| e-texts navigator |
| Wylie |
207a1 ཇི་ལྟར་བརྒྱན་པ་དང་། ཇི་ལྟར་བསྲུབས་པ་དང་། དཔལ་གྱིས་ལྷ་དང་མིར་བཅས་པའི་འཇིག་རྟེན་ཟིལ་གྱིས་མནན་ནས་མ་ཆགས་པར་བཞུགས་ཏེ། གང་ན་བརྒྱ་སྟོང་ཕྲག་བཅུ་ལ་དབང་བསྒྱུར་བའི་ཚངས་པ་ཆེན་པོ་འདི
207a2 ངག་མོག་མོག་པོར་གྱུར་ནས་དེ་བཞིན་གཤེགས་པའི་སྐུལ་ལྟན་ཡང་མིག་ཟི་ཟི་བོར་གྱུར་པ་ལ་ལྟོས། ཀླུའི་བདག་པོ་བྱང་ཆུབ་སེམས་དཔའ་འདི་དག་གི་གཟུགས་དང་། མཚན་དང་། ལུས་དང་། རྒྱན་རྣམས་ལ་ལྟོས། ཀླུའི
207a3 བདག་པོ་དེ་དག་ཐམས་ཅད་ནི་དགེ་བའི་ལས་མངོན་པར་འདུ་བྱ་བ་རྣམས་ཀྱིས་མངོན་པར་འདུས་བྱས་པས་བརྒྱན་པ་བསྒྲུབས་པའོ། ། ཀླུའི་བདག་པོ་ཁྱོད་ཀྱི་བཀོད་པ་འདི་ཡང་བསོད་ནམས་ཐམས་ཅད་ལས་བྱུང་བའོ།། ཀླུའི་བདག་པོ
207a4 བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་འདི་དག་གི་བཀོད་པ་གང་ཡིན་པ
207a5 དེ་དག་ཐམས་ཅད་ཀྱང་བསོད་ནམས་ལས་བྱུང་བའོ། ། ཀླུའི་བདག་པོ་རྒྱ་མཚོ་ཆེན་པོ་འདི་ན་གང་དག་ལུས་སྣ་ཚོགས་གཟུགས་མི་སྡུག་ཅིང་དབྱིབས་མ་ལེགས་པ་དང་། དབྱིབས་ལེགས་པ་དང་། ལུས་རགས་ཤིང་ཆེ་བ་རྣམས་དང་།།
207a6 གང་དག་ལུས་ཕྲ་ཞིང་ཆུང་བ་དེ་དག་ཐམས་ཅད་ཀྱང་རང་རང་གི་སེམས་དང་། ལུས་དང་། ངག་དང་། ཡིད་ཀྱི་ལས་དགེ་བ་དང་མི་དགེ་བས་སྣ་ཚོགས་སུ་གྱུར་པ་དག་གོ། ཀླུའི་བདག་པོ་དེ་བས་ན་ལས་བདག་གིར་བྱ་བ་ལས་ཀྱི་བགོ
207a7 སྐལ་ལ་སྤྱོད་པ། ལས་ཀྱི་སྐྱེ་གནས་པ། ལས་ཀྱི་རྣམ་པར་སྨིན་པ་ལ་རྟེན་པར་བྱའོ་ཞེས་ཀླུའི་བདག་པོ་ཁྱེད་ཀྱིས་དེ་ལྟར་སློབས་ཤིག་དང་། ལས་བདག་གིར་བྱ་བ། ལས་ཀྱི་བགོ་སྐལ་ལ་སྤྱོད་པ། ལས་ཀྱི་རྣམ་པར་སྨིན་པ་ལ་རྟེན
207a8 པ་བྱེད་དགེ་བའི་ཆོས་མངོན་པར་འདུ་བྱ་བ་ལ་བློ་འཇུག་པར་འགྱུར་རོ། ། ལྟ་བ་ཆུད་གསོན་པར་བྱེད་པར་མི་འགྱུར་རོ།། ཆད་པ་དང་། རྟག་པར་ལྟ་བ་ལ་གནས་པར་མི་འགྱུར་རོ།། ཁྱོད་ཀྱིས་སྦྱིར་བའི་གནས་རྣམས་མགུ་བར
iiif viewer powered by OpenSeadragon
