| e-texts navigator |
| Wylie |
198a1 ག་ཡངས་སུ་བཟུང་བའང་ཡང་མ་རྟག་གེ་སྙམ་དུ་སེམས་ཤང་། བདག་ག་ཡོངས་སུ་བཟུང་བ་མ་རྟག་པ་ཉིད་ལ་ཡང་ཏན།། འགྱུར་བ་ལ་ཡང་རྟོན་། འདི་སྙམ་དུ་ཡང་སེམས་ཏེ། ཨོཾ་མའི་འདུ་བྱད་ནང།
198a2 ཅད་ཤིན་ཏུ་མི་རྟག་ན་སེམས་ཅན་རྣམས་རྟག་པར་འདུ་ཤེས་སོ་སྙམ་དུ་དེ་སེམས་ཅན་རྣམས་ལ་སྙིང་རྗེ་ཆེན་པོ་སྐྱེ་ཞིང་དངོས་པོ་ཐམས་ཅད་ལ་མི་ལྟ་བར་འགྱུར་རོ།། རྣམ་པར་འཕྲུལ་བའི་རྒྱལ་པོ་འདི་ནི་བྱང་ཆུབ
198a3 སེམས་དཔའི་མངོན་པར་ཤེས་པའི་རྣམ་པར་འཕྲུལ་པ་བཞི་པ་སྟེ། དངོས་པོ་ཐམས་ཅད་མི་རྟག་པར་ཡང་རྟོགས་ལ། སེམས་ཅན་ཡོངས་སུ་སྨིན་པར་བྱ་བའི་ཕྱིར་སྲིད་པ་རྣམས་སུ་བསམས་བཞིན་དུ་སྐྱེ་བ་དང་།
198a4 ཡོངས་སུ་འཛིན་པ་མེད་པར་བྱ་བའི་ཕྱིར་ཡོངསསུ་བཟུང་བ་ཡོང་སུ་འཛིན་ཅིང་། སེམས་ཅན་རྣམས་ཡོངས་སུ་སྨིན་པར་བྱ་བ་ཉིད་ཀྱི་ཕྱིར་ཉེ་བར་ལེན་པ་མེད་པར་ཉེ་བར་ལེན་ཏོ།། རྣམ་པར་འཕྲུལ་པའི་རྒྱལ་པོ་དེ་ལ་བྱང་ཆུབ
198a5 སེམས་དཔའ་རྣམས་ཀྱི་རྫུ་འཕྲུལ་གྱི་རྣམ་པར་འཕྲུལ་པ་གང་ཞེ་ན། རྣམ་པར་འཕྲུལ་པའི་རྒྱལ་པོ་འདི་ལ་བྱང་ཆུབ་སེམས་དཔའ་འདུན་པ་དང་། བརྩོན་འགྲུས་དང་། སེམས་དང་། དཔྱོད་པ་ལས་སེམས་དཔང་པོའི་རྣམ་པ
198a6 མངོན་པར་བསྒྲུབས་པའི་རྫུ་འཕྲུལ་གྱི་རྐང་པ་འཐོབ་སྟེ། དེ་ཤིན་དུ་ཆེར་མངོན་པར་འདུས་བྱས་པ་མེད་པར་རྫུ་འཕྲུལ་མངོན་དུ་འཐོབ་བོ།། དེ་འདོད་ན་སེམས་བསྐྱེད་པ་གཅིག་གིས་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ
198a7 སྙེད་དག་ཏུ་འགྲོ་ཞིང་དེར་སོང་བ་ཡང་ཤེས་ལ་འདི་ནས་ཀྱང་མི་གཡོའོ། ། དེ་ན་ཆོས་སྟོན་པར་ཡང་སྣང་ལ་འདི་ན་གཏམ་བརྗོད་པའི་རྒྱུན་ཡང་མི་འཆད་དོ།། རྣམ་པར་འཕྲུལ་པའི་རྒྱལ་པོ་འདི་ནི་བྱང་ཆུབ་སེམས་དཔའི་རྫུ་འཕྲུལ་གྱི
198a8 རྣམ་པར་འཕྲུལ་པ་སྟེ། རྣམ་པར་འཕྲུལ་པ་དེས་རྫུ་འཕྲུལ་གྱི་ཆོ་འཕྲུལ་གྱིས་གདུལ་བའི་སེམས་ཅན་རྣམས་འདུལ་བར་བྱེད་དེ། ལྷ་ཡང་རུང་། མི་ཡང་རུང་། སེམས་ཅན་གང་དག་རྟག་པར་འདུ་ཤེས་པ་དེ་དག་ལ་སྲེག་པའི་བསྐལ་པ
iiif viewer powered by OpenSeadragon
