི་དབུས་སྟོང་པ་ཡིན་ཏེ། ཉེ་བར་ལེན་པའི་ཕུང་པོ་ལྔ་པོ་དེ་དག་སྟོང་ཞིང་ཤིན་ཏུ་སྟོང་པར་ཤེས་པ་དེ་ནི་ཕུང་པོ་ཤེས་པ་ཞེས་བྱའོ།། རྣམ་པར
201a5 འཕྲུལ་པའི་རྒྱལ་པོ་དེ་ལ་ཁམས་ཤེས་པ་གང་ཞེ་ན། སའི་ཁམས་ཆོས་ཀྱི་དབྱིངས། ཆུའི་ཁམས་ཆོས་ཀྱི་དབྱིངས། མེའི་ཁམས་ཆོས་ཀྱི་དབྱིངས། རླུང་གི་ཁམས་ཆོས་ཀྱི་དབྱིངས་ཏེ། དེ་ཅིའི་ཕྱིར་ཞེ་ན། ཁམས་བཞི་པོ་དེ་དག་ཐམས
201a6 ཅད་ཆོས་ཀྱི་དབྱིངས་སུ་ཁམས་གཅིག་སྟེ། འདི་ལྟ་སྟེ། ནམ་མཁའི་ཁམས་ཡིན་ལ། ནམ་མཁའི་ཁམས་དང་། ཆོས་ཀྱི་དབྱིངས་དེ་ནི་དབྱིངས་མ་ཡིན་ཏེ། དེ་ནི་སའི་ཁམས་མ་ཡིན། ཆུའི་ཁམས་མ་ཡིན། མེའི་ཁམས་མ་ཡིན
201a7 རླུང་གི་ཁམས་མ་ཡིན་པའི་ཕྱིར་རོ། ། དེ་ཅིའི་ཕྱིར་ཞེ་ན། འགྱུར་བ་མེད་པའི་དབྱིངས་ནི་ཆོས་ཀྱི་དབྱིངས། གཉིས་སུ་མེད་པའི་དབྱིངས་ནི་ཆོས་ཀྱི་དབྱིངས། སྐྱེ་བ་མེད་པའི་དབྱིངས་ནི་ཆོས་ཀྱི་དབྱིངས། ཀུན་ནས་ཉོན་མོངས་པ
201a8 མེད་པའི་དབྱིངས་ནི་ཆོས་ཀྱི་དབྱིངས། ཤིན་ཏུ་རྣམ་པར་དག་པའི་དབྱིངས་ནི་ཆོས་དབྱིངས་ཡིན་པའི་ཕྱིར་ཏེ། ཆོས་ཀྱི་དབྱིངས་ཅི་འདྲ་བ་བདག་གི་དབྱིངས་ཀྱང་དེ་བཞིན། སེམས་ཅན་གྱི་དབྱིངས་ཀྱང་དེ་བཞིན། སྲོག་གི་དབྱིངས་ཀྱང་དེ
iiif viewer powered by OpenSeadragon
