| e-texts navigator |
| Wylie |
160b1 འཆི་བ་དག་གི་དུས་ཚེ་ཡང་།། སངས་རྒྱས་བྱེ་བ་སྟོན་པར་མཛད།། མཐོང་ནས་དབང་པོས་ཕྱག་འཚལ་ཏེ།། ཆོས་ཀྱང་ཉན་ཅིང་འཛིན་པར་འགྱུར།། དེ་བཞིན་གཤེགས་པའི་མཚན་ཐོས་པ།། སྤྱད་པ་དམ་པ་སྤྱོད་པ་ན།། དེ་ཡིས་བསྟན་པའི་ཆོས་གང
160b2 ངག། བསྐལ་པ་བྱེ་བར་ཆུད་མི་གསོན།། སངས་རྒྱས་ཀྱི་ནི་མཚན་བསྒྲགས་པས།། རིན་ཆེན་ཞེས་བྱའི་ཏིང་ངེ་འཛིན་སྟོང་བག་བདུན་བཅུ་དེ་ཚེ་འཐོབ། ཡོན་ཏན་བྱེ་བད་བསྒྲོགས་པར་འགྱུར།། གང་ཞིག་ཐུབ་པའི་མཚན་འཛིན་པ།། ཏིང་འཛིན་གྲངས
160b3 མེ་བྱེ་བ་དང་། ། དེ་བཞིན་ས་ཡ་དྲུག་བཅུ་དག། དེ་ལ་ཉེ་བར་གནས་པར་འགྱུར།། དེ་བས་མཉམ་གནག་དཔའ་བོ་ཡིས།། བྱང་ཆུབ་སྤྱད་པ་སྤྱོད་པའི་ཚེ།། སེམས་ཅན་མང་པོ་སྟོང་རྣམས་དག། བྱང་ཆུབ་མཆོག་ལ་འཇོག་པར་བྱེད།།
160b4 བྱང་ཆུབ་མ་རྫོགས་བར་དུ་ནི།། ནམ་ཡང་འདོད་ལ་མི་བསྟེན་དེ།། སེམས་ཅན་གཞན་ཡང་སངས་རྒྱས་ཀྱི།། མཚན་བསྟན་ནས་ནི་བཟློག་པར་བྱེད།། གང་ཞིག་སངས་རྒྱས་མཚན་ཐོས་ནས།། སྲོག་ཆགས་ཀུན་ལ་འདི་སྟོན་པ།། ནམས
160b5 ཀྱང་མི་ཁོམ་མི་འགྱུར་ཞིང་། ། དེ་ཡིད་ལྟ་བ་རྙེད་མི་དགའ།། ཤིན་ཏུ་བཟང་བ་སངས་རྒྱས་དག། འབྱུང་བ་མཉེས་པར་བྱས་པས་ནི།། ད་ཡིས་མི་ཁོམ་གང་བསྟན་པ།། དེ་དག་ཐམས་ཅད་སྤོངས་པར་འགྱུར།། ཇི་ལྟར་འདྲེན་པ་མཁྱེན་པ
160b6 བཞིན། ། གཞོན་ནུ་གལ་ཏེ་ཁྱད་ཤེས་ན།། སྟོན་པའི་མཚན་ནི་བཟུང་ནས་སུ།། ཕྱོགས་ཀུན་ཏུ་ནི་རབ་ཏུ་སྒྲོགས།། དེ་བས་གཞོན་ནུ་གཞན་དག་ལ།། མཚན་འདི་རབ་ཏུ་བསྟན་བྱས་ན།། ཡང་དག་བྱང་ཆུབ་འདི་བཟུང་ཞིང་།། འཇིག་རྟེན་གྱི་ནི
160b7 མགོན་དུ་འགྱུར། ། གང་ཞིག་སངས་རྒྱས་མཚན་ཐོས་ནས།། གཡེང་བ་མེད་པར་འདི་བཟུང་སྟེ།། སོང་ནས་གཞན་དག་ལ་སྟོན་པ།། དེ་ནི་བྱང་ཆུབ་མངོན་དུ་བསྲུང་།། གང་ཞིག་མདོ་སྡེ་འདི་ཐོས་ནས།། གཞན་དག་ལ་ནི་རབ་སྟོན་ན།།
160b8 ལེགས་པར་གསུངས་པའི་ཆོས་ཀྱི་ཚུལ།། བསྟན་པ་འདི་དག་བསྲུང་བར་བྱེད།། གཞོན་ནུ་ནུབ་ཕྱོགས་ལོགས་ན་གཞོན་ནུ་དཔེའ་སྔ་མ་ལྟ་བུ་དེ་ལས་སུམ་གྱུར་གྱི་རྡུལ་ཕྲ་མོའི་རྡུལ་བགྲངས་པའི་ཚུལ་གྱིས་དེ་སྙེད་ཀྱི་འཇིག་རྟེན་གྱི
iiif viewer powered by OpenSeadragon
