| e-texts navigator |
| Wylie |
146b1 ནི་ནམ་ཡང་མ་བྱུང་ལགས་སོ། ། བདག་ཅག་གིས་ཀྱང་ཆོས་ཀྱི་རྣམ་གྲངས་ལ་དགའ་བ་འདི་ལྟ་བུ་ཐོབ་པ་ནི་སྔོན་མ་མྱོང་ལགས་ཏེ། དེ་ལྟ་ལགས་པས་བཅོམ་ལྡན་འདས་ཡོངས་སུ་མྱ་ངན་ལས་འདས་ནས་ཀྱང་སྐྱེ་བོ་མང་པོ་ལ
146b2 སྨན་པ་དང་། མ་འོངས་པའི་སྐྱེ་བོ་རྣམས་ཀྱི་སླད་དུ་ཆོས་ཀྱི་རྣམ་གྲངས་འདི་ཅི་ནས་སངས་རྒྱས་ཀྱི་མཛད་པ་བགྱིད་པར་འགྱུར་བ་དང་། སེམས་ཅན་མོས་པ་ཐ་དད་པ་རྣམས་ཀྱིས་ཆོས་ཀྱི་རྣམ་གྲངས་འདི་ཐོས་ནས་མོས་པ
146b3 ཇི་ལྟ་བ་བཞིན་དུ་ཐེག་པ་ཐ་དད་པས་ངེས་པར་འབྱུང་བར་འགྱུར་བ་དང་། དེ་དག་བདེ་འགྲོར་མཆི་བར་བགྱི་བར་བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་ལགས་པར་བྱིན་གྱིས་བརླབ་ཏུ་གསོལ། དེ་ནས་བཅོམ
146b4 ལྡན་འདས་ཀྱིས་འཁོར་བཞི་པོ་དེ་དག་གིས་གསོལ་བ་བཏབ་པར་ཐུགས་སུ་ཆུད་ནས་ཕྱོགས་བཅུར་རྣམ་པར་གཟིགས་སོ། ། བཅོམ་ལྡན་འདས་ཕྱོགས་བཅུར་རྣམ་པར་གཟིགས་མ་ཐག་ཏུ་དེ་ནས་དེའི་མོད་ལ
146b5 སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའི་ས་གཞི་ཆེན་པོ་རྣམ་པ་དྲུག་ཏུ་རབ་ཏུ་གཡོས་པར་གྱུར་ཅིང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ།
146b6 ཅི་དང་། ལྟོ་འཕྱེ་ཆེན་པོ་རྣམས་ཀྱང་དགའ་བ་དང་། མགུ་བ་དང་། ཡིད་རངས་པ་དང་། སྤྲོ་བ་དང་། དགའ་བ་དང་། ཡིད་བདེ་བ་སྐྱེས་ནས་ཅི་ནས་ཀྱང་ཕྱི་མའི་དུས་ན་ཆོས་ཀྱི་རྣམ་གྲངས་འདི་ནུབ་པར་མི་འགྱུར་བར་བྱིན
146b7 གྱིས་བརླབ་པར་བྱ་བའི་ཕྱིར་དེ་བཞིན་གཤེགས་པ་དང་། བྱང་ཆུབ་སེམས་དཔའ་སེམས་ཅན་ལ་དགའ་བ་རྣམས་དང་། ཉན་ཐོས་ཀྱི་དགེ་འདུན་ལ་ལྷའི་མཆོད་པ་དག་བྱས་ཤིང་སྟེང་གི་བར་སྣང་ལས་མེ་ཏོག་གི
146b8 ཚར་དག་ཀྱང་རབ་ཏུ་ཕྲ་བ། ལྷའི་སིལ་སྙན་དང་། གླུ་དབྱངས་དག་ཀྱང་རབ་ཏུ་བསིལ་ཅིང་བླངས་སོ།། དེ་ནས་དེ་བཞིན་གཤེགས་ས་ཐམས་ཅད་དང་ལྡན་པའི་འཁོར་དེ་ལ་འདི་སྐད་ཅེས་དེ་དང་འཇམ་དཔལ་གཞོན་ནུར
iiif viewer powered by OpenSeadragon
