| e-texts navigator |
| Wylie |
190b1 ཡང་དེ་ཡིན་ནོ།། ཡང་དག་པའི་མཐའི་འཇུག་པ་གང་ཡིན་པ་ཆོས་ཐམས་ཅད་ཀྱི་འཇུག་པ་ཡང་དེ་ཡིན་ནོ།། འཇུག་པ་དེ་ལྟ་བུ་འདོད་པ་གང་ཡིན་པ་དེ་ནི་འདོད་པ་ཡང་མེད། འཇུག་པ་ཡང་མེད་པར་ཡང་དག་པར་རྗེས་སུ་མཐོང
190b2 ཞིང་མངོན་པར་ཞེན་པར་མི་བྱེད་དེ། གྲོགས་པོ་འདི་ནི་ཡང་དག་པར་འཇུག་པ་ཞེས་བྱའོ།། དེ་ནས་བྱང་ཆུབ་སེམས་དཔའ་རྡོ་རྗེའི་ལྟེ་བ་ལ་བདུད་རྣམ་པར་གནོན་པས་འདི་སད་ཅེས་སྨྲས་སོ།། དགེ་སློང་ཁྱོད་ཡང་དག་པའི་སྟོར་བ
190b3 འདིས་ཆོས་གང་ཞིག་རྟོགས་སྨྲས་སོ། ། གྲོགས་པོ་ཡང་དག་པའི་སྦྱོར་བ་འདིས་ནི་ཁོ་བོས་རྣམ་པ་མེད་པའི་ཆོས་རྟོགས་སོ།། ལྷག་པར་བྱེད་པ་མེད་པ་དང་། རློམ་སེམས་མེད་པས་ཀྱང་མཉམ་པ་ཉིད་རྟོགས་པར་བྱས་སོ།། ཡང
190b4 ཁྱོད་ཀྱིས་ཆོས་གང་རྟོགས་ཤེས་གང་དེ་སྐད་སྨྲས་པ་ཡང་དག་པའི་སྦྱོར་བ་འདི་ནི་རྟོགས་པས་རབ་ཏུ་ཕྱེ་བ་མ་ཡིན་གྱི། ཡང་དག་པའི་སྦྱོར་བ་འདི་ནི་ལྷག་པའི་ང་རྒྱལ་མེད་པའོ།། ཡང་དག་པའི་སྦྱོར་བ་འདི་ནི་ཐོབ་པས་རབ
190b5 ཏུ་ཕྱེ་བ་མ་ཡིན་གྱི། ཡང་དག་པའི་སྦྱོར་བ་འདི་ནི་ཐོབ་པས་རབ་ཏུ་ཕྱེ་བ་དང་བྲལ་བ་སྟེ། ཡང་དག་པའི་སྦྱོར་བ་འདིས་ཆོས་གང་ཡང་རྟོགས་པ་མེད་དོ།། ཡང་དག་པའི་སྦྱོར་བ་ཞེས་བྱ་བ་འདི་ནི་སྦྱོར་བ་མེད་པའི་ཚིག་བླ་དགས་སོ།། །
190b6 དེ་ནས་བྱང་ཆུབ་སེམས་དཔའ་རྡོ་རྗེའི་ལྟེ་བ་ལ་བདུད་རྣམ་པར་གནོན་པས་འདི་སྐད་ཅེས་སྨྲས་སོ།། དགེ་སློང་ཁྱོད་ཚུལ་ཁྲིམས་ཡང་དག་པར་བླངས་པ་འདིས་ཅི་ཞིག་ཐོབ་པར་འགྱུར། སྨྲས་པ། རྣམ་པར་གནོན་པ་ཁོ་བོའི
190b7 ཚུལ་ཁྲིམས་ཡང་དག་པར་བླངས་པ་འདིས་ཆོས་ཐམས་ཅད་འགག་པ་མེད་པ་དང་། སྐྱེ་བ་མེད་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ།། སྨྲས་པ། བྱང་ཆུབ་མངོན་པར
190b8 རྫོགས་པར་བྱང་ཆུབ་པ་གང་སྨྲས་པ། གཟུགས་མཉམ་པ་ཉིད་དུ་མངོན་པར་རྫོགས་པར་བྱང་ཆུབ་པ་ནི་བྱང་ཆུབ་མངོན་པར་རྫོགས་པར་བྱང་ཆུབ་པའོ།། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མཉམ་པ་ཉིད
iiif viewer powered by OpenSeadragon
