| e-texts navigator |
| Wylie |
179a1 ལམ་བརྟན། འི་ཁམས་ལམ་ཉན་རླུང་གི་ས་བརྟན། རྣམམ་པ་ལ་ཁམས་ལ་མཉན་ཏེ། དི་དག་ལ་ན་གཟུགས་པད། བ~ཾ་མེད། འདྲགས་དང་། འདུ་བྱེད་རྣམས་དང་། སེམས་མེད། ཡིད་མེད། རྣམ་པཅཝ
179a2 ཤེས་པ་མེད། ལས་མེད། ལས་ཀྱི་རྣམ་པར་སྨིན་པ་མེད། འཇིག་རྟེན་འདི་མེད། འཇིག་རྟེན་ཕ་རོལ་མེད། འོང་བ་མེད། འགྲོ་བ་མེད། གནས་པ་མེད། འཆི་འཕོ་མེད། སྐྱེ་བ་མེད་དོ།། འོན་ཀྱང་རིགས་ཀྱི་བུ་འདི་དག་ནི་སྤྲུལ་པ་ཞེས་བྱ་བ་ཡིན
179a3 ནོ། ། འདི་དག་ནི་གཞི་མེད་པ་ཞེས་བྱ་བ་ཡིན་ནོ།། འདི་དག་ནི་སྲོག་མེད་པ་ཞེས་བྱ་བ་ཡིན་ནོ།། འདི་དག་ནི་སྐྱེས་བུ་མེད་པ་ཞེས་བྱ་བ་ཡིན་ནོ།། འདི་དག་ནི་གང་ཟག་མེད་པ་ཞེས་བྱ་བ་ཡིན་ནོ།། འདི་དག་ནི་མཚན་ཉིད་མེད་པ་ཞེས་བྱ་བ་ཡིན
179a4 ནོ། ། འདི་དག་ནི་དབེན་པ་ཞེས་བྱ་བ་ཡིན་ནོ།། འདི་དག་ནི་སྟོང་པ་ཞེས་བྱ་བ་ཡིན་ནོ།། འདི་དག་ནི་ངོ་བོ་ཉིད་མེད་པ་ཞེས་བྱ་བ་ཡིན་ནོ།། བདེ་བྱེད་རིགས་ཀྱི་བུ་དང་། རིགས་ཀྱི་བུ་མོ་གང་དག་དེ་ལྟར་ཆོས་ཐམས་ཅད་སྤྲུལ་པ་ལྟ་བུར་འདོད
179a5 པ་དང་། བཟོད་པ་དང་། ཁོང་དུ་ཆུད་པ་དང་། མངོན་པར་དད་པ་དང་། ཡིད་ཆེས་པ་དང་། གཞན་གྱི་དྲིང་མི་འཇོག་པར་གྱུར་པའི་རིགས་ཀྱི་བུ་དང་། རིགས་ཀྱི་བུ་མོ་དེ་དག་ནི་བདེ་བྱེད་ངའི་བུ་ཞེས་བྱའོ།། དེའི་རྗེས་སུ་སྐྱེས་པ་ཞེས་བྱའོ།།
179a6 སྣང་བ་འཛིན་པ་ཞེས་བྱའོ།། འོད་བྱེད་པ་ཞེས་བྱའོ།། མུན་པ་བསལ་བ་ཞེས་བྱའོ།། ཉོན་མོངས་པ་སྤང་བ་ཞེས་བྱའོ།། སྟོན་པ་ཞེས་བྱའོ།། བསོད་ནམས་ཀྱི་ཞིང་ཞེས་བྱའོ།། ཡོན་ཏན་གྱི་གནས་ཞེས་བྱའོ།། དགེ་སྦྱོང་ཞེས་བྱའོ།།
179a7 བྲམ་ཟེ་ཞེས་བྱའོ།། ཚོར་བ་པོ་ཞེས་བྱའོ།། གླང་པོ་ཞེས་བྱའོ།། མི་སྐྱེ་བའི་ཆོས་ལ་བཟོད་པ་དང་ལྡན་པ་ཞེས་བྱའོ།། བྱང་ཆུབ་སེམས་དཔའ་ཞེས་བྱའོ།། སེམས་དཔའ་ཆེན་པོ་ཞེས་བྱའོ།། ཕྱིར་མི་ལྡོག་པའི་ཆོས
179a8 དང་ལྡན་པ་ཞེས་བྱའོ། ། བྱང་ཆུབ་སེམས་དཔའི་ཆོས་དང་ལྡན་པ་ཞེས་བྱའོ།། ལུང་བསྟན་པ་ཞེས་བྱའོ།། རིགས་ཀྱི་བུ་གང་སུ་ཡང་རུང་བ་དག་དེ་ལྟར་ཆོས་ཐམས་ཅད་སྤྲུལ་པ་ལྟ་བུར་མི་འདོད། མི་བཟོད། མི་འཇུག། མི་མོས
iiif viewer powered by OpenSeadragon
