| e-texts navigator |
| Wylie |
194b1 ཆོས་གང་དང་གང་བརྗོད་པའི་ཆོས་དེ་དང་དེ་ཚིག་དེ་ལ་ཡོད་པ་མ་ཡིན་ལ། གང་ཡོད་པ་མ་ཡིན་པ་དེ་བླ་དགས་ཡིན་པའི་ཕྱིར་ཏེ། དེའི་ཕྱིར་ཚིག་བླ་དགས་ཤེས་བྱའོ།། ཚིག་ཐམས་ཅད་ནི་ཚིག་མེད་པ་ཚིག་ཏུ་བརྗོད་པ་མེད་པའོ།། དེ་ལ་དམ་ཚིག
194b2 བརྗོད་པ་མེད་པའོ། ། དེ་ལ་ངས་ཚིག་བརྗོད་པ་གང་ཡིན་པ་དེ་ནི་ཚིག་མེད་པ་སྟེ། བརྗོད་པ་མ་སྐྱེས་པ་ནི་ཡང་དག་པ་མ་ཡིན་པའི་ཕྱིར་ཐམས་ཅད་འཇུག་པ་མེད་པར་བྱ་བའི་ཕྱིར་ཆོས་ཀྱི་འཁོར་ལོ་སྐོར་རོ།། ཆོས་ཀྱི་འཁོར་ལོ་དེ་བསྐོར་ཀྱང
194b3 རུང་མ་བསྐོར་ཀྱང་རུང་ཆོས་ཀྱི་དབྱིངས་ཀྱི་མཐའ་ཚད་མེད་པ་དེ་ཉིད་སྤོང་བར་ཡང་མི་བྱེད་དོ། ། ཆོས་ཀྱི་འཁོར་ལོ་བསྐོར་བ་དེ་གང་དག་གིས་ཤེས་པར་གྱུར་པ་དེ་དག་ཐམས་ཅད་ཀྱང་དེ་བསྐོར་བ་ཉིད་དུ་འགྱུར་རོ།། དེ་ནས་བདུད་རྣམ་པར
194b4 གནོན་པ་གཡོག་འཁོར་དང་བཅས་པ་དགེ་སློང་རྡོ་རྗེའི་ལྟེ་བ་དེའི་སློབ་མར་ཁས་བླངས་ནས་འདི་སྐད་ཅེས་སྨྲས་སོ། ། བདག་ནི་དགེ་སློང་ཁྱོད་ལ་སྐྱབས་སུ་མཆིའོ།། དེས་དེ་ལ་འདི་སྐད་ཅེས་སྨྲས་སོ།། ཁྱོད་ཁོ་བོ་ལ་སྐྱབས་སུ
194b5 མ་འགྲོ་བར་དེ་བཞིན་གཤེགས་པ་འོད་དྲི་མ་མེད་པའི་འོད་ཟེར་གྱི་རྒྱལ་པོ་གང་གིས་ཆོས་འདི་ལྟ་བུ་བསྟན་པ་ཁྱོད་དེ་ཉིད་ལ་སྐྱབས་སུ་སོང་ཤིག། དེས་དེ་ལ་འདི་སྐད་ཅེས་སྨྲས་སོ།། ཀྱེ་དེ་བཞིན་གཤེགས་པ་དེའི་ཐད
194b6 དུ་བཞུད་ཀྱིས་ཚུར་སྤྱོན། དེ་ནས་དགེ་སློང་རྡོ་རྗེའི་ལྟེ་བ་བདུད་རྣམ་པར་གནོན་པ་དང་། བདུད་བརྒྱད་ཁྲི་བཞི་སྟོང་དེ་དག་དང་འགྲོགས་ཏེ། བཅོམ་ལྡན་འདས་འོད་དྲི་མ་མེད་པའི་འོད་ཟེར་གྱི་རྒྱལ་པོ་དེ་བཞིན་གཤེགས་པ་ག་ལ་བ་དེར་དོང་ནས་ལྷག
194b7 པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཐལ་མོ་སྦྱར་ནས་སྤྱན་སྔར་འཁོད་པ་དང་། དེ་བཞིན་གཤེགས་པས་དེས་དེ་དག་ལ་ཚུལ་ཁྲིམས་ལ་གནས་པ་དེ་ཉིད་དང་། ཆོས་འཕགས་པ་ལ་སྦྱོར་བ་དེ་ཉིད་ལས་བརྩམས
194b8 ཏེ། ཅི་ནས་ཀྱང་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་བ་དེ་ལྟ་བུར་ཆོས་བསྟན་ཏོ།། རྣམ་པར་འཕྲུལ་པའི་རྒྱལ་པོ་དེའི་ཚེ་དེའི་དུས་ན་དགེ་སློང་རྡོ་རྗེའི་ལྟེ་བ་ཞེས་བྱ་བ་དེ་གཞན་ཞིག
iiif viewer powered by OpenSeadragon
