| e-texts navigator |
| Wylie |
185b1 སེམས་དཔའ་རྣམ་པར་འཕྲུལ་པའི་རྒྱལ་པོ་ལ་སྐབས་ཕྱེ་བ་དང་ཚིམ་ཞིང་མགུ་ལ་ཡིད་རངས་ཏེ་དགའ་བ་དང་བདེ་བ་དང་ཡིད་བདེ་བ་སྐྱེས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས
185b2 ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཐེག་པ་ཆེན་པོ་འདི་ལ་རྣམ་པར་འཕྲུལ་པ་དང་། ཐེག་པ་ཆེན་པོ་འདི་ལ་སེམས་ཅན་གཞན་དག་དང་།། གང་ཟག་གཞན་དག་འཚལ་བར
185b3 བགྱིད་པ་དང་། རྣམ་པར་འཕྲུལ་པ་དེས་ཀྱང་བདུད་ཐམས་ཅད་དང་། ལྷག་པའི་ང་རྒྱལ་ཅན་ཐམས་ཅད་དང་། ཕས་ཀྱི་རྒོལ་བ་ཐམས་ཅད་དང་། དམིགས་པར་ལྟ་བ་ལ་མངོན་པར་ཞེན་པ་ཐམས་ཅད་ཚར
185b4 བཀུམ་ནས་ཐེག་པ་ཆེན་པོ་འདི་ལ་འགོད་པར་བགྱིད་པ་དང་། སྨོན་ལམ་ཕུན་སུམ་ཚོགས་པར་འགྱུར་བ་དང་། འདི་ལྟ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བརྟུལ་ཞུགས་གྲུབ་པ
185b5 ཡོངས་སུ་རྫོགས་པར་འགྱུར་བ་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་རྣམ་པར་འཕྲུལ་པའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ།། རྣམ་པར་འཕྲུལ་པའི་རྒྱལ་པོ་ལེགས
185b6 སོ། ། ལེགས་སོ།། རྣམ་པར་འཕྲུལ་པའི་རྒྱལ་པོ་ཁྱོད་དེ་བཞིན་གཤེགས་པ་ལ་དོན་དེ་ལྟ་བུ་དྲི་བར་སེམས་པ་ཡང་ལེགས་སོ།། རྣམ་པར་འཕྲུལ་པའི་རྒྱལ་པོ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་།
185b7 ཇི་ལྟར་ན་བྱང་ཆུབ་སེམས་དཔའ་ཆེན་པོ་རྣམས་ཐེག་པ་ཆེན་པོ་འདི་ལ་རྣམ་པར་འཕྲུལ་པ་དང་། ཐེག་པ་ཆེན་པོ་འདི་ལ་སེམས་ཅན་གཞན་དག་དང་། གང་ཟག་གཞན་དག་འདོད་པར་བྱེད་པ་དང་། རྣམ་པར
185b8 འཕྲུལ་པ་དེས་ཀྱང་བདུད་ཐམས་ཅད་དང་། ལྷག་པའི་ང་རྒྱལ་ཅན་ཐམས་ཅད་དང་། ཕས་ཀྱི་རྒོལ་བ་ཐམས་ཅད་དང་། དམིགས་པར་ལྟ་བ་ལ་མངོན་པར་ཞེན་པ་ཐམས་ཅད་ཚར་བཅད་ནས་ཐེག་པ་ཆེན་པོ་འདི
iiif viewer powered by OpenSeadragon
