| e-texts navigator |
| Wylie |
146a1 བྱེད་ན་གང་དག་མོས་པ་དང་། ཡི་གེར་འདྲི་བ་དང་། ཀློག་པ་དང་། གཞན་དག་ལ་ཡང་སྟོན་པར་བྱེད་པ་དག་ལྟ་སྨོས་ཀྱང་ཅི་དགོས། གང་དག་མདོ་སྡེ་འདི་ཡི་གེར་འབྲིབ་དང། ལུང་ནོད་པ་དང་། ཁ་ཏོན་བྱེད་པ་དང་། ཀློག
146a2 པ་དང་། དེ་བཞིན་ཉིད་དུ་སྒྲུབ་པར་བྱེད་པ་དེ་དག་ནི་སངས་རྒྱས་བཅོམ་ལྡན་འདས་རྣམས་དང་ལྷན་ཅིག་ཏུ་གཏམ་འདྲེ་བར་བྱེད་པ་དང་། ཕེབས་པར་སྨྲ་བར་བྱེད་པར་འགྱུར་ཏེ། དེ་དག་ནི་རྟག་ཏུ་སངས་རྒྱས་བཅོམ་ལྡན་འདས་རྣམ
146a3 དང་མི་འབྲལ་བར་འགྱུར་ཞིང་འཇིག་རྟེན་གྱི་ཁམས་གཞན་དག་ན་བཞུགས་པའི་སངས་རྒྱས་བཅོམ་ལྡན་འདས་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཀྱང་དེ་དག་ལ་སྟོན་པར་མཛད་ཅིང་བླ
146a4 ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པར་ཡང་འགྱུར་རོ། ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཆོས་ཀྱི་རྣམ་གྲངས་འདི་ཐོས་པ་དེ་ནི་སངས་རྒྱས
146a5 འབྱུང་བ་དང་འདྲ་བ་ཡིན་གྱིས་ཀུན་དགའ་བོ་ཁྱོད་ཀྱིས་ཆོས་ཀྱི་རྣམ་གྲངས་འདི་ཟུང་ཤིག། གཞན་དག་ལ་ཡང་རྒྱ་ཆེར་སྟོན་ཅིག། ཀུན་དགའ་བོས་གསོལ་པ། བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ཞེས་བགྱི།། །
146a6 འདི་ཇི་ལྟར་གཟུང་བར་བགྱི། འདིའི་མིང་ཇི་སྐད་བསྟན་པར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཆོས་ཀྱི་རྣམ་གྲངས་འདི་ལྷའི་བུ་རབ་རྩལ་སེམས་ཀྱིས་ཞུས་པ་ཞེས་བྱ་བ་དང་། འཇམ
146a7 དཔལ་གྱིས་བསྟན་པ་ཆོས་ཐམས་ཅད་རྣམ་པར་གཏན་ལ་དབབ་པ་བསྟན་པ་ཞེས་བྱ་བར་ཡང་ཟུང་ཤིག། དེ་ནས་འཁོར་དེ་དག་གིས་ཆོས་ཀྱི་རྣམ་གྲངས་འདིའི་མིང་ཐོས་ནས་ཐལ་མོ་སྦྱར་ཏེ་བཅོམ་ལྡན་འདས་ལ་འདི།
146a8 སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་གིས་འཇམ་དཔལ་གཞོན་ནུར་གྱུར་པས་ཆོས་བསྟན་པ་མང་དུ་ཐོས་ལགས་ན་ཇི་ལྟར་ཆོས་ཀྱི་རྣམ་གྲངས་འདི་རབ་ཏུ་རྣམ་པར་བྱེ་སྟེ་རྒྱ་ཆེར་བསྟན་པ་དེ་ལྟ་བུའི་ཆོས
iiif viewer powered by OpenSeadragon
