| e-texts navigator |
| Wylie |
177a1 འཚལ་ནས་ཕྱོགས་གཅིག་ཏུ་འདུག་གོ། ། དེ་ནས་ཤཱཀྱའི་བུ་བདེ་བྱེད་བཅོམ་ལྡན་འདས་ག། ལ་བདེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ
177a2 སེམས་དཔའ་ཆོས་དུ་དང་ལྡན་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར། ཚོགས་ཆུང་ངུས་ཀྱང་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་མངོན་པར་སྒྲུབ་པར་བགྱིད།། སངས་རྒྱས་ཀྱི་ཞིང
177a3 ནས་སངས་རྒྱས་ཀྱི་ཞིང་དུ་འཆི་བར་བགྱིད། རྨོངས་པ་མ་མཆིས་པར་འགུམ་པའི་དུས་བགྱིད་པར་འགྱུར། སྐྱེས་ནས་ཀྱང་མངོན་པར་ཤེས་ལ་ལྔ་དང་ལྡན་པར་འགྱུར།། མི་ཁོམ་པ་ཐམས་ཅད་རྣམ་པར་སྤོང་ཞིང་ཁོམ་པ་འབྱོར་པ་ཐོབ
177a4 པར་འགྱུར། གཟུངས་ཀྱང་ཐོབ་པར་འགྱུར། སྤོབས་པ་ཐོགས་པ་མ་མཆིས་པ་དང་ཡང་ལྡན་པར་འགྱུར། ཕྱིར་མི་ལྡོག་པའི་ཆོས་དང་ལྡན་ཞིང་སྟོང་པ་ཉིད་ལ་ལྷག་པར་མོས་པར་ཡང་འགྱུར། རྟག་ཏུ་རབ་ཏུ་འབྱུང་བ་ལ་མངོན་པར།
177a5 དགའ་བར་འགྱུར། ཁྱིམ་ན་གནས་ཀྱང་རྟག་ཏུ་ཚངས་པར་སྤྱོད་པ་ལ་མངོན་པར་དགའ་བར་འགྱུར་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཤཱཀྱའི་བུ་བདེ་བྱེད་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ
177a6 ཁྱོད་དེ་བཞིན་གཤེགས་པ་ལ་དོན་འདི་ཡོངས་སུ་ཞུ་བར་སེམས་པ་ནི་རིགས་ཀྱི་བུ་ཁྱོད་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། སྐྱེ་བོ་ཕལ་པོ་ཆེའི་དོན་དང་། ལྷ་དང་མི་རྣམས་ལ་ཕན་པ་དང་།
177a7 བདེ་བའི་ཕྱིར་ཞུགས་པ་ཡིན་ཏེ། ལེགས་སོ་ལེགས་སོ།། དེའི་ཕྱིར་རིགས་ཀྱི་བུ་ཁྱོད་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་ཁྱོད་ལ་བཤད་དོ།། བྱང་ཆུབ་སེམས་དཔའ་ཆོས་བཞི་དང་ལྡན་ན་ཇི་སྐད་སྨོས་པའི་ཡོན་ཏན་དང
177a8 རྗེས་སུ་འཐོབ་སྟེ། པ་ནི་གང་ཞེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་བཟོད་པའི་སྟོབས་དང་ལྡན་ཞིང་བཟོད་པ་ལ་གནས་པ་དེ་ཕ་རོལ་གཤེ་ཡང་སླར་མི་གཤེ་བ་དང་། བརྡེགས་ཀྱང་སླར་མི་བརྡེག་པ་དང་། མཚད་བྲུས་ཀྱང
iiif viewer powered by OpenSeadragon
