| e-texts navigator |
| Wylie |
156b1 དེས་ན། ། སྐྱེས་བུ་བྱེ་མ་དེས་གྲངས་མེད་པ་བརྒྱ་སྟོང་དགུ་བཅུ་རྩ་དགུར་བསྒྱུར་བ་འདས་ནས་སངས་རྒྱས་ཀྱི་ཞིང་གྲངས་མེད་པ་བྱེ་བ་ཁྲག་ཁྲིག་ཕྲག་འབུམ་རྙེད་འདས་པ་ན་འཇིག་རྟེན་གྱི་ཁམས་མུ་ཏིག་ཅན་ཏེ། དེ་ན
156b2 ན་ག་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་འོད་ཟེར་ཟླ་བས་བརྒྱན་པ་མཁས་པའི་གཟི་བརྗིད་དབྱངས་ཀྱི་དབང་ཕྱུག་གི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་བཞེས་ལ་ཆོས་ཀྱང་སྟོན
156b3 ཏོ། ། གཞོན་ན་བྱང་ཆུབ་སེམས་དཔའི་ཐེག་པ་ལ་ཡང་དག་པར་གནས་པའི་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་དེ་བཞིན་གཤེགས་པ་དགྲ་བཙམ་པ་ཡང་དག་པར་རྫོགས་པའི་སངས་རྒྱས་རིན་ཆེན་འོད་ཟེར་ཟླ
156b4 བས་བརྒྱན་པ་མཁས་པའི་གཟི་བརྗིད་དབྱངས་ཀྱི་དབང་ཕྱུག་རྒྱལ་པོ་དེའི་མཚན་ལ་སོམ་ཉི་མི་ཟ་ཞིང་ངས་མཐོང་བ་ལ་ཡང་ཡིད་ཆེས་ན། དེའི་ཚེ་འདས་པའི་འོག་ཏུ་འཁོར་ལོས་སྒྱུར་བའི་རྒྱལ་སྲིད་འཐོབ་པར
156b5 འགྱུར་རོ། ། དེའི་རྒྱལ་སྲིད་ལ་ཡང་སངས་རྒྱས་འབྱུང་བར་འགྱུར་ཞིང་དེ་བཞིན་གཤེགས་པ་དེ་མཐོང་ནས་ཀྱང་མཆོད་པ་དཔག་ཏུ་མེད་པ་བྱེད་པར་འགྱུར། ཚངས་པར་སྤྱོད་པར་ཡང་འགྱུར།། མངོན་པར་ཤེས་པ་ལྔ་ཡང
156b6 རྟོགས་པར་ཁོང་དུ་ཆུད་པར་འགྱུར། ། དེ་བཞིན་གཤེགས་པ་དེ་མཐོང་མ་ཐག་ཏུ་གཟུངས་བརྒྱ་འཁྱིལ་བ་ཞེས་བྱ་བ་འཐོབ་པར་འགྱུར།། གང་གཱའི་ཀླུང་གི་བྱེ་མ་སྙེད་ཀྱི་སངས་རྒྱས་དག་ལ་བསྙེན་བཀུར་བྱེད་པར་འགྱུར།
156b7 དེ་སྙེད་ཀྱི་བསྐལ་པ་བྱེ་བ་ཉིད་དུ་འཁོར་བ་ལས་ཕྱིར་ཕྱོགས་པར་བྱེད་པར་འགྱུར།། དེའི་སེམས་ཤིན་དུ་རྨོངས་པ་མེད་ཅིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར།། སྲེད་མེད་ཀྱི་བུའི་ལུས་ལྟར་མཁྲེགས་པའི
156b8 ལུས་སུ་འགྱུར། ། ལུས་དབྱིབས་གཅིག་ལ་སཱི་ཛ་བ་ཞི་བར་འགྱུར། དེའི་ལུས་ཀྱི་མདོག་གསེར་གྱི་ཁ་དོག་འདྲ་བར་འགྱུར།། སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱིས་ལུས་བརྒྱན་ཅིང་ཚངས་པའི་ཐང་བྱས་སུ་ཡང་རྒྱ
iiif viewer powered by OpenSeadragon
